越式小廚

約咗朋友喺旺角行街，個人好喜歡吃越南餐既生牛肉河粉喺旺角睇OpenRice搵到女人街有生牛肉河粉，見唔少好評，當然即刻去試吓啦！-環境當日我去食嘅時候係下午茶時間，客人人丁單薄，只有我一台同另外一台，下午茶時間冇乜人，坐嘅位置冇乜特別。-服務侍應下單服務態度很好，餐廳沒有主動提供紙巾，需要向餐廳問！-食物下午茶嗌咗個生牛肉河粉+春卷2條+米紙卷先講講個春卷係幾好食，米紙卷就一般！生牛肉河粉不過不失，可惜餐廳提供既辣椒唔夠辣！不過椰青（好貴），但係睇落其實似椰皇，好飲甜爽！整體不過不失，不要太大期望！如果下午茶時間嚟講算貴，2人共消費$220:(…查看更多

通菜街越泰餐廳林立，今日避開人龍試咗間越式小店～環境闊落唔逼，坐得舒服可以慢慢傾偈👍🏻 但食物份量同質素有點落差：🔥魷魚鬚$35只得兩條鬚，細份到嚇親；🐷燒豬頸肉飯更失望，肉質又肥又韌，咬到牙軟…越式芝士豬肉串燒（$40/兩串），係一個好普通嘅豬肉上面放咗啲芝士，食唔到芝士濃郁夾肉香，非常普通，但係都要$20一串另外佢嘅乾牛肉木瓜沙律，除咗乾牛肉之外，原來個沙律同燒豬肉飯附送嗰兜沙律嘅base都係一樣樣🤣整體價錢偏貴，性價比一般，除非唔想排隊否則未必回頭！…查看更多

今日旺角搵食日記！突然好想食越南嘢，本來諗住去砵蘭街嗰間出名店，但係有啲遠，就求其入咗 @Sen 越式小廚 試吓。呢間店我同朋友之前食過一次，當時覺得超唔掂，只值3分，朋友一路行一路揶揄話「點解要返嚟自虐啊」😂 但今次見到有新菜單，決定冒險再戰！我哋嗌咗：• 椰子藥膳湯：哇，呢個湯真係好飲！藥膳味濃郁，椰子清新解膩，但$98份量好細，有啲貴貴地😅• 海鮮蒸粉絲：味道夠晒足，唔會太鹹，粉絲有啲腍腍唔夠脆，但上面四隻瀨尿蝦新鮮彈牙，絕對係畫龍點睛！🦐• 越南發包：不過不失啦，餡料OK，但包皮有啲腍，唔夠脆口。總分7/10，算係OK啦，雖然之前有陰影，但新菜單救咗一命。後記：諗返起呢間之前只係值3分，兩次加埋就滿分啦哈哈🤣 不過吸引嘅菜都差唔多食晒，下次再搵新嘢試！旺角越南菜愛好者嚟講，值得一試～…查看更多

今日放飯係女人街見到呢間越南餐廳裝修都幾新淨，一個人食lunch就膽粗粗入去試吓入到去就叫咗一個生牛肉河$60多粉加$5因為有d肚餓，所以加$20食多塊雞扒味道唔錯，份量又啱啱好小食我再加多一條鮮蝦豬肉春卷都係$15，食得出係人手包同出面果d唔同👍👍不過lunch time都比較多人，想坐得舒服d應該要下午去食下次會叫埋同事或者屋企人嚟食❤️…查看更多

今日12點趁佢啱啱開門就入咗去試咗碗三色湯河 湯底飲得出有放牛骨去煮味道都幾好，幾舒服環境睇落幾乾淨 午市可以跟餐加嘢飲之後開始多人 我見店員有帶啲客上樓上坐小店嚟講都算值得支持…查看更多

夜晚去左呢間食生牛肉粉 諗住隱於鬧市既小店唔會差 個裝修環境睇落都企理乾淨入到去見生牛肉粉有2個價一個60一個88 我都算啦 叫個88睇下點樣等個陣隔離枱叫野食問野飲點計 店員話要正價加 無得跟餐 個客人即刻眼神無奈左 佢同我都唔敢加野飲 要杯水冷靜下算🤨點知上到黎個牛肉勁細塊得好少 個賣相又非常差 啲檬粉係比出面既幼滑少少 但其實味道黎講係非常一般般 完全無其他人 comment咁好仲有最後係收加一 $97埋單😹 我張相係佢一上菜就影左 有圖有真相 性價比係邊？…查看更多

