越安喬

营业中

休息中

【元朗區】【越安喬】喺元朗做嘢，今次係同一大班好戰友一齊，就梗係要一齊食飯。佢哋搵咗呢間食越南嘢嘅，叫「越安喬」，未食過。中午都有午餐可以叫，自己叫自己嘅，相當方便。個午餐組合都相當簡單，$88 有「小食」、「主食」同「飲品」各一，好似乜都有得食咁。小食我要「炸芝士條」兩條，熱辣辣炸起，唔錯嘅。反而主食「扎肉法包」相對差啲，唔係要同越南嗰啲比，只係就咁食都覺得水準以下。嘢飲加 $30 飲「牛油果沙冰」，反而又幾好，夠香甜。由於有人好滿意，之後嗰日我哋再去，又係食 $88 嘅午餐。今次小食同主食我就揀咗「炸肉條」同「手切牛肉湯河粉」，加 $10 轉「生熟牛肉」。前者味道麻麻，非我所喜，後者幾好，難怪好多人都食。嘢飲加 $30 飲「芒果沙冰」，好香芒果味，正呀。而 $40 嘅「班蘭糯米飯拼呍呢嗱雪糕」就正常，一試無妨囉。。。（地址：元朗馬田路20-30B號安寧大廈地下6號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies

平時食黎食去都係個啲，諗住試下新野，點知一試就出事...同老公食lunch，叫左一set lunch set + 竹荀豬骨湯檬。午餐時間每枱都有客，等野食等左20分鐘... 前菜紙米卷正常，個魚露汁略咸；飲品叫左椰汁沙冰咖啡，個椰汁味重到有浸嘔吐物既味，飲唔落第2啖😮‍💨；生牛河都算正常，個竹荀豬骨檬就出事... 食落有浸油益味，豬肉又有油益味，柴過我塊面... 最後要落醋冚過浸益味，那那聲食埋啲粉就算數咁就$190🥶

好耐無返元朗, 行行下見到呢間小店既名稱咁特別, 又有位, 就入去試下佢地提供係既越北美食。我地一個試生牛肉, 一個試熟牛肉, 應該都係同一款牛肉, 都好滑&好入味. 炸物亦都熱辣辣好新鮮, 飲品亦都有新意。HK$88既午餐set好豐富, 有小食又有飲品。特別想提一提既係, 除非食物好味同有特色之外, 服務我地既後生男士都好有禮貌, 我地3個坐開吧檯, 見有張4人檯岩岩走左, 想換檯坐得舒服D, 佢話: 緊係得啦, 無問題, 等我執好張檯!有時就係呢小小既熱情同回應, 令周圍既食客都feel 到用心, 見到佢對住D 外賣仔都會講一聲: Have a good day.  希望下次入元朗, 會繼續見到你地!

行到元朗大水渠附近，見無人等位，就隨機入咗呢間越南餐廳食晚飯。酸果蕃茄排骨湯檬粉見個名幾特別，加上想食比較開胃的食物，就叫了這個餐。但湯底十分清淡，只有兩片蕃茄，沒有什麼蕃茄味/酸味。至於配菜排骨唔會好「柴」，但味道都有點「寡」。整體來講：無咩味。另點一份柑桔雞翼$58/5隻雞翼被甜甜酸酸的醬汁沾裹，味道特別，並非間間越南餐廳都食到。不過略微偏甜咗少少。隨餐追加+$10凍青檸檬茶、+$12越南乳酪飲品綠茶味好香，幾好飲，不會過甜，小清新。至於乳酪，比預期細杯，只有圖中的玻璃杯的1/3，味道不會過酸或過甜，絕對好食過超市買到的杯裝乳酪。如果大杯一點會更開心。總括來說，飲品、甜品及小食都有驚喜，可能主食並非主打招牌菜，略為遜色。

本人呢就外區走入元朗，睇吓有冇啲越南嘢好食，我見呢間好似食評都OK咁就諗住去試吓，點知又生牛河味精重到阿媽都認得加鹹，佢啲牛肉又唔得，午市套餐做收人差唔多成舊水.

