超幹線刺身 (已結業)

黃大仙有好多唔同類型嘅小店，之前特地就成日幫襯呢間超幹線。超幹線以平民價去吸引街坊客，一個燒三文魚丼飯只係$69，出面真係好少有咁平！而且飯嘅份量一啲都唔少，每一次都唔會食得哂！三文魚呢就有陣時會燒得耐左，不過整體黎講都ok!另一樣我地會叫嘅就係三文魚中卷，又係一樣唔呃秤嘅壽司選擇，次次都超大件！而且只係廿幾蚊就有4件。抵！不過留意返，佢只有外賣店，沒有堂食架～～～所以買完要快啲搵個地方食左佢/快啲返屋企享用喇～～

呢間街坊小店我成日幫襯，佢得外賣壽司無得堂食的，所以多數都係做街坊生意！佢長期有啲特價壽司$4件、$8件咁，全部都新鮮即叫即做的！推介粟米壽司、八爪魚壽司，超多餡料，次次都多到滿瀉，而且味道都夠濃！三文魚、蟹籽味道不過不失，螺頭水準一般！我反而推介太卷同其他卷物，貪佢地大件夾抵食而且味道都唔差！鰻魚壽司$8件唔算平，質素都一般，而且都比較薄！但因為附近都冇咩壽司鋪頭，所以有時好想食嘅時候都會買嚟止下癮！

個仔食到上咗癮，d飯味道剛剛好，即叫即整，平均先$4.333/件，上次成家食20件海膽+40件什錦都係$500左右，只係冇做宣傳同很久以前的評語，有點埋沒了我們食客的福利!我下次要試4人壽司餐，試完再post相？

屋企附近的外賣刺身壽司，貪方便就成日都來買。之前二十幾蚊細細舊，會切埋比我，價錢都算接受到。但近排好似加左價，呢幾片要$43，話就話好新鮮北海道空運，但真係覺得太貴。細細間鋪頭賣街坊希望可以平價。好在三文魚都算新鮮，超級市場/某啲連鎖外賣壽司店果啲冇得比，賣得咁貴都算有返個心理安慰。肉質很鮮嫩，很快嚼爛冇白色脂肪條塞牙。老闆態度很好，切同包裝都很用心，同街坊都好熟。希望價錢平啲都會多多支持。

因為某大集團於聖誕日不接受壽司外賣訂單，所以幫趁返超幹線，以前都有經常食，但無諗過變得咁差當日買左1。三文魚刺身 ﹣ 切得好薄，食落無魚味，D肉色有D怪.....好似有D螢光色 （相比起某大集團的，差好遠）2. 海膽刺身 ﹣ 面頭兩三塊幾好，但下面有幾塊係灰綠色的，仲有D吾新鮮的味3. 多款壽司 ﹣ 飯好粘，好實，上面塊肉好細舊，部份有吾新鮮的味總括黎講，非常失望， 以後都吾會再幫趁

八月三日, 除咗食 Pizza, 9 號仲特登喺樓下買咗盒刺生返嚟一齊食,今次都係第一次試佢啲刺生咋喎! 都算幾新鮮, 幾好味, 唔錯呀! 呢盒雜綿刺生約 $120, 價錢都合理呢~ 更詳細資料及圖片請看 : http://hk.myblog.yahoo.com/joycewai616/article?mid=10165

鳳凰新村只有這間買到壽司及刺身專做外賣的,壽司即叫即做試過三文魚壽司,三文魚普通,size亦不算大件,故$4件係舊區來講唔算抵個人鍾意食D壽司飯有日本醋味,用日本米令飯粒黏黏的,但這間D飯則未合心水不過都見有唔少人幫襯,店員好親切,一見有人駐足觀賞玻璃櫃的刺身,便會落力推介

四蚊件壽司,價錢尚可,其他刺身就爭少少,三文魚吾掂,吞拿魚尚可,海胆屎~仲要成九十銀,魚生飯就真係吾洗試,唯一兩樣可以試o既就係清酒同d乜乜卷(加州卷等)因為好難整得難食~haha總括來說,如果想食日本野而附近又冇得揀o既時間先至好去..上面食評話clean,個人認為絕對不clean~仲有d污漕!!!

the food are common but the place are clean la~