影片
港铁元朗站 A 出口, 步行约12分钟
继续阅读
附加资料
破格法式越南菜
法式越南菜「越满居」，位于元朗新食街「凤攸南街」，菜式创新，深得区内年轻食客拥戴。
营业时间
星期一
全日休息
星期二至四
12:00 - 22:30
星期五至日
12:00 - 23:00
以上资料只供参考，请与餐厅确认详情
招牌菜
还未食午餐的下午茶时间, 又不想食西多鸡脾这么肥腻, 又不想走得太远, 于是选择屋企附近越南菜馆的下午茶餐。午饭过后, 人流明显地不多, 不用等位之余亦坐得较为舒服。 可能食客不是太多, 冷气亦调较至最细, 显得有点局促。下午茶餐有多款选择, 价钱由三十多至四十多不等, 而且午市和下午茶都不设加一。 因为还未食午餐, 还是选择饱腹的饭类。古法烤牛肉饭 $37烤牛肉原本以为是较干身的做法, 小店的烤牛肉却是酱汁颇多, 湿润的一点也不干身, 虽然肉质腍软, 味道较为一般, 可能这就是古法煮出来的味道吧。 表面洒了蒜粒和葱花, 为牛肉稍稍提高了香味。白饭份量多, 饭粒是偏硬那种, 洒上了酱汁, 令白饭不至于很清淡。龙眼水(跟餐+$7)越南特色饮品, 味道偏甜, 甜味像是加落去的糖浆, 而非来自龙眼的清甜, 冰粒溶化后微微改善了甜度。 杯内有多粒新鲜龙眼肉, 可以嘴嚼一下。香茅猪扒饭 $35切了件的猪扒份量不算是太多, 始终是下午茶餐的价钱, 猪扒炸到金黄, 虽然松化, 不过有点干身, 香茅味亦未至于出众, 显得普普通通。 白饭跟烤牛肉的同一样, 不作多谈。越南手拉咖啡(跟餐+$7)虽说是越南咖啡, 味道方面跟一般茶餐厅喝到的冻啡差不多, 喝不出分别, 也称不上是香浓, 甜度亦稍稍偏甜。自从另一越南粉面店结束营业后, 凤攸街一带只剩下这越南菜馆, 继续为街坊服务。 虽然只尝过下午茶, 未能显露真身, 但食物的越南风味要加强点, 才能叫食客有回头的理据呢。
继续阅读
中同gathering(5人成团)，大家都住元朗，已经好熟元朗有咩好野食😆，不过我地决定唔试新野，食番中学回忆！以前中学系鸡地，放饭成日去呢间越南餐厅食lunch，但一次dinner 都未食过，难得group齐人就去食啦！系甘loop餐牌，我地最后叫左果日半价的牛油鲭鱼$44，成条上，上菜时一睇，以为佢好油，但食落又唔觉油腻，仲有甜甜地，应该加左honey, 牛油味道好入味，我好怕食鱼怕鱼腥味，但呢条系一d都无。咖哩软壳蟹煲 配左白饭 大家share食，咖哩系唔辣的而有好重咖哩味，所以我(唔食辣)都食到，面头的软壳蟹每人都可以分到一两旧，算系甘😆😆，但个白饭都食完，剩番好多咖哩汁，只好再add 白饭唔好浪费😅朋友点左三文鱼檬卷，一碟都有八件，我唔食三文鱼，只系食左檬纸卷，系一个好fresh的感觉，一定要点鱼露，如果唔系会无乜味。猪肉生菜包呢，就有少少辣既，唔食辣就建议叫走辣😅，生菜包住d猪肉碎一野摆入口，热辣辣，好好味，最后唔够生菜可以免费加😆 我地仲叫左中学午餐必选的猪颈肉饭加士多啤梨朱古力😂
继续阅读
落雨c湿, 女朋友唔想买𩠌煮饭，所以收工六点几同左佢落元朗揾野食，系鸡地dou左几转，拣左呢间Vietnam try try. 女朋友好中意食菇，所以一坐底就嗌左佢个蘑菇酿生蚝，虽然无佢讲到甘珍宝😂, 不过芝士配蘑菇真心good，新鲜焗出到黎热辣辣！咬落去会流汁~~一人一半就岩岩好~~ 我地嗌左个芝士鸡排红米饭，份量都够两个人食，鸡排够件，唔会油腻，肉够滑，食得出系即炸，唔系放左好耐果啲，but食哂有d漏，会即刻饱六成😂😂其实我想试下佢个牛柳粒红饭, 好似系呢到几出名既~跟住女朋友话想试埋个软壳蟹当小食啦，只蟹size 正常既，够味仲有膏添！唔系流野黎！虽然系炸，不过一啲都唔会油淋淋，唔会食到个嘴令立立，同埋真系脆卜卜既，每人分到几件，，唔食辣可以bug走上面d 辣椒。最后两丁友食左$2xx 平令正！哈哈
继续阅读
有朋友介绍 就老远去左元朗鸡地一间越南野试下 估唔到又ok㖞 元朗真系好多好野食😭 我地唔知食乜好 个老细就推介左d主菜 然后我就平平地叫左个dinner set 有椰汁酸汤檬同小食同fd share，个味几特别 可能我本身中意酸酸地的汤底，ps 好鬼大碗，好彩系share, 一个人一定食唔哂。。叫左个老板话新出的 窝蛋牛肉芝士蘑菇 一切开仲有流心蛋！呢样好值得试！仲有叫左 牛柳他他 好重牛肉味 夹埋d配菜系唔错既 可惜我朋友唔太食生野 我觉得两个人去食试唔到d咩😞 建议三四五个去可以叫多几款👍🏻
继续阅读
今晚无煮饭，去了这家越南餐厅。因为工作关系,本人也常到胡志明和河内，食过不少地道越南菜。入到去，老板热情介绍店家名物，但很多也像自创的这样的 services 是值得赞的....但食物的味道，份量和价钱却令人却步香茅猪扒倂烤猪肉饭, 猪扒像油炸完的巴士猪扒，又硬又无味。烤猪肉份量只有数碎片,像白烚般没有味道，饭是正常size 。蜜糖猪软骨饭 这名字令人有无限幻想,好像好好味咁，饭上台时见到的是蜜汁烧猪骨，又是碎上，得数件。。。肉是红红的，但好干身，无味，好像没有腌过。蜜糖味不见了。。。法式流心多士，招牌菜。。。味道 ok ,但太贵了，40 元先得一块三文治方包 size 。rice paper roll...4 小件一夹起散开唒。两个人食了 over 200 元，却食不到越南的味道。。。没有叫饮品，这个价钱真的可以有更好的选择!
继续阅读