影片
家庭式餐厅管理混乱：等位时写number写错number，捞乱我哋同后面。嘢食漏扎肉，对面漏春卷，单都冇比。食物味道系正常。个环境恶劣嘈到头痛。有个几岁细路仔喺我哋隔离台食饭，冇大人睇住，应该系老板的或者员工的，因为有后厨员工接走同台细路女，有员工间唔中行过同佢讲句。周围得我哋呢两台，正常人出街食饭会睇住自己小朋友。全程开电话打机打到嘣嘣嘣嘣声，我食到背只骨落。最惨一阵食食下佢突然中个头落我碗嘢度闻下味咁，吓我一凸。细路仔顽皮如果系其他食客无睇住都唔关你哋事，但佢系你间舖的，你哋纵容佢滋扰食客。呢个价钱，冇人要你哋比酒店服务。起码有一个正常环境比人食餐饭。真系冇下次。👎👎👎
继续阅读
平时喺西菁街网球场上完堂之后，教练都话去食呢间，今次就试吓究竟佢有啲咩魅力！～越南咖啡真系好香，同埋入口系好smooth、foamy嘅口感，个人都几钟意！仲试咗猪扒饭包！好食！好脆！仲好足料！食咗三份二个包就已经好饱… 推介！如果要坐喺𠮶度食，有洁癖嘅朋友可能唔太顶得顺… 不过绝对推荐各位买外卖返去试！
继续阅读
员工无论收钱定整法包都带住蓝色手套收钱又唔除手套 掂完银纸手唔冲水即刻掂返法包 ……以为佢咁岩唔记得左………………点知我见佢整左4-5个 每个都系咁……………个法包味道系几好 夹完配料再用焗炉焗返热同脆法包好脆 入面鸡扒都煎到几香口………..但我食完真系肚痛 …………..我唔知系唔系个个员工都系咁我见整个女人卫生意识真系好低掂完银纸再直接掂野食 呢样野好多年都冇再见过你地最好买之前系门口望下佢地点整先好买…..
继续阅读
之前同小朋友去过几次都食唔到越南包🥲今日终于有机会品尝脆卜卜既包配搭热辣辣鸡扒加越式酱，越好味另外仲叫左个虾纸米卷，老板娘教将汁酱倒入半米卷入面食会再好食，果然真的不一样越式生牛肉汤河系我小朋友至爱，每次去都会必食👍🏼推荐大家去👍🏼👍🏼👍🏼
继续阅读
去嘉发买完鸡蛋仔要等，于是同狗狗、狗狗爸爸喺附近行下，睇下有冇嘢啱食。经过呢间小店，出面坐咗2个唔似本地人的食客，见佢哋喺啲食物送到时表现好兴奋，而杯冻啡望落都觉得靓，咖啡面层撞咗一层厚泡沫，再加上深啡色，好吸引。其中一位食客主动提议我哋试下，拍心口话食完一定返唔到转头，而冻啡、猪扒/猪颈肉饭、生牛肉汤河同法包都系佢哋的必试推介。我哋带住狗狗，加上小店舖外只有一张台，最后外卖，企喺对面公园外开餐。越南咖啡（$26）：非常好饮，系会令人追住饮的奶啡。越南咖啡本身有独特香味，系味道比较强烈的咖啡，好多时一啲餐厅都会整到好甜，所以点的时候嗌咗少甜。咖啡的甜度同温度啱啱好，果层的泡沫好特别，亦令到咖啡有少少渐层效果，卖相好靓。后尾再听个食客讲，原来佢系越南华桥，佢话呢度的咖啡还原咗喺越南饮到的味道，而小店唔止用一种咖啡冲，而系混合2种自家配方，喺第二度饮唔番呢个味道。热情食客话佢觉得呢度的咖啡同越南当地饮到的咖啡唔系百分百相似，而原因只系两地水质唔同，同时，佢又提到，无论系食物、饮品，小店系佢喺香港试过最正宗架喇椰子冰（$26）：冰块较多，椰子味几突出，饮落似椰汁大王，不过冰多始终容易冲淡味道猪扒饭（$50；餐饮享半价优惠）：狗狗爸爸最喜欢的肉类系鸡肉，所以原本打算点鸡扒饭，但经唔起热情食客劲赞猪扒必食，最后点咗猪扒。佢话未食过咁腍的猪扒，松软度极高。白饭上面有少量酸咪咪的沙律菜同葱油，再捞少少另上的辣汁，送饭一流，好开胃以外卖嚟讲，小店的价钱中规中矩，咖啡出色，饭类卖相几靓，味道有一定水准。后期见到唔少食客外卖法包，相信法包真系几受欢迎。舖头细细，食物需时制作，要预咗等一等（10-15分钟）。推介！值得一试！
继续阅读
您可能会有兴趣的...