影片
前阵子返湾仔工作，做到夜麻麻，附近又无乜食市开档，行下行下去到左兰杜街，见PHO26 越.旺重未打烊，于是走左入去食宵夜。因为肚饿关系，嗱嗱临叫左个香茅猪扒饭同个扎肉来食，亦有叫碟生菜食吓……健康饮食吖码！香茅猪扒饭个饭同相片一样，干哽豉油捞饭……夜晚食呢个咁干既饭真系唔多掂，一来饭太干，二来个豉油无乜味。至于块香茅猪扒，又整得唔错，唔算太多油。扎肉方面，太多油了……一食落口就好似食了成口油咁，完完全全破坏晒扎肉既味道；反而配菜的芽菜真系无得顶，既爽口又弹牙。假如无左芽菜做陪衬伴碟，成碟扎肉就会扣分扣到接近零左右。也许……我唔系好识欣赏咁油既扎肉。其实，最后都无食到生牛河，一来饱过头，二来系埋单后先见到果张教人食牛河既方法。有机会既，下次都会试用呢个方法来食生牛河。
继续阅读
系兰杜街揾食，见到大叻同呢间都系食越南野，见呢间入面都唔少人食，就决定试一试。墙上有唔少报纸杂志既报道，又标榜自己系正宗越南菜，但结果都几失望。我地叫左蕃茄肥牛汤河、鸡丝扎肉捞檬同蔗虾，加两杯野饮。首先杯菜蜜系正常味既，但杯少冰既三色冰系稀到好似一开二咁，基本上都无乜椰汁味，只系一杯白色既水。野食方面，个蕃茄肥牛汤河佢讲到非常入味，墙上面都大大张poster讲到好驻名咁样。系另一间越南餐厅食过令人念念不忙既蕃茄汤河，于是想试一试呢道既有无意外惊喜。但黎到个汤底其实比较似牛肉汤，颜色都系偏啡多过偏红，蕃茄味可以话完全欠奉，就连蕃茄蓉都唔觉有。如果你话系牛肉汤我重觉得好味少少，毕竟个汤真系几清甜，但绝对唔系一个蕃茄汤应该有既味而肥牛厚身得黎都几un，唔算高质。要成68蚊碗应该都无下次。另外鸡丝扎肉捞檬味道相对正常，鸡丝份量唔少，但扎肉得两细块通常我食捞檬都会劲落d捞檬汁，但唔知点解呢道既捞檬汁都系无乜味。就咁望樽野上面个层都好淡色，就算摇一摇都唔见得有味，又倒唔到汁入面d渣出黎，最后食左一碗非常淡口既捞檬。念在佢唔洗40蚊我就算啦唯一可取都算系蔗虾，大只得黎都食得出有虾味，但价钱有番咁上下，两只要成48蚊。总括黎讲呢间野应该唔会再帮衬，见墙上面既报道讲当时既蔗虾28蚊，变到今日menu上既48蚊，应该都左相当既历史。唔知当年既越旺系咪真系咁好食，但今日食到既水准真系未如理想。
继续阅读
今晚同Mr C 有约，所以谂住黎呢间越南粉食个快饭。之前系湾仔附近返工，成日都系呢条街揾食。最挂住就系呢间嘅蕃茄汤牛肉粉。今晚入到去都见到好多人差唔多满座。但今晚人手就好似唔够。我同Mr C 都叫咗每人一碗蕃茄汤牛肉粉（$52+$4转番茄汤底），另外加一碟菜（加$15）同埋一个蒸粉卷（加$15）。等咗大概都15分钟。心里有点急，本身谂住快食先嚟架嘛。。。菜黎咗先，但系𠮶菜认真好求其。然后𠮶蒸粉卷。加$15有两旧，OK啦，冇乜特别。𠮶面最后终于黎啦。好肚饿（饿到唔记得影相）。𠮶汤底同之前一样，够浓味，够鲜甜。唔使特别再落啲咩酱。牛肉𠮶份量都够。需然唔系啲咩雪花肥牛，但都OK！唯一今次觉得啊姐们冇乜心，可能太忙啦！
继续阅读
由于工作关系要到金钟, 如果想在附近找到又平又地道的食店, 「湾仔兰杜街2号」这条小巷帮到你。走入这家越南餐厅, 看一看下午茶餐牌, 就决定要吃一碗正宗的越南牛肉河。等待期间, 看到食店墙身有块牌, 写著「地道越南牛河最住食法」, 一于等我试试。生牛肉汤河粉 $38 卖相与其他生牛肉汤河无异, 牛肉片有四块。最佳食法步骤一: 先喝一啖牛河汤。味道清甜, 有丝丝牛肉味, 而且饮到香叶味。最佳食法步骤二: 加青柠入汤再喝汤底。原来餐厅是不会主动提供青柠及辣椒, 还有甜辣酱的, 提提各位记得向店员要求。加了青柠辣椒的汤底变得酸酸辣辣, 好开胃。最佳食法步骤三: 以牛肉点上甜、辣酱再吃。从来未试过以牛肉蘸著甜辣酱来吃, 虽然味道浓烈, 十分醒神, 但亦略嫌太过抢味。吃生牛肉汤河粉的人应该多数是希望吃得比较清淡健康的, 所以我还是喜欢吃到牛肉原味, 而不是酱料味。牛肉粉嫩, 软绵, 入口无渣, 河粉滑溜, 汤清甜。如果食店的冷气可以开得凉快点, 会更好。
继续阅读
系金钟放工后，就沿住电车路行落湾仔，路经兰杜街！入去睇睇有咩食！有几间越南餐厅，随机下去左呢间叫左个1号套餐，咖喱生牛肉汤河！味道香浓惹味！有几旧咖喱薯仔在内！非常入味而生牛肉来到时仲系半生熟！用咖喱汤底既热力将生牛肉整熟！所以牛肉非常樕滑！一d都唔老之后配左个小食要左个虾饼！虾饼香脆！内层虾肉弹牙有咬口值得一赞环境尚可，不是华丽装修！员工态度亦马马虎虎！还有改善地方呢！！
继续阅读