越南會館

去完西貢時間都唔早，屋企人想唔煮飯出街食，咁就直接搭小巴出返九龍灣食晚飯。小巴一落車上2條扶手電梯就去到越南會館，相當方便。餐廳有晚市套餐，套餐包小食、主菜同飲品。我哋叫左3個套餐，再加左脆蒜牛油果米紙卷同蒜蓉炒椰菜苗share 食。………………………………………………西班牙黑安格斯生牛湯河+ 無骨海南雞飯套餐 ⭐️⭐️⭐️⭐️ 套餐 $138⭕️ 西班牙黑安格斯生牛湯河 ⭐️⭐️⭐️⭐️牛肉幾有肉味，湯底鮮甜，整體唔錯。⭕️ 無骨海南雞飯 ⭐️⭐️⭐️油飯同海南雞都唔錯，但大部分雞都係雞胸位，扣分。燒香茅魚露比目魚柳 配香葉、生菜及越南檬粉⭐️⭐️⭐️ 套餐 $148酸甜嘅魚露汁撈檬粉好開胃，幾好味，但係比目魚就比較普通。牛柳片秘製醬油炒越南粿條 ⭐️⭐️⭐️⭐️ 套餐$128秘製醬油同粿條、牛柳都好夾，炒得好均勻，粿條少少煙韌，好味。蒜蓉炒椰菜苗 ⭐️⭐️椰菜苗好生硬，味道都偏淡。香茅單骨雞翼 ⭐️⭐️⭐️⭐️外層炸到脫卜卜，好味。脆蒜牛油果米紙卷⭐️⭐️⭐️ $30 加購餡料好食，但米紙卷一分為二的地方無切斷，夾的時間夾到散晒，扣分。蜜桃冰茶 ⭐️⭐️味道較淡，麻麻地。………………………………………………越南會館裝修好有東南亞風，環境舒適，賣相精緻。不過價錢就少少貴，相對食物的味道比較普通。…查看更多

今次剛巧要同舊同事聚會，佢就介紹左呢間新開餐廳，我地都係第一次試，都覺得尚可以，味道還可以，主要係佢得體的裝潢打開左唔少分數。我地分別叫左各兩個一人晚餐，包前菜、主食和基本飲品，價位98-148不等，這個價錢在晚巿屬算抵了。菜式有：🔵前菜：炸雞翼🔵前菜：扎肉粉絲沙律🟡海鮮炒飯 🟡黃咖啡雞扒飯我覺得炒飯係唔錯，有啲魷魚和魚肉的，但料唔太多亦好細粒，澱粉質比例較高。而黃咖喱份量係多，但味道和汁體不夠濃，我寧願佢可以再收汁少啲水。雞扒好大份。前菜就普普通通，將貨就價，都係明白嘅。主要係裝潢好別緻和新簇，好適合想有些情調的情侶和好友相聚。🥳…查看更多

九龍灣德福廣場二期越南會館】黃咖喱三寶飯分量偏少；撈檬份量十足更抵食！小食香口：雞翼脆口重蒜香，小食拼盤有柚子清新balance返。整體味道還可，注意主食分量選擇。🍛🍗 #:)…查看更多

聽朋友講呢間越南會館（九龍灣）的菜好好食，放假行街見到就入左來試下，呢度野食都吾錯，服務員的態度都好細心。我叫左個牛腩湯河粉，服務員Jojo送餐過來面帶笑容特別細心提醒小心熱呀!請慢用。下次會再去食😁！…查看更多

放假吃了幾日大魚大肉，想食碗越南粉或海南雞飯做晚餐。見呢間新越南囉門口餐牌有$100左右的一人晚餐，三百多的二人晚餐。就入去試吓。選擇很多，叫了二個一人set 。我吃了會館火車頭牛肉湯河 $128，前菜沙律很少一碗，只有兩啖，飯碗仔的size。火車頭湯河餐牌寫的餸都有，但得一件，而且不算是火車頭，只是一般size 。安格斯生牛肉湯河（中）＋無骨海南雞飯（中）套餐＄138牛肉有2-3片，雞飯比較好。看餐牌見有小食，冇諗過這樣小。另一小食炸尤魚更是只有兩節手指尾大小，很寒酸。埋單$300 ，性價比太低，不會再去了。…查看更多

今日happy Friday , Lunch 想食間好少少，同事又想食越南野，所以揀依間啦⋯⋯其內𥚃的設計都有啲似越南法式的設計，在這商場來講已是唔錯的裝修。雖然已是食晏時間，但可能依間都算比較貴少少，所以唔係太多人食…..咁佢哋d 食物質素都算OK正常，但份量唔算多，雖然睇落去好似好多咁🤣🤣🤣叫咗一個海南雞飯連生牛肉河set, 佢都已經講係中型size，但只可以講份量啱啱好，個set裏面有一個小食真係得兩舊仔, 再加$30要個春卷得兩條仔，依個位比較孤寒…..另外同事要咗個火車頭，但其實份量同我嗰碗中型生牛肉河差不多🤪🤣…查看更多

今日喺平日剛巧放假，嚟咗德福呢度食個下午茶。 是咁的，話說睇完場movie，想食少少嘢，而又唔想食得太飽，就不如食個下午茶。 睇過同層嘅其他餐廳之後，就揀咗入呢間。 唔係講其他餐廳差，而係呢間餐間嘅外觀同裏面都吸引到想入去。 Comfort ～入咗去坐低後，揀咗個下午茶係越式包包陪薯條。脆脆的包，咬了一細口，流出少少嘅肉汁。 Very nice ：）至於薯條方面，雖然唔能夠媲美大型鏈鎖店或者某些美式餐廳。 作為一間越式餐館，味道尚算合理。今次無嗌咖啡，或者下次可以飲埋杯越式滴漏咖啡。…查看更多