係香港吃過最正宗的越南粉，湯頭清但吃到係牛骨熬出來的，粉稍微軟左d，牛丸彈牙味道夠，似係手打，牛骨肉唔硬唔爛剛剛好，整碗粉味道好正，環境乾淨，服務員態度好，以後會帶一家來吃…查看更多

週末與朋友相約到旺角，下午茶時間我們選了「越式小廚」，試試他們的越南菜。餐廳人流不算多，我們很快便被安排入座。店內採用手機App下單，我與朋友分別點了兩個下午茶套餐，並加配小食 🍜🌟1. 香茅豬扒葛根粉 + 雞翼（2隻）🐷🐔這道套餐的主食是葛根粉，這種粉條的口感帶有韌勁，寬度較大，吃起來挺有趣。湯底是牛肉湯，味道尚可。然而，香茅豬扒的質感偏硬，並且香茅的味道不太明顯，醃料沒有深入肉質，整體口感偏乾且不入味 🙈 加配的小食是雞翼體積很小，味道也沒有太大驚喜。考慮到這份加配的價格是$15，平均每隻雞翼$7.5，感覺性價比不高 🥹2. 香茅豬頸肉河粉 + 越式米紙卷（2件）🐷🦐朋友選的這款套餐相對來說略勝一籌。河粉的質感與湯底保持了不錯的水準。豬頸肉的表現也比豬扒稍佳，肉質較嫩且帶有一點油脂香氣。然而，這份套餐的價格也比第一份貴了十幾蚊，性價比仍然一般 🙈至於加配越式米紙卷，則有些令人失望。米紙卷內的餡料包括蝦、粉絲和一些生菜，本身味道中規中矩，但份量實在太少。表面上是兩件，但實際上只是將一條完整的米紙卷切成兩半，幾乎是一口就能吃完，完全沒有飽足感 🥹整體而言，人均七十幾蚊的價格在下午茶時段算是偏高。但無論是食物的味道還是份量，都未能達到令人滿意的水準。尤其是加配的小食，既小且味道平平，完全不值得額外點選。😪如果單純想吃越南菜，這家店的選擇和味道都比較普通，性價比也不高。若下次再來旺角，應該會考慮其他選擇，畢竟在這個美食多元的地方，還是有更多值得嘗試的餐廳。🙈🙈…查看更多

中伏！叫左碗牛丸牛腱河，完全不是越南正宗味道湯底勁味精，牛腱無味，超硬咬唔到！實物與圖片不符！圖片賣相豐富，勁多蔥，但實物湯底勁清，只得少量蔥！只得個咸味！價錢略貴:(…查看更多

🇻🇳☕️🍜越南咖啡比湯粉好🔔QR code 點餐🆗特色鮮蝦豬肉卷湯檬 -$75豬肉卷好味，好得意用紫菜包住（唔肯定係唔係紫菜），但只有2條，而蝦有3隻冇咩味。檬粉爽口，可以叫少粉，配料仲有啲大豆芽、菇、蔥同芫荽。青檸辣椒會另上，至於湯底係蕃茄湯嘅味道，都會見到有啲茄肉，但係味道就唔係幾濃。✅順化鹽咖啡 +$18估唔到呢杯咖啡咁好飲🤩本身個咖啡底已經係好香濃嘅越南咖啡獨有味道，而上面嘅奶蓋好滑，鹹鹹地好得意，估唔到同咖啡又幾夾，建議大家一定要試吓，雖然Menu寫係常溫，但係其實都落咗冰塊喺入面，凍飲嚟。…查看更多

一碗pho加杯嘢飲就要150蚊，旺角女人街收呢個價，味道唔出眾只可以話不過不失，但88蚊一碗pho真係太貴，仲要啲牛肉又碎又少。搞到依家係香港食飯好似係比人搵笨咁，香港依家呢個經濟仲要做呢種生意，真係覺得執都唔可以怪人。另外杯所謂特色嘢飲，真係唔覺有幾特色，但都要20幾蚊一杯，飲兩啖就冇，用高腳杯嘅份量已經少，仲要咁多冰，間鋪頭係覺得啲食客易呃定蠢。如果想試吓食完覺得唔抵嘅感受係完全可以試呢間，味道唔出眾，份量唔大，但價錢太貴，分分鐘我係港島食仲平過。…查看更多