難忘的一個午餐體驗店舖座位不多，如果自己一個人去都不會尷尬，因為有一排靠牆坐，整體坐得舒服，而且店內環境都優雅，清潔食物有驚喜，無味精，湯底味濃，感覺是老火湯的感覺，而且大碗粉量多整體上有90分，值得一再幫襯

叫了四款食物，特別叫2個小食。參考某些平台，特別叫了重心推介的其中兩款。估佢豬頸肉都有信心先會令咁多平台重覆又重覆推介。結果上菜又乾又涼…..不過叫唔浪費原則下食哂….另外個粉真係無乜亮點。唯一值得highlight係河粉係幼身，加上碎濕濕。有無誠意真係食客自行定奪。湯底無話特別好或者特別唔好，反正總體係對唔住個價錢。呢個質素就好睇你要求有幾高，無對比無傷害，唔需要特別beachmark同價/附近價位的同類型餐廳，相信你都會有答案…

朗屏周圍都好多野食，揀左間越南野😍3個人叫左個二人餐再加個越南包二人餐可以揀2個主食，任何一款小食同2杯野飲都係$228小食叫左蝦肉紙米卷👍🏻$56主飲叫左假蒟葉包豬塊飯$68，雖然賣相黑色一條條，但係好得意有塊好似荷葉既野包住舊豬肉有啲似粿條，塊荷葉係食得既😂配上泰式辣醬，感覺幾有趣又幾好食生牛河，好大碗所以好抵食$72所以叫個套餐係抵食既包兩杯野飲👍🏻炭燒豬頸肉麵包，好脆，仲好貼心咁問我地想分切做幾多舊，又有手套俾我地👍🏻

安喬是一間由越南家庭經營的小店，食物是正宗口味，標榜不添加味味精，食到食物的原鲜味。環境🌿店餔不大，兩面灰色牆上掛了幾幅越南特色的poster.其中一面有卡座，另一面有拍牆的單座位。午餐🌿:柑吉雞翼🐥5隻$58👍👍👍以柑吉為調味籽，令熱辣嫰滑嘅雞翼结合酸甜風味，完全平衡雞肉嘅油腻。酸果蕃茄🍅排骨🐷湯檬粉$78👍👍👍有獨特的酸甜味道，排骨具有濃郁的肉香.咬口腍淋。+$10凍青檸綠茶🧋👍👍👍燒豬頸肉麵包🥖$68👍👍👍炭燒豬頸肉香氣誘人，豬頸肉的肉質較為鬆軟，结合暖烘烘的麵包，食起來更美味。+$8熱青檸水👍👍👍班蘭糯米飯配雲呢拿雪糕🍨今次我試了餐廳推薦嘅兩款自家製的菜式：如酸果蕃茄排骨湯檬粉，柑桔雞翼，真好好味。👍下次會試埋假蒟葉包豬塊飯和蛋咖啡。

元朗都幾多越南餐廳，呢間安興球場附近嘅越安喬係越南人開，好正宗，推介比大家最主要原因係佢真係做到門口寫嘅無味精，食完唔會特別口渴，但都好都好好味，今晚食係半生熟牛河同炸春卷，正

放工約左朋友近近地食飯，揀左呢間新店。鋪內環境唔算大，一面係對住既2人／4人位，一面係單邊坐既位。今日平日，收工去到大概7點鬆啲，已經得返單邊位，平日黎講算多人幫襯。▪︎牛展湯麵▪︎ $78都幾大碗，麵量都好多，朋友細食所以都食剩，佢話湯幾清，幾好食。▪︎自家製竹筍豬骨湯檬粉▪︎ $78我就揀左個少有既豬骨湯檬，湯底清得黎都幾好飲，無味精既感覺，食完唔口渴。竹筍好好味好襯個檬。不過鍾意食辣嘅我就攞咗友人個碗附送既 辣椒粒落去，更好味～～～啲檬粉勁多，但我成碗食曬。▪︎凍青檸水▪︎ $20(跟餐）檸水都係檸水，無乜特別🤣不過佢用既係青檸但飲落無乜檸味😂

