越棧越式湯粉專門店 (海趣坊) (已結業)

健康三色紅米飯$64香茅豬扒，有淡淡香茅味肉質鬆軟唔會好乾；香茅雞翼直得一讚👍🏻，煎得非常香脆；越式扎肉蝦片，蝦片都脆卜卜，加少少檬粉汁食更美味，紅米飯軟硬適中。整體來說，不錯吃！…查看更多

夜晚七點堂食，成間餐廳無冷氣叫兩碗生牛河，竟然咩粉都話賣曬得金邊粉，仲要好多樣野食都話無，都唔緊要啦，照食一碗叫走蔥，一碗正常走蔥嗰碗遲成十分鐘先嚟，淨係見碗野擺喺出菜位都擺咗幾分鐘叫走蔥，佢連其他香葉配料都走埋成碗得嗰四塊牛肉，啲牛肉仲要全熟咁制同個職員講，仲要講話倒咗啲湯落去係咁，講都未講完就行咗去…查看更多

天氣熱，冇胃口，冷盤熱湯，粉麵飯也要細心選，期望微涼的日子。又路過此商場，見到越棧……想一想，就入去選擇一下。 平日常食的是，生熟牛肉粉，牛腩湯米，今日就食涼拌類，凍檬粉勁多選擇：1雞翼檬；2扎肉河；3牛肉；4雞絲河粉；5咖哩豬扒飯……又有小食：春卷，蝦餅，糯米雞翼，串燒，，樣樣都愛，可惜小肚小，吃不下。 今日點選了撈檬，因為凍食冇咁熱，餸就選了牛脷。不一會就送上一大碗，講真有驚喜，看見牛脷非薄片，件數也不少……Wow有誠意，我鍾意。一口咬下去，正，易咬開又煮得入味，今天果然是好日子。青瓜絲花生碎及雜菜，再加上每條檬粉吸收了香辣酸汁，每人食指大動。 最後由檸蜜成為是次酸甜美食之結，因為現在真原個切片檸檬也成為稀有時………查看更多

除了無乜人食，好多位外，再找不到去的理由。越棧本身唔係鬥平的食店，食物質素仲出奇無料到，以前個湯底都還可以叫好味，但現在可能疏於管理，已經走樣，現在湯底係唔值飲。配料平庸：雞絲，扎肉，還有那個牛的混合肉，本身都是下等貨，那個生牛還是這樣普通，牛腩又不夠咬口，實在說不過去。那些洋蔥等配菜是很生，澀味重，完全唔掂。在菜單上完全沒有變化，事隔十年也不覺有革新，只多了雞湯選擇，小菜就完全無新野。唯一還可以的是芽菜，仍是用粗短芽菜，這是我最欣賞的，一個面加8蚊就有，算平，不過也比以前退步，因為現在的芽菜上來時都似乎短碎了，不知是貨尾還是來貨問題，但仍然爽口。總結賣點已極少，似是不打算做下去咁，但因為無人食，任何時間也很多位，窗邊位仍是海景好位。想一個人靜靜還是可以的。…查看更多

我經常光顧越棧 ，是唯獨這一間令我第一次打食評。這一間越棧人已經少，員工還在聊天，連有客人都不知道，一直在聊，等了三分鐘才轉過來點餐，服務差成這樣難怪沒人！到食物來的時候，我本來還蠻期待的，可是來到面前，不是吧⋯⋯一直以來越棧對我印象都是湯頭濃，還沒到面前就已經聞到香味。可是這一間在海趣坊的越棧，檬粉散開來的，好像別人吃剩的，用筷子完全夾不起來。還有湯頭，只有一丁點的味道，別人不知道還以為是山寨店，吃了一下就沒胃口了。飲料我點了珍多冰，正常應該是會有椰奶味，為什麼完全沒有椰奶的味道？難喝死了！太難喝了忘了拍照。:(下午茶餐 $40 特飲加$4雖然不是貴，但該有的服務，味道還是要有吧。…查看更多

話說呢間野我已經嚟過幾次，次次都係叫生牛肉河粉，我食過咁多次，剩係得一次係真係可以做到半生熟牛肉出嚟，次次牛肉都咁熟，我去其他餐廳食都唔會咁樣。咁我究竟係叫緊生牛肉河定係熟牛肉河呢？我已經不停俾機會佢去改，我幫襯左都一段時間，點不知一啲改善都冇，今次我真係忍唔住要投訴佢，我叫佢負責出嚟同我解釋，佢話公司規定唔會比全生嘅牛肉，淨會提供半生熟嘅牛肉。半生熟？得果少少地方係真係粉粉地色囉，其他基本上係全熟。你自己做唔到我要求就唔好話呢樣果樣啦，咁多藉口。最後我決定報海關算數。依家已經叫咗海關跟進。我機會俾咗你，時間俾咗你，面又俾咗你。唔怪得我。個八婆仲要咁串，我真係忍冇可忍。…查看更多

很耐冇食的抵食越南餐廳「越棧」之前試過佢地既撈檬，今次就試下個飯，朋友點了生牛肉河，我偷吃了幾啖都覺得幾好食沒有加一的收費，份量恰到好處，紅米飯，香茅雞翅跟扎肉蝦片！飯還吃不完。湯河很好吃，牛肉剛剛熟，個粉比我們港式的更薄一點，很吸湯！咁樣食人均才50塊錢左右，就能享受異國風情，還不錯啦…查看更多

