車仔麵之家

营业中

休息中

i think is vy gd ar ..the soup is delicious and the size is eough .

琴晚要過黎灣仔上堂知道有人話呢間d車仔麵好食專登過黎試下一黎到有一個嚇親既感覺因為個門面真係好up dup又無堂食座位(只係得兩邊連牆枱椅係有兩張但絕對唔o岩個高度俾你坐o係度食但係因為同個朋友諗住都一場黎到都想試下點解咁好食於是入去睇睇我入到去見個男人坐o係廚房地下訓著左以為佢唔做晚巿但叫左聲唔該之後佢即刻彈起身都真係有d嚇親有人話呢度d蘿蔔同豬紅好味一定要試下啦另外我叫左魚旦,甜酸齋,時菜配個米粉個米粉同時菜係大路貨色無乜特別但係個蘿蔔真係無楂,好清甜魚旦唔係咖喱味但都幾好食豬紅好整齊又入味,唔錯個甜酸齋d汁都幾好朋友叫左豬腸試左一件發覺洗得真係好乾淨唔肥膩幾好食以22.5一碗車仔麵都幾抵既不過真係唔係咁信會有d車專登黎呢度買外賣食囉我諗我下次過海都未必會專登再黎食囉

睇過食評心思思去試吓,小妹有以下形容-湯正料掂,而且勁平,我叫左魷魚.大腸.蘿蔔.雞尖.齋都喺18蚊,簡直超值,饞嘴者必試之選

我記得中學時期，我在這家車仔麵附近的青少年中心溫書，自不然經常去食啦。知道好好食，但真的唔知道原來這家車仔麵會後出名到有中環上班族的士來的士往來買車仔麵呀。我通常都係叫豬皮魚旦粉腸甜酸齋，值得留意，甜酸齋同佢地的湯底係好鬼夾味呀

好多地方都有”車仔麵”食, 但係呢間就令千尋印象難忘, 只因舖仔實在太細, 如果人少, 都可以企係張長檯前面食, 一個唔好彩人多就要企係門口或後巷內食, 但係周不時又會有o 的有錢人坐”Benz ”呀”BMW ”呀”波子”呀o 禁黎幫襯, 完全因為地抵食同好食, 千尋o 既推介有”魚蛋”、”魷魚蘇”、”豬紅”同”蘿蔔”, 不過, 最後記得加”沙爹醬”, 食落唔辣仲好好味o 架。