越棧越式湯粉專門店 (已結業)

一家人去咗呢間越棧食晚飯 首先服務態度差我地想坐卡座 因為一家3個人 唔想坐門口位 但侍應緊持我地一定要坐門口位 就算間舖明明有好多位可以坐坐底之後就當你冇到 自己係傾計 meun都唔比份 舉手叫佢 明明見到你都仲要傾多5分鐘先肯過黎 點餐過程都係神不守舍咁 然後食物質素差盟明係越南菜 但一啲越南菜既味都冇 同譚仔冇咩分別 不如食譚仔好過食佢…查看更多

太子地頭蟲晚既我，今次行過小小去旺角中心。旺角中心地庫幾間食肆，選了這間越棧歎個靚 tea,生牛河，凍檸茶，普普通通既生牛河，沒驚喜，$40一個下午茶有一點兒貴，勝在平日下午茶時段不多客人，坐的闊落舒服。…查看更多

同屋企人遊完巴士河喺旺角落車 , 晚餐想食越南菜 , 近便就係越棧 , 我地一行4人 , 入場咁啱有枱唔洗等 , 阿哥佢砌好食咩同咩配搭 , 就叫左以下食物 , 我本身鍾意食春卷 , 但好多越式餐廳既春卷都有蝦(我對蝦敏感) , 我問店員下呢間春卷不含蝦 , 所以好雀躍 , 叫3條4個食 , 用生菜包住食寧捨正 , 我特別鍾意食撈檬 , 加埋魚露好爽口 , 不過撈檬同河粉既份量真係超多 , 阿哥大食都幾乎食唔晒 , 我果碗都寧願食晒牛脷 , 食淨左幾口檬添 !…查看更多

我的午餐系列～第22篇集團經營的越棧，大家在全港各區都應該見過。這間隱藏在旺角中心地庫，勝在人不算多，尤其下午茶時間，相比同場的大家樂，在這裡還是能夠享受片刻的寧靜。招呼不算熱情，地方環境算整潔。至於食物質素方面，其實冇驚喜，又不是失望。主要是湯底不夠鮮甜，平平無奇。牛肉是可以的，不是肥肥肥的牛，份量也足夠，以$40-的價錢，包1杯飲品，有舒適的地方坐一下，休息一下，我收貨了。留意，我加了$8-要了蘿白，蘿白如果可以再淋啲、再入味啲就更加好。我也加了$4-，轉飲特飲，我選了珍多冰，不算太甜，椰汁味亦喝得到。…查看更多

我好少出食評話人哋啲嘢難食，但今次真係要點名話下呢間舖！點咗一個咖哩雞飯，真係喺香港未食過咁難食嘅嘢！ 咖哩雞飯有三隻雞翼、兩隻雞翼尖、一嚿唔知乜嘢雞！ 三隻雞翼得一隻正常，另外兩隻都極度難食，一隻甚至乎係燶咗！ 啲雞極乾，好似翻煮咗十次咁， 難食嘅程度非筆墨能夠形容！咖哩當然係食過咖哩汁，點知咸到好似落錯咗三次鹽一樣！ 雞翼尖同樣係又乾又鹹， 最後成個咖哩雞飯淨係食咗兩粒薯仔，全部放棄曬！坦白講，中學生家政堂都煮得好食過佢，咁嘅質素有乜可能出嚟開舖頭？…查看更多

有事要去旺角，處理完正好晚飯時間，間間餐廳都好多人，見到呢間有位就入去，越南河其實好少難食，但呢間真係麻麻地，牛肉無味，湯底亦唔香，連飲品56元正，唔貴，但亦唔係平，唔會再去。…查看更多

行過諗住食個下午茶，見到餐廳入面唔算多人唔洗排隊唔洗搭枱就入去食個河粉。食物嘅質素可以，叫了一個香茅豬排湯河。豬排啱啱炸起仲好熱，係油比較多，味道都ok。食到一半，有個女職員將張單掉落枱面點知掉唔中掉左落地，唔知佢係睇唔到定唔想執，掉左落地就走左，仲衰過比錢乞衣，我都由得張單喺地上。一陣之後有個男職員見到地上有張單執起睇睇，然後大力揼落我枱面…當堂比佢嚇一嚇。之前黎食過幾次都無咁差態度，宜家係越做越差真係忍唔住點都要寫個差評比佢…查看更多

本身諗住入去食 因為本身無食過想試下 係門口睇過餐牌都幾吸引😋 於是入去試下 點知道一入到去 就有個帶眼鏡嘅男侍應就大大聲對住我講：「無嘢食賣 唔做生意」😟😟😟 之後又有位女嘅好無禮貌咁對住我勁呼喝 好似趕我走咁 我唔明點解餐廳寫11:00收舖 可以就會9:30無嘢食賣唔生意但門口又無貼通知 真心失望🤥🤥…查看更多

星期六晚上9:22分想入去食野 明明半個場仲有客食緊野 話全部野賣哂 問佢咩賣哂又答唔出。 可能年廿九想提早收工，但又冇告示，咁早就唔俾人入真係好有問題喎。。。。。。。…查看更多

