越華會 (已結業)

對港島東甚無認識的我, 在朋友的介紹下, 來了這兒開飯2個人没甚多可以點吧, 朋友說必要吃的黃金蝦, 果然炒得乾身, 而且色澤金黃, 味道更是黃香處處, 蝦的份量及數目都不少, 當中有一兩隻不太新鮮外, 其他的都是鮮味的, 如果在上枱前為我脫瞉便更理想吧. 豉汁炒蜆的份量多而且火喉十足, 很有大排檔風味, 蜆肉鮮味配以白飯的確一流, 加上大啤一支更是上佳之選, 可惜是次只有2個人, 否則會點多些吧!吃罷吃罷才知道灣仔也有分店, 幹嗎我要上長水遠來這兒呢?

今次去點了蜜餞骨、芝士班塊、牛柳條及雜菜豆腐煲，前三個依然好味無走樣，新試的豆腐煲就唔得了喇，經炆煮過的豆腐入口依然嫩滑，好像食緊豆腐花一樣的感覺，我們一行三人都一致好評這味豆腐正正正，下次想去試埋個蔥油雞，見到好想食呢

七點去到已經排晒長龍. 不過我地唔想等, 選擇坐街邊即刻有位.冬瓜盅: 有田雞, 雞雜等等, 好甜好夠味. 正!鹽焗雞: 走地雞肉質韌, 好夠雞味.炒蟶子: 好肥好爽, $5x 抵食蒜香骨: 炸得好脆, 個汁又好味.4個人食三餸一湯, 都係$350埋單, 真係好抵

晚上九時半後入座平好多~芝士斑塊$55...芝士獻一d都唔馬虎,食落就知落重芝士煮,好夠味,又夠多汁,有心之作~菜遠牛肉炒河,唔夠味,不過用筷子一夾,粉內窩藏著的鑊氣即刻爆發出來,牛肉都唔少,不過如果可以鹹返d就好~食完兩個已經好飽/濟? 芝士汁太足料既緣故?P.S.唔知係咪兩個人既原因, 試既款式唔多, 可能覺得有少少唔抵~一家大小黎呢度開餐都算唔錯~

此間之食物令我覺得好有水準,當日我和老公仔叫咗三個餸,包括芝士斑塊, 蒜香骨及南乳齋煲,每款都好好味,先講芝士斑塊, 此味的芝士味夠濃及不稀及魚都好新鮮, 對愛吃芝士的人士來說簡直正, 另一款是蒜香骨, 香而肉滑, 零捨不同, 啲汁獻較得剛好而不是他家的"杰撻撻"或掛獻得不平均,此味餸兩者都配合得非常好, 簡直可以用"剛柔並重"的說法來形容此味...delicious...i very like...可再encore...., 而齋煲的南乳味不是太重,如可再重些南乳味會令這餸更加帶出此餸名稱的香味而名符其實的南乳齋煲, 基本上都可接受的... 將來不久會再去試食其他的餸....想起都開心..<hahaha...>

今次再去已經相隔十年，但係水準依然保持到，特別係個蒜香骨同芝士魚塊，個骨掛獻掛得好，甜酸度亦非常配合，打包番屋企再食都唔會起晒水，個班塊芝士味極濃，D汁都可以送兩個白飯，這裡的菜都很夠份量，所以食到要捧住個肚行出門口，一定有下次

這間越華會開張時看報紙話係明星開的..過左幾年, 唔知有冇轉到老闆.今日試他們的午餐..都好多選擇..全部都係$29.我想他們的晚飯小炒才是主打...不過好像有點貴.店舖很大. 坐都幾適服.我點了魚香茄子飯.飯和餸分開上. 一吃飯..便扣了分..很生.魚香茄子只有很大條去皮茄子和肉粒..很特別. 長長的茄子, 只有茄肉. 其實都幾好味.

早餐多元化, 又中又西又可自由組合, d餐又可以轉三轉四, 夠flexible-粥la, 炒面, 煎腸粉-多士好正, 夠脆....牛油有檸檬味, 好香-有羅宋湯通, 湯太濃, 但好足料, 有好多蔬菜-蕃茄薯仔肉碎通, 味就恰到好處-豬仔包好特別:夠熱,外脆內軟...仲有好多款選擇-凍飲好大杯, 抵價錢大概$20, 一人一份一定有淨....抵!

上星期日晚,差不多九點鐘, o黎到越華會門外,已經見到幾堆人係度等位,我地都即刻拿飛等位,要等四張(木台),竟然第二個就叫我地入去,所以等o左十分鐘左右,就入得去,我地四個人入到去座低,侍應就放低兩碟花生。我地諗住叫半隻蒜香雞,點知所有都雞賣晒!我們唯有叫其他野!芝士斑塊~~斑塊炸得好脆!芝士汁夠濃!好香奶味!這個汁好好味!可以撈幾碗白飯!沙拉骨~~塊肉好鬆化!一d 都唔韌!好好味!椒鹽魷魚~~肉質唔會太乾身,炸得好脆,只是不夠椒鹽味!加埋四個白飯,埋單$204,價錢都合理!我地都食得幾飽!

