影片
一心谂住买海味过年， 路经此地， 眼见有车仔面铺， 喺外面睇都坐满晒人， 一于入去试一试！真心觉得几好食㖞！今次叫咗油面， 生菜，牛腩， 萝卜同鱼蛋！仲有小食炸鸡翼！特别推介炸鸡翼同萝卜！试过出面食嘅萝卜系冇味㗎！佢D 萝卜整得好入味！牛腩又够淋同瘦， 啱晒我口味！鱼蛋又好弹牙！再加少少辣。。。哗。。。 辣汁真系好够辣！唔食得辣真系唔好试！而炸鸡翼炸得外脆内嫩刚刚好！Menu有60 几款𩠌拣， 款式都算多， 同埋有好多小食拣， 下次会再试！值得一提， 碗面都几大碗，抵食！
继续阅读
好唔理解点解咁难食。一碗简单嘅车仔面，唔够滑，食物种类唔够。咖喱唔够甜，鱼蛋又太硬。最主要系里边比较嘈吵。很难同朋友倾计。仍然有好多进步空间。幸好的是奶茶好饮,有茶味道。邻近地铁站。也算方便。下次都会去。
继续阅读
我是西营盘街坊，睇住呢间舖开业。前后帮趁了3~4次，祇可说一次比一次差。头2次点三𩠌米线中辣，𩠌尚可但米线浸到糊咁已无咬口，中辣辣到喷火！所以已有半年没进去。今年想食车仔面又不想上高街咁斜，便再帮趁多次，点了米粉(无咁易成糊状)2份猪肠/猪红/生根，小辣，冻奶茶共$55。米粉正常，拌匀汤/粉后饮半更汤，祇觉喉咙像火烧一样，净辣得来全无其它香料味，猪红咸得来像是盐腌制品，猪肠有阵异味，生根祗有三件！虽然啊姐帮我加汤减辣，但整体质素太差吃了半碗便放弃。相信唔会再光顾了！提一下，啊姐嘅服务态度尚算好。
继续阅读
收工赶住workout食唔切野番到屋企挣扎食唔食野都系屈伏左落楼下揾食首先见到好光既7-11然后见到buy back既点心同呢间车仔面其实如果外地旅客黎香港要食特色野，除左三哥、点心、吉鱼蛋、大排档、熟食中心之外、都应该要食埋车仔面。西营盘有味道好唔错既车仔面-高街面霸、但开太晏山太早同系长命斜上面好难食到；鹅颈桥街市又系排到傻；好多d好多人话yum但真系唔几食得出边一part yum :永年、车仔面之家。咁讲番呢间车仔面、山12点、近海味街、平、乱咁叫3送另小食有埋野饮先$55、员工够多、服务态度好、肉眼见厨房都干净无积、咁味道呢⋯⋯但可以每样配料都无味（由鱼、老水蛋）、猪肠酸既、小食鸡翼咸到呢⋯⋯但街坊唔自煮、唔贵唔想buy back 都ok gei
继续阅读