跟幾位同事工作到忙了食飯，看一看時間，原來已經2點半，於是直接去越棧食下午茶餐。我叫了一個香茅豬扒撈檬，有送熱飲，所以我就叫了一杯熱檸水。另外兩個同事就叫了生牛肉湯（金邊粉），他們因為叫的飲品是青檸檬梳打和鹹檸檬七，所以他們的飲品要另外加錢。香茅豬扒撈檬，有四件豬扒，豬扒肉質都幾軟，易入口。還有一些蔥粒和花生粒在上面。我將檬粉和撈檬汁撈在一起，連蔥粒和花生粒，味道酸酸的，因為有花生粒，所以幾香口。熱檸水可能檸檬浸熱水太耐了，飲下覺得好苦，是真的很苦，即使加了白糖，都很苦，所以我放棄了，不飲這杯熱檸水。…查看更多

跟朋友行旺角中心，行到有啲腳軟，所以嚟到旺角中心的地庫，想找間餐廳食個下午茶休息一下，迷迷糊糊地價錢和餐牌都沒有望清楚就進入去了這間越棧。 一入去坐低望望餐牌就出事了，最低消費40蚊一個下午茶，朋友選擇食牛肉湯河，而我選擇了食豬頸肉蝦加雞翼，凍飲特飲加幾蚊 ，仲要加一。值唔值?都要睇質量，如果話超好食，份量不多都還可以。但很可惜份量少(兩片牛肉仔)，味道只屬一般。價錢嚟講，真係超級貴。都明白因為舖租，所以要收一定價錢，但如果有得再選擇，我會揀對面的餐廳，所以真的有點後悔進入去點了這個一點都不似樣的下午茶。…查看更多

「越棧越式湯粉專門店」旺角分店為於旺角中心地庫，週邊配套是美食廣場的格局。店內以藍紫色作主色調，整潔舒適感普通喇！這碗「生牛肉拼越式豬頸肉湯檬」，湯汁淡而無味，再加上同樣無味的檬粉，味道不合格。至於生牛肉及越式豬頸肉湯本身，質素也只屬不過不失。「雜錦拼盤」內含香茅豬扒、越式炸春卷、炸蝦餅，以及越式扎肉蝦片。香茅豬扒與炸蝦餅皆屬香口炸物，尤以彈牙蝦餅口味較佳。越式炸春卷明顯走氣失脆變硬。越式扎肉蝦片則因面上的蔥蓉過鹹而失分。「越式蒸粉包」食材相對豐富，不論味道質感也較富層次。「上湯浸生菜」及「上湯浸蘿蔔」未予驚喜。整體而言，各菜餚的水準只屬僅僅合格。主打的越式湯粉淡而無味，令人失望。 …查看更多

某日家裡突然沒飯開，胃口又普通，就立即約個旺角老友找間餐廳隨便食一食。沒胃口吃湯粉就最適合了，濕濕地容易入口。逛了一下，見越棧人少少好坐些，就這樣吧。-生牛肉湯河套餐 $56牛骨湯底味道不會太淡，加了蔥莞茜洋蔥九層塔，正常味道。我一向都會叫waiter給點生辣椒，加點檸檬汁，辣椒，多些九層塔，對重口味人來說自然是變好味了，胃口馬上好了些。叫了少粉，已是看不到粉，份量剛好，吃得完。但因為少粉牛肉全跌落湯，幾乎變了熟牛肉湯河，哈哈，鞋小小，但都ok既, 不能怪人,是自己的選擇做成。配餐椰汁+$4，椰味不重，但清涼順喉，還是可以的。-整體就是連鎖店的正常價位正常味道啦。…查看更多

真是一肚氣，剛剛同媽咪家姐吃中午飯，差不多吃完，諗住我同家姐去完洗手間再坐多一陣，入到去見到有兩個人坐左係度，有冇攪錯呀，單都未埋就趕人走，擺明蝦一個老人家，連位都冇得坐，離譜，真係勁嬲(從來都冇試過未埋單就比人坐左嗰位)比錢嗰陣係門口鬧佢，嗰四眼婆冇反應，請呢啲人做嘢真係唔知係可喜定可悲:(…查看更多

本身之前去過幾次都覺得麻麻入到去生意唔懮做咁 不瞅不睬都算啦 照去食但今次真係過曬火因為係自助水吧 咁我地自己斟水但係啲杯又勁污糟 一達達咁我地自己洗 洗完既水就諗住倒係架車到因為咁啱有人執枱 有架車就係倒水個陣 有個著黑色衫既金毛行過黎咁就唔小心倒瀉左少少係地下本身都講左唔好意思點知條友即係就勁串 勁惡咁話:小心啲倒啦 倒瀉曬 跣死人咩然後不停抱怨 話我地我就同佢講:咁你拎地拖黎 我抹佢拎到過黎又繼續話我倒瀉另一個員工過到黎 都係黑色衫以為佢黎平息下件事點知黎到又話我地 倒瀉水話啲杯好乾淨 冇預人洗最後真係頂唔住 啖氣真係吞唔落係野食黎之前就起身走點知個個金毛員工大叫截住佢地 佢地未俾錢仲要繼續大叫食野唔俾錢我地仲未食 只係因為個員工既態度 所以走轉過頭應該係老板娘就問咩事 個金毛就話我地倒瀉水 但啲語氣勁温和我想講倒瀉左係唔啱都講左唔好意思仲要鬧返人轉頭真係員工應該做既野咩？…查看更多