越灶

营业中

休息中

奧海城GU開業，推很多優惠！我們下午來shopping、買、買、買！收穫豐富！Shopping 消耗體力，找地方開餐！已經過了午飯時間，很多店都不用等位，我們選３越南湯粉，經過BEP很多次，第１次來吃，點了３份主食和３杯飲料：#河内蕃茄蟹檬，我吃這個，蕃茄湯底濃郁，配蟹肉，很搭，好吃！#熟牛肉粉，商家招牌菜，牛骨湯底，yummy！#雞絲粉，清淡之選，適合on diet的姊姊。#有機梳打檸檬水，原樽越南進口，好味！#青檸梳打，冰塊有點多！#桃蜜熱柑桔，份量比較少！

在香港這麼多年，一直都想搵返一間係正宗越南菜！ 今日終於畀我搵到了，味道同我當年係越南和加拿大越南人開嘅餐廳九成一樣. 每一張枱都有一支辣椒醬同海鮮醬. 我相信食過真正越南河粉嘅人應該知道這兩支醬汁是怎樣食. 食物方面個越南河粉湯底幾清甜, 生牛肉幾新鮮，但份量呢講咁嘅價錢算少。 如果睇價錢食飯你可能覺得唔抵。另外叫咗牛油雞翼但忘記了影相， 味道方面冇牙莊牛油雞翼咁出色， 可以不試。豬扒飯唔錯， 米飯同正宗越南餐廳係一模一樣味道， 豬扒味道唔錯但炸嘅程度有少少過火。總括來說， 如果想食正宗越南河粉這一間餐廳一定是首選

安坐家中都食又熱又有水準嘅生牛肉河，真係賞心樂事！一向都食開呢間餐廳，叫咗個生牛肉河同埋小食，速遞員好快就送到，食物包裝同分裝得都好仔細，芽菜香葉一個盒，河粉一個分隔盒，湯底都係分開上，而且包裝用嘅物料都好實淨，整潔度滿分！牛肉雖然已經淥熟咗，但亦唔會太韌；河粉幾滑身，湯底同餐廳食到嘅一樣濃郁。炸魚餅就有少少油，但味道都唔錯，仲有炸春卷，食落都係脆卜卜，點埋酸甜醬，點食都唔厭！喺屋企食到咁嘅質素已經好滿足。

2年前食過呢間餐廳既河內蕃茄蟹檬，仍然念念不忘🤤2年後經過見到，再來獨食一番🤤..河內蕃茄蟹檬既湯底好濃郁，有蝦頭熬煮出來的鮮味，加左蕃茄後好鮮甜，裡面配料有扎肉，仲有蟹肉免治同蝦肉既肉丸，肉味好濃，口感好彈牙，蟹腳多肉，仲有配埋成碟菜可以倒哂落碗檬度，正呀😋😋 檬粉吸收哂湯汁，食落好juicy！食一啖已經覺得好好味！呢個真係再食都唔會厭！..飲品我叫左杯手搖咖啡，係凍既，唔太甜，幾正！👍🏻👍🏻

約左朋友Lunch🌞天氣太熱💦佢要求5好食湯類既野。 我地叫左一道主食同兩款小食Share😬➡️檳榔葉牛肉卷撈檬越南人將當地盛產既檳榔葉包住牛肉炙烤防止肉汁流失亦可以嚐到淡淡的檳榔葉香氣。我就覺得檳榔葉冇乜味有啲似紫菜，驚喜牛肉味濃而且好嫩，唔錯。🐂🐮檬粉撈紅蘿蔔絲🥕、花生、魚露，酸酸地清涼開胃😈如果配菜可以多啲就更好💕➡️炸軟殼蟹卷鍾意食軟殼蟹嘅我當然要點來試下👻正常水準。➡️秋葵海蝦棗炸得好脆口，係原隻新鮮海蝦🦐不過冇配醬料感覺有啲乾😕😕😕我地唯有點魚露黎食。😈環境舒服座位寬敞， 好多菜式都想試，要再encore💥

