影片
以上资料只供参考，请与餐厅确认详情
上次试过早餐都唔错，今日就试吓佢个晚餐啦 叫左两份海南鸡饭外卖，一个配油饭，一个配白饭，加两杯冻柠茶。油饭都正常既，但系个白饭就好硬好干，即使配上酱汁都觉得好干😢呢个价钱我可以食得再好啲
继续阅读
今晚同屋企人约去越旺食晚饭，一去到侍应态度好好帮我哋安排六人枱，睇餐牌拣餐都拣咗一阵先落单叫了两个二人餐～海南鸡 生牛肉汤河鸡丝汤河香茅鸡翼好咪！烤鸡串，都系好味！西贡咖喱牛腩煲配蒜蓉包（唔记得影相），食完先记得唯有影餐牌哩个真系正，辣辣地咖喱汁用嚟点蒜蓉包，我就另外加碗饭用咖喱汁捞饭食再配埋杯芒果沙冰、三色冰真系爽！份二人餐真系包了好多野食好抵食，份量都算多，摆到张枱满晒，我同屋企人都饱到顶住肚走大多野食搞到好多唔记得影相。总括来讲味道唔错，汤河同春卷略为味道重咗啲，其他都中规中矩。
继续阅读
朋友推荐越旺食品好食，我都和朋友去过食几次都好评，但今日我自己去买外卖，就遇到店员极差态度，其实都有听闻员工态度差！（前者年轻店员，后者年几大店员） 事情是这样的～我：外卖海南鸡饭走翼店：已经切开一份份我：咁唔好比翼我就得店：妳买咗返去唔岩食就掉咗去作为一个顾客系咪火都嚟埋😤😡跟住另一位店员亚姐都系咁讲（叫我掉咗去）仲话唔要得加$15！要加钱走翼我可以接受但叫我买咗唔岩食掉咗去就太过份啰！唔系要几星级嘅服务态度但系连基本嘅态度都唔识咁就唔好做服务行业啦！食品系唔错好食😋只是员工态度好有问题！
继续阅读
讲真，lee间餐厅食物唔系差，但职员态度真系好恶劣。我一行6个人，先分开坐四人枱同二人枱，等到旁边二人枱食完，我地就问职员可唔可以转埋一齐坐。个职员超级西面，死都话唔得，因为系同外国人一齐食，废事扬名国际，我哋就话，咁我自己搬番d野食去新枱啰。个职员发晒晦气，真系唔帮手搬，仲要再西面d，话落左单掉好麻烦。其实间铺一眼睇晒，就算真系送错枱都只系一碗面，咁都记唔到有一碗面转左去新枱，对自己份工咁唔上心，不如唔好做啦。如果唔系饿到死，都真心唔建议。
继续阅读
今日又去试新嘢，越旺，新开嘅越南餐厅！见到lunch个生牛肉汤河要60蚊，都心大心细！但见到好多人入去，所以都决定试下！🌞🌞生牛肉汤河🌞🌞第一眼见到碗河粉，劲多牛肉咁！劲开心！但原来个底系用萝卜整高左，得3块牛肉🥺🥺个汤底系属于淡，唔算话好特别！lunch set 60蚊我觉得性价比一般！🌞🌞芒果沙冰🌞🌞杯沙冰要lunch set 加12蚊！如果好饮加钱都ok，但好失望！杯芒果沙冰怀疑有芒果汁整，唔系用新鲜芒果！而且杯沙冰仲有劲大块冰！整体来讲，lunch set 72蚊唔低食，系元朗应该有更好嘅选择！
继续阅读
您可能会有兴趣的...