我之前去呢間野度食過生牛肉河粉，覺得唔錯，想再去食。我明明叫咗一個生牛肉撈檬粉，佢俾咗碗咁嘅嘢我，之後我問佢係咪比錯咗，佢同我講呢碗係生牛肉撈檬粉，我問佢嗰啲牛肉點解咁熟嘅，佢同我講話正常㗎，因為我唔會比生牛肉你食。我真係好想粗口佢，但係我諗諗吓可能呢間餐廳佢哋個做法係咁樣啦，佢都係打份工。但係我唔明白，既然我叫生牛肉你都比熟牛肉我，咁我想問吓兩者之間有咩分別？就算佢係因為驚食到人哋肚痛，咁又唔見壽司店啲魚生係熟嘅？你既然俾得人哋揀，話有果樣野，就要真係做到先至好擺出嚟啦。我個套餐包杯嘢飲，我叫咗杯凍檸茶少冰，佢就同我少甜。好，我唔同佢嘈，直接投訴間野算。…查看更多

自己成日都係好鍾意去越南餐廳食飯，東南亞黎講越南菜都算好出色。今次又去啲連鎖野，貪佢品質有保證，食物水準較穩定。屯門碼頭附近越南野既選擇唔算太多，就同友人們黎左呢間越棧食飯。普遍啲餐價格大概都係40-60蚊左右，同出面比較差唔多，算係較平民既餐廳啦。我叫咗個香茅豬扒撈檬，香茅豬扒一塊切件上，份量幾夠唔會太少，仲有少少炸洋蔥同花生碎好香。撈檬嘅精髓當然係個汁啦，佢個汁酸酸甜甜，唔會酸到辣喉嚨，十分開胃。食完呢個之後雖然夠飽，但係仲想食其他野…查看更多

本身都對海翠坊呢間分店無乜期望，不過屋企人想食就無計啦，叫左個二人餐，除左塊豬扒乾啲之外都無乜問題，重點就係杯餐飲度，一凍一熱，熱既就先上，但係就無比糖，前前後後問左兩次，十幾二十分鐘先比到我，算！之後杯凍飲仲離譜，攞到埋黎唔聲唔聲就擺係我左手手邊，大佬呀！食緊碗河粉，都已經睇唔到㗎啦，仲要擺係盲點位！想點呀！又係上次講多過做嗰個人呀！…查看更多

見好耐冇食過越棧 ，今日就同爸爸一齊嚟吃晚餐，來到的時候不是很多人，可能因為附近都有不少食店， 我哋 最後叫咗兩個 麵食 和一個小食和 一個飲品，價錢142元 。食物好快就嚟到， 今次我叫一個生牛肉河，但係十分失望，因為生牛肉可經過湯熟了之後，十分硬而且沒有牛肉味，只可以講金邊粉份量十足 。爸爸的粉味道正常，熱奶茶可能因為奶唔夠，所以味道唔好飲，而且感覺上口感嚡身。 最後小食 材料十分之少，只看厚厚的粉皮，整體嚟講冇之前咁好食。…查看更多

今日見可以收早，就約老公出街食飯。又未諗到食乜，就在附近邊行邊睇下有乜食！平日夜晚又唔係太多人，所以都唔洗下下等位！見好耐無食過越南野生牛肉湯檬，牛肉嫩口，而且分量都多。最重要是個湯底濃郁。越式豬頸肉撈檬，豬頸肉腍身味不俗，撈檬加上酸汁，開胃，又富口感。越式炸春卷，春卷皮薄多晒香脆，食落唔會太油。再架加埋個生菜去中和春卷的油分，個生菜令成件事錦上添花。好食紅豆冰，椰味都幾香濃，可惜紅豆分量不多，大熱天時飲，涼到入心入肺…查看更多

一出屯門碼頭就見到個商場，落船個肚空空眼見有幾間餐廳就行咗上去搵食，由於對個地方唔熟識都係搵間有信心保正嘅餐廳醫肚， 扶手梯一上去就見到越棧就諗都就衝去攞位，坐底原先想揀生牛肉河，但被我眼到個特別牛河， 為食嘅我見到又有牛腩，黑椒牛扎同埋牛柏葉即轉軚啦，嘢食一到就即試個牛扎肉果然有陣陣黑椒味夠香，牛柏葉都夠爽加埋個湯底簡直令我滿足，2個人又點可以食咁少嘢加多個小食併盤，有蝦餅，豬扒，春卷，蝦片扎肉，小食就不過不失。…查看更多

第一次食越南菜，咁啱趕得切黎食下午菜。$36有1碗粉加飲品其實幾抵，我地叫咗3個粉同2個小食。碗粉又唔會因為係下午茶所以縮水，湯底好夠味，個人覺得啲麵條嘅軟硬度適中，撈檬配埋汁都幾滋味。配料亦都唔汁輸，香茅豬扒同豬頸肉都醃得入味又唔會太鹹，煎得好香。生牛肉片又唔會太生，啱哂我。比起粉麵，小食就唔係幾抵，份量有啲少，不過蓮藕釀餅同蒸粉包又真係唔錯，值得一試。而特飲都淨係加$4，就緊係叫番杯椰汁冰同香芒雜飲。…查看更多

今日同爸爸去食飯當然都係去返屯門碼頭食啦，佢話好耐冇食過越南嘢，今日就去咗越棧食。唔知係咪因為唔夠人手，比較慢，最後我哋今次我哋就食咗一個 越式撈檬 一個特色牛河同埋一個半分少食加一杯檸茶。越式撈檬 豬扒依然都幾好食，而且檬粉 份量都夠，都有口感味道整體唔錯 。特色牛河 反而覺得分量少，牛肉都比較少，但係都買54蚊略嫌有點 昂貴。 最後檸檬茶就覺得太甜同埋茶味比較少 ，半份 小食 都算熱而且入面材料都好足。其實整體唔錯只係因為人手問題可能上菜或者係叫佢哋拎嘢過嚟嘅時候比較慢。…查看更多