今晚我地一家五口坐左係張大枱，叫左4人套餐，加左野飲，初初第一次叫個員工追野飲，佢話黎緊，出緊黎，但等左勁耐都未到，再問佢幾時到，佢勁唔耐煩話黎緊啦，見到佢名牌叫Jojo，佢黑曬口面，之後就走左去！我地都係想知杯野飲要等幾耐，一追再追，你地收加一服務費 ，咁既服務叫有服務 ？問句野都態度咁差？我地係食客，點解要受你氣？…查看更多

精選二人晚餐脆蒜牛油果米紙卷及越式扎肉蒸粉包😍兩個人食份量剛剛好的一碟小食， 香脆炸蒜片加上香濃的 牛油果，口感非凡，值得一試。 粉皮扎肉及裏面不同的 蔬菜一起吃， 味道不錯。蝦醬炒通菜😋即叫即整新鮮熱辣，蝦醬不少加上炸蒜及炒蒜有不同層次，很好吃。西班牙安格斯生牛肉檬粉🥰牛肉嫩滑，如果多幾片牛肉會更好，牛骨湯底入口順滑 加上檬粉一起吃非常好。越式茄汁牛尾煲😊即叫即做，吃得出牛尾燉了很長時間，用料充足牛骨很入味 口感豐富。令人一吃再吃不想停手，如果附送蒜蓉包會更好，因為醬汁連蒜蓉包會更好吃。芒果糯米飯❤️糯米柔軟有咬口加上椰汁香濃 幼滑，芒果卻一半甜一半酸，但加一起吃算不錯。#小數怕長計 #慳家 #優惠 #著數 #小師奶 #美食…查看更多

係九龍灣商場random pick到呢間見裝修都幾好，坐得舒適又唔駛等位，價錢晚市黎講都幾平，直晴午市餐牌價咁佢有一款combo set，可以選牛肉粉拼海南雞、或者牛肉粉拚燒雞扒撈檬，我地就兩款各叫一，額外加左份跟餐既蝦餅。牛肉粉都唔錯，佢既牛肉上黎既時候已經熟晒咁制，份量唔少，牛味幾濃，湯底都唔錯清清地。海南雞既雞都少少嫩，油飯不過不失，有淡淡既香味但唔濃郁烤雞扒有點燶，味道就係一般既急凍雞扒冇咩特別蝦餅係不再回購之列，蝦味好薄弱，亦不算很彈牙見其他食評過服務唔好，我好彩今晚黎接觸過既每個員工都服務幾好～…查看更多

上星期六（8月10日）下午，我還未食完個午餐（生牛肉河粉及海南雞飯combo加一杯凍咖啡），已經感覺到肚子忍忍作痛，流冷汗，立即出去搵洗手間，返嚟同女經理講，佢話今日全日都冇食客投訢，話係我自己唔舒服，態度勁差。跟住埋單，問佢可唔可以用地鐵apps張電子優惠券，佢話可以，scan 完之後又話冇抄到個code，唔可以有優惠，要收返原價，但係張優惠券已經scan及用咗，我同佢講佢咁做係冇理由及唔合理，佢即時黑面，又話我有責任要俾返個code佢抄返，最後幸好有一位女員工幫忙喺我Apps度揾返個紀錄，先可以平息件事，真係唔知道這位女經理係點樣處事，完全唔係想解決問題😤😤😤…查看更多

同同事去咗德福食午餐，佢話想食越南嘢，所以就去咗依間越南會館。依家越南會館走總檔路線， $100.1個午餐，不過佢環境舒服，呢個價錢可以接受。我哋一個喺個燒雞飯，一個係豬扒飯。兩個飯味道都相當唔錯，只係覺得有啲鹹同熱氣。不過食越南嘢都預咗係咁㗎啦。佢哋嘅份量都相當之大，我朋友就食唔晒，我就差啲都食唔晒。另外我哋仲嗌咗個小食，蟹都紫米卷。我覺得呢間越南嘢風味都幾正宗，份量大，味道又唔錯。我就嗌咗杯越南咖啡，不過佢一嚟到就已經過濾晒，冇得感受嗰種等佢慢慢滴出嚟嗰種氣氛，呢樣比較可惜。有機會我會再嚟呢間食午餐。…查看更多

剛剛完了一個重要的面試。連午飯也冇時間食。知道德福廣場有唔少餐廳，就去搵搵看。上到扶手電梯就見到別樹一格的越南會館，店內裝修傾向古典及舒適寬躺，好適合靜靜享受下午茶。下午茶套餐預期也只是輕食的份量。減肥真係一流，對我以言份量控制剛剛有7分飽。茶飲是我比較鍾意，茶味濃，唔加青蘋果醬，也可以成為獨立的飲品-「清香冰茶」下午茶5點前為最後order。總算趕得切試到下午餐。餐具美美，環境美美，尋找me time 的空間。…查看更多

環境裝修可以，就係咁俾佢呃咗入嚟。二人餐唔包嘢飲，食物味道一般，黃咖喱配超細蒜蓉包兩塊，啲肉同薯仔都唔係同咖喱一齊煮，食物溫度和和暖暖。價錢又唔係特別平，食味又唔係咁吸引。失望。…查看更多

已不是第一次光顧。每次食物質素都唔錯。午餐$128包主食，兩個小食同一杯飲品，no complaints 啦。餐廳環境又靚，好有殖民地特色。係德福少有優質餐廳。值得推介！…查看更多