影片
以上资料只供参考，请与餐厅确认详情
想食越南河但又唔想食连锁铺头，上网揾到间隐世越南店，睇佢餐牌见价钱好平民，于是就去揾下。间餐厅名叫越南餐厅 . 河 . 饭，真系够哂简单直接🤭但坚难揾，喺新墟街市条巷仔入面，仲要兜咗两次先揾到果条劲隐闭嘅后巷，如果唔系有心去或者住附近嘅街坊都几难揾。入到去听到厨房同楼面沟通好似真系讲紧越南话，超级地道，隔离仲有间士多仔专卖越南商品，怀疑啲货都系隔离入😆🥩越南综合牛肉河🍜牛肉河有生熟牛肉、牛丸同牛展，汤头饮落浓郁得嚟唔死咸，河粉细滑，仲有好多芽菜，不过并唔系越南果种粗短芽菜有啲可惜，随河附送辣椒粒同青柠可以根据自己口味添加。牛肉同牛展都系正常野，反而粒牛丸几好食，有胡椒味亦都几爽弹。🐷香茅猪扒鸡汤河🍲猪扒同个汤河系分开上，鸡汤河相对清淡，加番头先碗牛河嘅辣椒粒无咁寡。香茅猪扒有惊喜，即叫即煎热辣辣，而且真系有香茅碎连住块肉，赞!午餐时段免费包一杯热饮，不过并无写喺餐牌上面，系侍应提到先知。随咗我地之外都听到有几枱同样都好疑惑，如果餐牌写清楚就更好喇🤔不过以呢个价钱嚟讲性价比绝对OK，本身唔系太大食的话都值得推介支持下小店🙂↕️
继续阅读
Openrice个名系越南餐厅•河•饭搞到揾左劲耐😵💫原来改左名叫1986系新墟街市一条巷入面 都几难揾似越南人开嘅 价钱都唔贵越式鸡饭 ($55)劲多鸡肉 仲要系鸡髀位 肉几嫩另外仲有只流心蛋 捞饭好食仲有d青瓜同萝卜丝 清新口感配个两个酱都好惹味 好食海防烤肉捞檬 ($50)系烤腩肉 切薄片 几香口本身个捞檬已经落左鱼露如果冻d就好 配料都系青瓜萝卜丝、生菜丝同花生个d越式乳酪沙冰 ($25)几大杯 饮落唔会劲酸乳酪味 少少甜 都好饮👍🏻
继续阅读
本人到店外卖自取，叫咗个烤肉捞檬同春卷，同埋叫咗杯越南柑桔茶，到最后返到屋企先见到冇比杯嘢饮我，返到屋企后想打电话到店询问店员可否提供解决方法，但结果电话都系冇人听嘅，令我感觉今次嘅服务欠优。
继续阅读
🔶越南综合牛肉河 $60★★★★☆食越南野真系唔会错过Pho，谂住第一次食就叫综合牛肉河，咩都有啲，点知原来系冇生牛肉。但就有牛丸、牛展肉。牛丸口感弹性有肉味唔系净系粉个只，牛展肉就半筋半肉咁，炆煮到淋哂，但嫌佢差少少味道。汤底望落虽然清清地，但饮落又出奇地香浓，加少少青柠汁同辣椒，真系狂饮碗汤。河粉好细滑，软稔感刚好，又吸到汤汁，正！🔶猪颈肉法包 $40★★★★☆每个法包都会烘热到脆底，食落脆卜卜，入面有酸甜红白萝卜丝、青瓜，略微腌得唔够酸。猪颈肉入味够咸，切碎左夹落去食落更方便，但整体食落系好食！🌟总括：位置超唔起眼，但味道都几正宗，住喺附近可以一试。
继续阅读
💛正宗越南人做既味道👍牛油果沙冰新奇健康又好饮。米子卷嚿嚿都有虾，菜，粉丝，包到满满，材料好新鲜。堂食即制即食最对味🤤🤭🤭🤭🤭🤭#baonamquan
继续阅读