影片
假期要在商场揾食等位拎飞系常识吧！由于要赶住入场睇戏，又唔想食快餐店。见到呢间越南餐厅不用排队，二话不说就入去，心谂匆匆忙忙食碗面就入场睇戏。大虾蟹膏蟹肉汤粉大虾size都正常，不过蟹肉蟹膏饼就真系食一啖吓亲，味道咸兼一食就散，将两样食材沟埋制作汤底亦偏咸，以$78加杯热饮嚟讲，真心讲唔系平，一次已足够
继续阅读
撑小店同埋真材实料缘故而食过好多次，但今次真系好令人失望，夜晚叫蟹膏烧牛肉米卷，蟹膏少之余樱花虾亦得几粒，入面馅系大量既米粉所以好靠蟹膏既味道，少蟹膏又少樱花虾简单淡而无味，明明以前份量好足。就连汤底都比以前咸好多，太失望，冇下次！
继续阅读
入到去间铺见到冇乜人，谂住时间尚早，所以就入咗去，原来因为太难食，所以冇人排队。叫咗慢煮牛汤河，D慢煮牛肉好咸，咸到入喊！佢个男侍应落单嘅时候已经冇反应，同佢讲啲牛肉好咸，佢就好hea咁同厨房讲完，佢有行返嚟同我哋讲，咁即系点？其实我哋绝对唔系啲咩腌尖食客，我哋都唔想浪费食物，冇打算叫佢成碗换过俾我哋，只系想佢比一个应该有嘅反应我哋，望多佢两下，佢就话俾碗水我哋洗下，真系唔该晒🙄！食完碗粉，要不断灌水。一定唔会再去！
继续阅读
呢间野其实几好食 不过入面有个女职员态度好差好似唔想做咁 我哋入去食嘅时候成间舖得我哋一台客 都可以落错单不过另外有个后生啲嘅男仔 态度就几好捞檬都几好食 个汁都好够味味道唔错 牛肉几嫩啲粉都几好食米卷好大旧 分两啖先食得晒味道比较浓 米卷有口感 好食咸柠七系比罐七喜你自己斟 好饮嘢饮正常 姜味都几重
继续阅读
呢间小店其实系有意料之外嘅水准，通常食开一般越南餐厅小店， 啲汤粉嘅份量都好似食唔到咁， 除非唔系特别肚饿，否则唔会太多， 而且味道唔会令人觉得有传统越南汤粉嘅感觉。 呢间小店除咗个份量足够外，汤底嘅味道几好，而且价钱亦都唔贵， 个人觉得性价比甚高。 会安鸡丝汤金边粉$68鸡丝份量足够而且嫩口，金边粉份量亦唔少，绝对冇呃秤嘅感觉，汤底好味。 慢煮牛肉汤河$68 通常喺越南餐厅叫生牛肉汤河，可能我孤陋寡闻，第一次喺越南餐厅食慢煮牛肉汤河粉， 牛肉好淋好鲜味， 而且亦唔会太薄到好似生牛肉咁， 河粉充足， 汤底亦好味， 唯一系芽菜同金不换不够多， 只有少量芽菜同两小片金不换， 不过呢啲系比较个人喜好，如果有多啲个人会觉得更加好味。招牌法包 $36招牌法包嘅馅主要系猪肉片为主，虽然里面夹咗少少蔬菜， 但系都感觉比较干身， 面包软硬度适中， 反而觉得呢个招牌法包就冇乜特别。
继续阅读