是晚阿K老豆請客，我問左好多有關在香港以外做野既情況，獲益良多。言歸正傳，食好野其實未必要去一D高級餐廳，一D街坊食肆成日都會有意外驚喜。好似呢間嚮筲箕灣既越華會，提供既都係一D家常小菜，價錢大眾化。一行六個人，叫左以下菜式：1)豉油雞2)蜜味蒜香骨3)椒鹽豆腐4)蔥油雞5)蝦膠釀油炸鬼6)冬瓜盅7)豉椒煮白鱔8)金銀蛋莧菜豉油雞整得幾入味，不過就略嫌鹹左少少，送飯會更加好。椒鹽豆腐十分好味，外面一層甘香鬆脆既外皮，包住裡面滑滑既豆腐心，唔駛點醬油都已經好好味。蜜味蒜香骨甜甜地又帶有蒜香味，感覺不俗，排骨咬落完全唔韌，好鬆軟，証明排骨之前醃得夠。豉椒煮白鱔其實唔差，不過不時不食，D白鱔唔夠肥美。蔥油雞用肉質去分辨就唔會係新鮮雞，但係好在完全冇雪藏味，有好多薑蔥，但薑蔥味唔係好濃烈，適合唔鍾意食薑蔥既人。冬瓜盅材料足，飲唔出有任何味精加左落去(事後我既皮膚冇出敏感徵狀，証明真係冇落味精)。全晚我最欣賞既就係蝦膠釀油炸鬼，菜式有創意，蝦膠配合油炸鬼去煎，有少少香口之餘仲有蝦既鮮味，而且D蝦膠係用新鮮蝦打既，所以我食左皮膚都冇事。至於金銀蛋莧菜就較為普通，冇乜野值得去寫。六個人食左六百五十蚊

成班同事通常食午飯，午飯小菜係超抵食，勁好味：1. 芝士斑塊：勁濃味，同事怕肥都話忍唔到口，仲可以撈汁送飯。2. 蒜香骨：外脆內軟，個脆醬係超薄，所以唔會好油膩，好得。3. 魚湯娃娃菜:製作真係好認真,個魚湯好鮮甜，用料十足，落齊冬菇、草菇4. 豉油雞: 好入味，冇雪藏味道，又唔係得個鹹字，真係好掂！5. 老火湯....其他小炒.....不得盡錄，全部都係水準之作，我寫的都已經唔係晚市最熱賣之選，同事話晚飯先有得食的沙薑雞．．．蜆．．．黃金蝦都係上乘之選。

$198套餐有另外一款。海鮮豆腐羹- 一般，我喜歡螺頭湯多些。蜜味蒜香骨- 蜜糖味略嫌重，但味道都不錯。炸乳鴿- 一隻，味道可以，不知是否買回家需時，皮也不太脆了。油鹽水浸蜆- ok，蜆細隻但不多沙，份量也足。黃金蝦4隻- 幾好味，鹹蛋黃炒過好香和惹味。$198有好幾味小菜又有湯，味道也過得去，幾滿意。

套餐可外賣，外賣好有心機，每盒都用錫紙鋪底。湯- 螺頭雞湯，ok喎，味精不多。椒鹽豆腐- 外皮脆內心滑，椒鹽惹味好食。蔥油雞- 好多薑蔥好香，當然不是鮮雞但也吃不出雪味，肉質算不錯。腿蓉津白- 一般。沙拉骨- 酸酸甜甜，味道適中，沙拉醬嫌多，可能怕下得少會被人話孤寒。蒜蓉蒸開邊蝦- 有四隻，出乎意外的好食，蝦都幾有鮮味。五菜一湯，雖比散吃細碟，但份量都夠大食的小頭x2食飽。

琴晚(14/11)，媽咪就快生日，四個人夜晚九點半黎左食晚飯，我自己就好似第二次黎。叫左羊腩煲、煎牛仔骨、清湯煮蜆、姜蔥魚雲煲、椒鹽鮮魷。樣樣都幾好，一家人食得幾開心，份量剛好，因為叫左五個"食送"嘛。侍應招呼得好似比以前好。如果食正價就幾貴下，但特價時段就ok啦，碟頭唔係好大，不過要九點半先有特價就夜左d。媽咪，生日快樂呀!

五個人上星期六去幫襯晚飯，麻麻，係得風沙雞好(半隻$88)，叫做夠分量、夠味。其他就唔OK喇：荷葉飯幾油而且蝦唔新鮮；海鮮雜菜煲基本上剩係得菜；炸豆腐皮唔香口亦唔鬆化；XO醬炒帶子($88)就辣過籠，似係用辣椒醬多過用XO醬炒，而且好少帶子，搵笨。連啤酒埋單$430，表面上好似唔算好貴，但係咁質素就食唔過喇。