影片
呢间餐厅食过几次，每次都好满意！特别推介呢个鲭鱼饭，同日式做法唔同，个人觉得比出面烧得更香，而且调味更丰富，系出面食唔到嘅～配上独制酱汁，好惹味👍🏻👍🏻👍🏻另外跟埋个鱼汤，鱼汤好浓郁，带微微酸甜味，个人好钟意。环境好阔落舒服，装修有少少外国风情嘅感觉，会令人放松侍应会主动问要唔要冻/暖水，冻水仲系有冰嘅水🤤呢个值得一赞的另外推介～之前试过汉堡包都好好食，好juicy结论餐厅综合食物、环境同服务系高质嘅呢个质素价钱亦十分合理，晚市人均$100都唔洗所以写个小食评鼓励一下
继续阅读
晚餐set dinner，选择有$100内的，亦有大或小份量，餐饮配滴滴咖啡，环境清静坐得舒服，味道唔错食物选择又多，平日消费$100便有免费泊车两小时，方便呀，一定会再来下次想试越式法包香煎猪腩肉配扎肉饭🌶越式滴滴咖啡☕️
继续阅读
首先见OpenRice 冇咩人讲佢平日lunch hour 竟然得小猫三四只真系好戥佢唔抵如果冇记错，当年佢开喺黄金海岸次次去都有去食！佢地staff系非常friendly 希望大家唔好吝啬值得一试 推介系越南蒙粉比起成旧水嘅芽庄 真系好食太多了猪扒捞蒙，烧到超香，个汁好正好夹！麻辣手撕鸡捞蒙，好正！个汁较到麻而不辣，好值得一试🤭平日满$100仲有free parking 2hours黎到元朗谂唔到食乜真系黎试下啦🥰
继续阅读
星期六晏就2点半嚟左食lunch叫左精选套餐入面嘅蒜香炒牛柳粒饭同招牌厨师炒饭可能见佢装修都几靓有少少期待但系食落都几失望😢先讲个蒜香炒牛柳粒饭摆盘系好靓架 ，好吸引但系味道始终先系重点 一食落去其实香草炒牛柳粒 味道有少少淡，D牛又冇牛味最大获d牛炒到好韧🥲 除咗香草同辣其他咩都唔系好食到话晒呢碟野收$128点都有少少期待呀但系食落收$68就差唔多都唔知食咗d咩至于个招牌厨师炒饭 呢个收$108可以话佢系一个好有镬气嘅豉油炒饭佢好劲豉油味，但系唔咸嘅食落好似冇咩落盐咗嘅味道好一般，又称唔上好食🫠又系最多收$68嘅水平最后呢餐饭加埋一收咗$258系食到我地火都黎一定唔会有下次完全唔值呢个价之前都有听屋苑嘅人讲过话d野偏咸可能有改进啦，但系依家我估系偏淡咗而当中有好几个明显嘅问题可以改善嘅：- 估计入嚟呢到开餐厅嘅时候又系会觉得park yoho困兽斗，冇咩餐厅拣，set贵一贵都有人食。但系正正住咗系到嘅人都习惯咗咁，所以多数唔煮饭嘅人都叫惯咗外卖，其实疫情之后我哋唔系冇选择，系更多选择，我宁愿叫外卖都未必再帮衬- 餐厅好有心，中间set咗个吧台系到，饮下野chill下，系靓嘅，但系唔知佢嘅使用度高唔高，可能呢个setting系愉景湾、马湾可能会多d人用，呢个屋苑嘅人需要平民d嘅野多过酒吧，始终地点问题唔多人会山长水远入黎饮杯嘢，入到又冇野行，可能想走特别路线，但系连食物质素都未达标准嘅话又点会得闲入去饮野- 收费贵，如果食物系好味，值呢个价都话，味道未达标仲要收得贵。一到星期六日食set要加钱，冇tea set。如果想走高级路线就要有高级水准- 呢个屋苑需要偏向价钱大众化嘅餐厅，因为外卖已帮大部份人解决三餐问题，想抢屋苑人要知道屋苑人需要咩，同埋呢到其实都成日转餐厅，执完又开，正正系好多都做唔到价钱同味道成正比希望餐厅系有改进，听屋苑人讲老板系有心做好，但系一试之下发觉仲有好多野需要改善另外一提，餐厅系细心嘅，见有枱人有小朋友，即刻拎颜色笔同纸比小朋友画，呢d细心位系睇得出有心对客人好。
继续阅读
💖 越不同 (元朗)✨元朗青山公路潭尾段18号Park Circle峻峦地下117号舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️早几日系新年期间食左呢一间餐厅，听闻佢哋系新开张。因为新年期间唔算好多人，门面比较冷清，但系服务人员仍然非常热情🧧！佢哋当时仲开咗一盒朱古力，请我哋食添🥰不过最后我脑雾唔记得咗攞走𠮶两粒朱古力😂-洋葱炒辣美国西冷牛肉片布里芝士汉堡包配薯条🍟 $168当时好后悔，冇叫多一份🙄因为真系好抵食🥳又大份又抵食！薯条份量好多，汉堡嘅超足料😋入边嘅西冷牛肉片好香牛肉味，食落有少少似肥牛嘅质感，好Juice😳芝士咸咸香香劲爆正🤭我已经想食咗好多日薯条啦！不过就系想食波浪薯条😭呢个虽然系粗薯条，但系一样脆卜卜，好好食🤤-芝麻手撕鸡配饭🐤 $98可能因为汉堡包好味d所以食落口呢个手撕鸡饭就好似比较平庸🥺比较咸少少，唔系我钟意嘅口味，鸡肉有少少鞋口，成个感觉整体食完觉得好腻🥵-冻咖啡☕️呢个冻咖啡系跟汉堡包个餐，有渐变效果，几吸睛。-炸虾片🦐新年佢哋竟然请我哋食炸虾片🤤不过个酱汁对我嚟讲有少少就辣🤣但系真系好好食，好香好脆口🤩想要继续睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐厅推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩
继续阅读