影片
港铁石门站 C 出口, 步行约2分钟
继续阅读
营业时间
星期一
全日休息
星期二至五
11:30 - 19:15
星期六至日
11:30 - 17:30
公众假期
全日休息
公众假期前夕
全日休息
以上资料只供参考，请与餐厅确认详情
招牌菜
相关文章
是次的石门 lunch 时间，我决定去探一探小店。而我早就知道，京瑞广场内的一间越式法包小店，早已经享有大名。所以，趁有一天算是多时间食午餐，我就来拜访一下《TeSa Bánh Mì 越式法包》，来一个简单，健康，轻轻快的一个越南式的法国包餐。店外，有两张台仔，可以让客人堂食。而且，中午及下午茶时段，都有一个经济实惠，而又刚刚好够饱的套餐供应。算是几抵食架。那天，我要的法包套餐，就由一个迷你扎肉捞檬开始。这儿，有饭餐，有檬粉餐，当然也有法包的套餐。而法包套餐，包饮品之余，仲有一小碗的迷你捞檬。他们的迷你扎肉捞檬，檬粉爽爽的，配合扎肉同配菜，加上有很香的鱼露味，十分之好食。第一次来，我点了一份经典扎肉法包。这儿的 standard size 是六寸的包。包子是正宗的越式脆包，甘笋丝、青瓜片同生菜，带给这越式法包一种清爽的口感。而扎肉就增添了浓厚的越国风味。第二次，我就带埋阿仔同来。他点的是烟黑椒牛肉法包。而店主亦非常细心，预先把法包切开两半，好让我同仔仔各自把自己的半份包分给对方。烟黑椒牛肉，感觉就似外国面包店做的牛肉片 baguette 包 / 潜艇包一样，只是配菜为甘笋丝、青瓜片同生菜，而味道亦有点点的鱼露香。西式感受，亚式味道，就是越式法包既有趣之处。我点的一份是烟鸡胸肉法包。鸡胸肉可以用嫩滑来形容。鸡肉的味道，比扎肉浓厚多了。吃得出淡淡的肉香味，而鱼露同越式的配菜，就增加了一种既清新又香口的感觉。那天，另外打包一份素食法包给太太。素食的版本，就用上了素火腿。而且，因为是素食版本，加了沙律酱的不是鱼露，同样都充满了一种既西式又好亚洲的感觉。而这，也许就是越式法包既吸引之处。套餐包饮品，加少少钱就会有一个比较特色既饮料。第一次来，我选了一罐椰汁。不过，饮饮下都系觉得，我们祖国的椰树牌椰汁比较鲜味。所以，同阿仔来吃的一天，我们就要手冲的饮料了。我要了一杯冻美式咖啡，而仔仔就要了一杯玫瑰花茶。玫瑰花茶够香，而美式咖啡似乎是即磨咖啡制成的，两杯饮品都同样可口及美妙。好味道的小店，是值得大家去支持的。来过几次，发现到此店其实是由两位退休夫妇在默默经营。有好质素食物，有 heart 既服务，也有点点的细心。来这儿轻轻地吃个越南包、越南粉，越南小食，绝对是开心的一件事啊。
继续阅读
无意中发现依度有得食越南法包，叫咗个扎肉原味，出奇地咁好食。同埋价钱都合理，$4X。佢系即叫即整，个法国包焗完好脆，佢入边嘅馅都唔少，而且我叫佢加多啲肝酱佢都肯，而且老板态度友善，都会笑笑口同你讲要等大概5至10分钟。同埋沙田区好似得佢买越南法包。下次再黎会再帮衬。现场仲有两张枱四张凳摆喺度，方便适合可以坐低食而且佢对素食者都好贴心，有素食，所以就算唔食肉嘅人都有选择同埋佢有好几个选择，唔系净系扎肉。所以大家可以一试。
继续阅读