今日放假同朋友入來元朗行街食下野，元朗真係好多餐廳食肆，所以我不時都會入來元朗揾食，同埋幫我家啲主子買罐罐。而今日就行來見到有間新開的餐廳叫「越安喬」的越南餐廳小店。 雞肉清雞湯河粉呢個雞湯河粉真係冇加味精，加埋啲青檸汁及小米辣椒更加清新及刺激，呢個好啱我呢啲要減肥人仕食。 燒豬頸肉米紙卷呢個又係我在越南餐廳必叫，加上佢地自家製的Nuoc Cham汁，呢個真係好夾的，同埋豬頸肉爽口夾埋啲青瓜生菜及酸酸地的汁，真係好啱悶熱的夏天時食用。 燒豬頸肉燒的時間啱啱好唔會令到豬頸肉乾身柴皮。 牛油果沙冰呢個飲品在馬來西亞及印尼好流行的飲品，好難得在香港會飲到呢個飲品。

元朗馬田路食肆臨立，有高價日本料理也有街坊小店；路過餐廳，見門口黑板寫著「越南廚師主理」，一於試試其水準！店面不大，但座位仍然闊落舒適，氣氛悠閒。午市套餐有小食，主食同飲品，我和朋友各自點了一份。小食：炸芝士條香脆炸皮包著軟滑芝士，芝士香濃軟滑，味道口感一流。蟹膏番茄湯蟹粉蟹膏蕃茄湯湯底鮮甜香濃；材料十分新鮮，令人回味。 這款越南粉十分特別，口感比一般河粉有彈性，原來是直接從越南訂購；因為成本較高，故此於香港比較少見。炸春卷外皮香脆，餡料充份調味，不錯！(生牛肉)牛肉湯河粉，鮮紅色的生牛肉十分搶眼。牛肉湯清甜鮮味，河粉亦十分爽滑。通菜炒牛肉絲，通菜油潤鮮嫩，再佐以牛肉絲炒香，味道不錯！餐飲凍咖啡/凍青檸綠茶，越式風味製作甚具特色。雖然是街坊小店，但食材選料認真，且確有越南地道風味，價格亦相宜，值得推介給元朗街坊！

禮拜日去咗元朗搵朋友聚一聚，我哋嚟咗呢間偏小型似家庭式經營嘅越南餐廳食晏～店舖地方唔大人手唔多，食物等候時間相對較長，但勝在新鮮熱辣😌👅通菜炒肉絲通菜爽脆，瘦肉唔會韌，好家庭式味道嘅感覺🙂👅燒豬頸肉麵包正宗越式法包嘅賣相同味道🙌🏻豬頸肉燒得好香，法包🥖脆口！有少許沙律醬食落唔會太乾身👍👅牛肉撈檬牛肉肉質嫩滑，檬粉爽口彈牙加埋啲酸汁，夏天食真係好開胃😋👅越南原味乳酪質地比較似凝酪多過乳酪，奶味好重但唔羶，幾好食😁

有一排冇食越南嘢，又有啲掛住🥰呢一日見到呢間餐廳，感覺幾好就入咗嚟試吓，啲野好好食呀😋原來間餐廳真係越南家庭開😀👍🏽❤️蝦肉紙米卷（三條）$48三條分成咗6件，好容易食。一拎上枱我哋已經即刻心心眼😍好靚呀！見到有唔同顏色零舍開胃蝦肉加埋唔同蔬菜，感覺真係好Fresh!❤️燒豬頸肉紙米卷（三條）$52紙米卷同豬頸肉都勁夾😛豬頸肉嘅份量足夠煮得又好食😋都係我好鍾意嘅一道菜❤️我全都要法包$88呢個係隱藏菜單😛意思即係餐牌上冇掃Qr code 落單個陣先見到呢個包有：炒蛋、扎肉同燒豬頸肉見到呢個「我全都要法包」覺得都幾驚喜😆睇餐牌嗰陣已經諗緊要豬頸肉定係札肉好🫤點知掃QR code之後就見到呢個我全都要🤣就即刻叫咗😋😋😋法包好好食，包夠脆😋入面啲餡料又好多👍🏽👍🏽👍🏽❤️炸春卷（一條）$15跟餐加咗一條炸春卷，上枱時熱辣辣😋飲品方面叫咗涷熱情果綠茶同青檸梳打味道同平時飲嘅一樣，解渴。下次都會再幫襯👍🏽👍🏽😋