難得出左旺角返工，放食lunch同同事周圍行下，搵餐廳食野醫肚，經過兩三間餐廳，就見到一間越南餐廳，我地兩個一致決定行入去呢間San越南餐廳！一入去，就見牆上掛了幾幅畫作，植物襯托及有以木制品為座枱環境令人覺得好舒服，坐低後，商討一輪就點左：🥢SEN招牌牛排骨三色河粉一碗入面有牛排骨、手切生牛肉、牛丸，材料十分豐富👍食之前一定要飲啖湯先，湯底牛肉味濃而不膩，牛排骨肉質鬆軟，牛丸爽口彈牙，生牛肉十分新鮮，真係食到停唔到口😆🥢越色燒豬頸肉飯蔥油及秘制醬料配上燒豬頸肉可以中和肉的油膩感肉質，三者搭配一齊，再加一啖白飯，唔駛講我朋友將成碟飯食清光☺️🥢越式酸辣鳳爪酸辣鳳爪雖是午餐跟餐小食，但份量十足，我同朋友一齊分左黎食，兩人評價都係酸酸辣辣，兩者之間味道十分平衡，鳳爪爽脆十分有效口，係我地角度是很好的開胃小食🥰如果大家想去食越南菜，不坊可試下呢間越南餐廳❤️…查看更多

琴日同朋友入咗女人街搵野食，真係唔同哂，冇乜選擇了。一係就吉鋪，一係就幾間都食拉麵。行行下見到間越南野食，見鋪冇乜人就入去試吓啦。坦白講價錢唔貴嘅，二人點了河內酸辣海鮮湯檬、越式豬扒撈檬、手打墨魚餅。 職員送上酸辣海鮮湯檬，第一時間當然試吓佢個湯頭先，一飲粗口都想爆，咩料呀⋯⋯首先唔好講鮮味，當然冇啦，只係飲到鹽水加蕃茄水再加辣油水味😵‍💫，賴尿蝦同蝦嘅肉係實同柴嘅，扎肉就實兼冇味，豆卜索咗啲辣油水味都真係幾攞命。手打墨魚餅都係失望， 只係食到鹽味加粉，豬扒撈檬，花生都冇粒，豬扒又係柴實。…查看更多

我其中一個推薦嘅菜式係越式豬頸肉飯。豬頸肉燒得香脆多汁，肉質嫩滑，每一口都好滿足。配上香氣四溢嘅越式調味料，味道更加濃郁。另外一個推薦嘅小食係越式鮮蝦豬肉春卷。春卷內裡包著鮮蝦同豬肉，口感豐富。鮮蝦肉質鮮甜彈牙，豬肉則帶有一絲絲的香氣。配上特製的越式醬汁，令這道菜更加開胃。每一口都充滿了東南亞的風情。飯後可以嘗試洛神花奇亞籽茶。呢杯茶飲有一種獨特的酸甜味道，非常清涼怡人。洛神花對身體有益，而奇亞籽則提供了纖維和營養。茶飲入口滑順，奇亞籽爆破時帶來一種有趣的口感。…查看更多

今次我叫咗佢哋嘅越式香茅豬扒湯檬。豬扒煮得剛剛好，湯底以香茅為主，帶嚟一陣清新嘅香氣，令人食嘢之餘心情愉快。湯檬加入咗一啲酸酸嘅風味，令湯底更加開胃。另外我叫左一份越式香茅雞翼小食。雞翼烹調得香脆多汁，外皮炸到金黃酥脆，入口咬下，肉質鮮嫩多汁，配合香茅嘅香氣，味道更加香濃。每一口都充滿咗越南獨特嘅風味。如果你鍾意食雞翼同埋香茅味道，呢道菜絕對係你嘅不二之選。最後，我試咗越式蜜桃珍珠紅茶。呢杯飲品真係非常清爽，帶有蜜桃嘅香味同埋珍珠嘅嚼勁。茶底鮮美濃郁，配合蜜桃味道，令整杯紅茶更加鮮甜。呢個越式珍珠紅茶絕對係一個消暑解渴嘅好選擇…查看更多