【沙田区】【TeSa越式法包】有读者唔信我已经冇稿喺手，仲表示我仲系每日出紧一篇嘢，何来无稿之说咁话。我就真系哑子吃黄莲，有苦自己知呀。最近大家睇紧嘅 post，其实大部份都系我即时摷仓底出嚟顶档嘅，本身系谂住再食多一次先出 post 嘅。就好似呢间咁，佢系喺石门一间越式小食店，做外卖为主，门口摆少量枱櫈畀人坐低食。咁就梗系啱晒我啦，系疫情关系或者其他特殊情况我先会写外卖，否则我都系倾向堂食先写嘢嘅，呢一点真系一路走来，始终如一嘅。嗱我有例子架，例如 1am0915 我都系食完金祥个外卖，特登再去食一次堂食，尽量都想全面啲写畀大家睇，对得住仅余嘅读者。不过今次真系冇稿，我去石门食咗一次呢间，就要出 post，可想而知我呢排真系几咁缺稿呢。去到就食 $65 嘅「经典扎肉法包」套餐，前菜拣咗三只「日式饺子」，由于佢系即煎，热辣辣咁都几惹味。虽然本身其实只系好普通嘅日式煎饺子，但系即时煎起加埋酱油放落只纸杯度上，系有一种好特别嘅小食风味感觉。跟住到主食「经典扎肉法包」，好老实，可以写嘅嘢唔多，因为唔算好特别，只系呢区都冇呢类嘢食咁解，都系一个选择。嘢饮我加 $10 饮「生姜金罗汉果茶」，清清哋几好饮。咁样夹埋 $75，唔算好抵食，耐唔时一次可以嘅。。。（地址：沙田石门安群街1号京瑞广场二期1楼149B2号舗）#1amfoodie #foodie #hkfoodie #thatfoodiething #hkfood #foodies #tasty #globaleats #tastyfood #foodpics #followforfollowback #love #eat #1am沙田区 #沙田 #石门 #TeSa越式法包 #TeSa #越式法包 #TesaBanhMi #经典扎肉法包 #日式饺子 #生姜金罗汉果茶 #京瑞广场 #1am0939 #1ambackup
继续阅读
我好少写食评但都要上黎讲两句，今日买左个三文鱼法包，都要50蚊，价钱偏贵，谂住够饱啦，点知⋯一拎上手劲轻，心知不妙，拎返屋企加热佢，一打开就知奶野！先讲服务，服务系正常，无咩特别。味道卖相系零，个包又细又干，三文鱼都系干，配料极少又无汁，好饮干食个法包咁，好难食。图中可以望到有几少⋯ 同佢出面既图唔成正比，好明显呃人！价钱50蚊一个，买到呢个无咩料又细既包紧系唔值，同场同价有大把选择。佢真系想赚到尽⋯😅
继续阅读
第一次写食评，因为食到佢地嘅越南法包太惊艳，忍唔住要打呢篇文哈哈。😆强烈推荐住喺附近或者喺附近返工嘅人都去试吓，唔会令你失望。😌星期六去大水坑踩单车，顺路经过石门食lunch，见到呢间小店，因为好少见到越南法包就买咗黎食。😋烟黑椒牛肉法包🥖超级推荐第一次必食越南法包！试左呢款，入面除咗黑椒牛肉仲有好多配料，特别系秘制肝酱令味道更丰富，份量啱啱好，好好食，下次会试吓其他口味～泰式香烤鸡锤🍗一口气叫左呢4款小食，每款都各有特色，最推荐鸡锤，肉质嫩滑，咬落仲有淡淡香茅味，食落唔停口。香甜蔗虾🍤食到虾肉之余仲有清甜嘅蔗汁，唔会太干。越南蔬菜&猪肉春卷🫔个人钟意猪肉春卷多啲，咬落比较香口，但蔬菜春卷更清爽，唔会太油腻。泰马鱼腐鱼饼🫓分唔到边个系鱼腐边个系鱼饼哈哈，但都非常浓味，特别系圆型嘅有小小辣味好过瘾。烟鸡胸肉捞檬🥙檬粉软硬度啱啱好，唔会太腍够爽口，配上开胃酸甜汁，唔经唔觉好快就食晒。玫瑰花茶🌹估唔到细细杯已经有4朵玫瑰花干，睇到茶色已经知杯花茶有几浓，超抵饮！生姜金罗汉果茶☕️好香罗汉果味，姜味唔会太出，亦唔会太甜，养生之选。
继续阅读