來到奧海城，在商場內有不同的食肆，這次便選擇了越南餐廳BEP。這餐廳果然沒有令人失望，維持一貫的水準👍🏿每次來此餐廳都會必點這個蕃茄蟹肉檬粉，他裏面有大概¼隻蟹，湯底有濃郁的蕃茄和蟹香味，色香俱合，百味融於一！讓人吃極都不厭！燒香茅雞肉撈檬，熱辣辣的串燒雞肉慢慢滲出香茅的獨特香氣，香氣四溢，鮮嫩爽滑，配以清涼的撈檬，為炎熱的天氣帶來一絲快感。店內環境寬大，清潔衛生，是疫情下避開人群的首選餐廳之一。

經過奧海城，無意中行過見到BEP，望落menu 選擇都幾多，算係比較精緻既越南菜🇻🇳當晚比較肚餓既緣故，同朋友都係集中揀檬粉，一樣都係有湯檬同撈檬，除左有傳統既生牛肉粉，都有魚餅，雞絲、豬等等，撈檬仲會有三文魚可以揀🙆🏻‍♀️雖然望落去紅色一遍，其實係因為個湯底主要係蕃茄蟹湯，食落去有微微既酸味但係亦有蟹既甜味，濃郁得黎又唔係太鹹，檬粉比較幼身，都好入味，最有驚喜既係蝦丸，都幾彈牙，入面亦都釀左蝦粒係入面😋食完熱辣辣既湯檬就食撈檬，加上少少魚露配埋紅蘿蔔絲、蘿蔔絲、生菜，感覺好清新，好埋宜家夏天食，最值得一食係個魚餅，魚肉打得好彈牙，冇估錯的話應該仲加咗一隻香草同馬蹄，令到口感會有少少爽口同埋調味都比較清新👍🏻整體食物都幾有質素，值得再幫襯👍🏻

可以說是味道幾高質的越南餐廳，個燒乳豬真係好好食，皮脆又香，肉質好，最令人驚喜的是乳豬醬汁，好像是洋蔥/炸蒜燒汁，同乳豬非常夾。主菜旁邊還有很多爽口的青瓜，中和油膩感。 蜜柚沙律酸酸甜甜的，好開胃，份量十足，唯一覺得可改善的是蜜柚的大小。 蜜柚有點兒大塊😂 好似幾乎成片咁放落去。所以我自己整碎佢地再撈最正係有我鍾意的腰果，撈埋一啖食真係好香好好味個pho味道都幾正宗，湯底濃郁。總括來說，佢地的食物份量真係幾多且高質

本身想食湯河😋但最後都係簡左撈檬🧏🏻‍♀️·🐷燒豬扒撈檬（$90）好吸引啊😋豬扒大大塊.厚厚的口感一流🤩滿滿的蘿蔔絲🥕生菜🥬香蔥👍🏻美中不足.整碗加入超多我唔愛的花生碎🤣·🐮Pho combo 3x ($118) 大食仔點既三併湯河🤡一碗有齊牛丸；牛腩；生牛肉😋微甜湯底不錯啊～pho比撈檬更好食！·📍BEP Vietnamese kitchen 大角咀海庭道18號奧海城二期G樓G70號鋪

First time trying this vietnamese restaurant for weekend family dinner in Olympian City.I ordered their famous beef pho ($80) and shrimp roll ($78) for appetizer. The beef in the pho was tender and tasty while the soup was rich in flavour. The portion was quite large too for Vietnamese food though it was a bit on the pricey side. The shrimp roll was a bit small for its price though it’s delicious for sure. All in all, it’s worth a try!

朋友生日，推薦去大角咀BEP 食越南菜。特意選了大角咀這分店，店舖位置係地下近market place 附近，也很方便。我們點了很多野食，首先是炸蟹餅，分量只有4件，但很好味，有蟹味。炸蓮藕片，脆但冇乜味道，亦很薄，麻麻地。春卷，都脆，不過不失。炸雞翼，有D燶，乾，麻麻地。串燒，有猪牛雞三款，一般至ok 之間，分量ok。炸豆腐，有芝麻在外面但味道比較淡口。鷄絲湯河，湯汁好咸，而且雞絲不多，粉既分量就很多。蒜容包，夠脆夠香口，好味炒通菜，菜炒得唔夠「林」，味道還不錯。咖哩海鮮煲，好味，偏辣，但咖哩味香，而且海鮮不少。慢煑牛腩，好像食緊燘牛腩，牛肉好「林」，但個计味道只是一般。整體來說，味道一般，地方都舒服，方便一班朋友飯聚。

個人感覺越南食品一般比較多放味精，特別是湯底，吃了不但口喝，還會皮膚痕癢，幸運地在這間餐廳用膳後沒有這些反應。星期六午飯時間比較多人，速速點了生牛肉湯河，檳榔葉牛肉卷撈檬，牛油果沙律，雞肉沙嗲串燒 。生牛肉湯河的牛肉鮮嫩，約有三片，湯底也很惹味，河粉不會太諗，值得一讚的是配菜（芽菜香葉等）份量不少。檳榔葉牛肉卷撈檬: 真的有點驚喜，牛肉相當惹味，有點乾身，用檳榔葉包着吃起來能提升牛肉的味道，口感不錯。檬粉加了不少花生、紅蘿蔔絲、生菜和少許炸蒜頭，吃時加上魚露，鹹丶香丶脆和牛肉的美味混在一起，味道不錯。牛油果沙律也比想像中好，除了賣相不錯，剛好熟的牛油果份量不少，再配上流心雞蛋、帶甜的珍珠蕃茄、清新的青瓜和香脆腰果，有多種味道和口感，整個沙律放在厚厚的芝麻餅上，如果芝麻餅是薄脆那種更佳，整體賣相相當討好。至於雞肉沙嗲串燒，雞肉嫩且份量不少，沙嗲醬不太稠但沒有混碎花生， 整體味道不過不失。

We had a great very tasty dinner. Staff were great, service was pretty fast and the food was really delicious, nicely presented and we felt good value. Nothing fancy but swift and good food in a nice very lively environment. Yes it’s noisy, concrete floors and busy, but fine for a casual dinner with friends and great food. Reasonably priced too.

和同事上完在職培訓課程，一同食晚餐。餐廳位於奧運站附近，座位舒適。牛油果沙律88元，有流心蛋、腰果、蕃茄仔、青瓜、芝麻，用芝麻薄脆盛載，很有特色，好味又飽肚。燒豬扒撈檬88元，豬扒很香，肉質不太乾，檬粉帶少少酸味，很開胃。蒜子炒通菜68元，味道一般，菜有點老。

睇完戲之後行陣奧海城搵野食，點知發現左呢間好味越南菜，完全意料之外！-一行兩人叫左三個DISHES首先就係呢個牛油果溫泉蛋沙律。睇佢外表見到擺盤靚，又足料，食落去與期望相符啊。佢牛油果既QUALITY好好，唔係好生又或者係熟到爆，佢個汁有少少酸酸的開胃，搭埋流心蛋同個白芝麻餅，係好FRESH同口感好多層次既體驗。蕃茄蟹檬唔係到到都有得食，所以點都叫返個試試。佢湯頭蟹味超濃，而且係會食到蟹膏同蟹絲的，蕃茄搭蟹味係天作之合，鐘意食海鮮既朋友一定不能錯過。牛肉撈檬又係D料堆到山甘高 ，配菜好多，有芹菜、芫茜、花生，白蘿白絲等等，加埋佢個酸汁，一齊食係好透心涼同爽脆，夏天食好岩，同埋想要LIGHT D口味既人都值得試試。叫左熱情果SMOOTHIE（左）同D 24 榴槤 SMOOTHIE兩杯都飲得出真材實料，佢係做到沙冰既狀態，而又唔太似化學味既。-題外話，呢間既店員幾NICE，唔同國藉既人都有，佢會問你食物質素點同叫你ENJOY YOUR MEAL，好FRIENDLY 同WARM