影片
之前间唔中都会嚟买下外卖，点知愈来愈差，经过今日直情要用不知所谓嚟形容。平时都习惯系依度嗌咗个粉先，再系隔离买个蚝饼，我嗌个阵得我同另一个客，咁我谂住蚝饼个边至少都要等十分钟，咁就拎埋先返过去。结果我返到去佢话未有，另一个就答我整紧，心谂得两个客都做唔掂？一路等，一路有之后嘅客都已经拎咗佢哋嘅野食，我就再追啦，又话整紧㖞。跟住就有另一个女仔好嬲咁走返嚟，原来人哋嗌咗个两𩠌薯粉，返到屋企发现乜𩠌都无俾。。咁啲𩠌其实都整定咖啦，个啊姐就拎住人哋个粉唔知做乜！人哋差野，系咪应该即整返啊？佢哋又好笑㖞，继续整其他单，完全无视个个女仔。到我啦，收银个个终于发现我仲未拎到我嘅野食，整个个就系咁拎另外个客个张单话系我嘅，就开始整，我就一路讲唔系我嘅。结果原来系无咗我张单🙂佢哋就一路系度揾张单，无视我企咗系度，之后我重复咗四五次我个外卖系乜，整个个仲死拎住唔系我嘅个个系度整，完全无人整我个个。我燥燥地就话系咪应该整咗我个个先？整个个就串串共话:我手上依个整先咖，整埋咪整你个个。好多单咖我都快紧咖啦。你！无！咁！嘅！能！力！就！唔！好！接！咁！多！单！啦！结果我个加钱嘅加底米线同之前一样份量，而我个蚝饼已经等到淋晒🥲
继续阅读
💛💛💛💛元朗麻辣黄店💛💛💛💛💛💛推介凉拌凉皮💛💛💛💛请支持 #黄色经济圈 💛💛尼到元朗心思思想食麻辣喺黄蓝地图揾到走鬼档~作为爱辣之人点可以放过麻辣凉拌嘅黄店！无堂食，只有外卖谂唔到食凉粉定凉皮好喺老板娘面前选择困难咗好耐都无话我最后选了凉粉，食到底发现老板娘加了凉皮比我试😭😭😭😭💛💛💛💛🥺🥺🥺🥺老板娘sooo nice and sweeet💛💛凉拌凉粉 大辣 $25好食，正常味道及唔上天水围俊记嘅四川凉拌不过都系元朗国民唔错嘅选择💛加上老板娘够哂nice💛食得开心
继续阅读
今晚外卖回家，谂住有靓靓宵夜食。叫左一碗小辣酸辣粉，点知令人好失望，系一个失望又要空肚既晚上。酸辣粉，固然要又酸又辣。稳阵起叫左小辣，真系好难食，好淡，唔酸又唔辣。完全连谭仔10小辣都无。汤底唔期望系鸡汤/高汤，但好似清水咁淡...唯一可取系送左几片娃娃菜...但由于太难食，成碗扔左落垃圾桶！系呢个饮食业冰河时期，想支持小店，但小店食物质素咁样，真系令人非常失望。呢间铺头主打「川辣」食品，然而汤底如此失手。唯有再帮衬唔会再食酸辣野，食下炸物，可能更好！愿店主见到我既意见并改进！真心，唔好食
继续阅读
平时成日经过 今日终于试到姐姐有推介 不过我就嗌左捞薯粉手撕鸡 平时捞薯粉会黏埋一注呢间个饼薯粉捞一捞底个d汁就松左酸菜同黄豆都好味既 嗌左小辣系正常辣度 个人觉得都几好食 😋大家可以一试呀
继续阅读
呢日唔洗返工, 一条友喺屋企hea爆。连晚餐(其实已到宵夜时间)都系等男友放学返来买畀我食。早排见大坑渠附近有间卖四川食品嘅外卖店开左,一直都未试过, 一于就叫男友买返来畀我试下食物主要分左炸物, 手抓饼同酸辣/凉拌粉类。我地叫左泡椒无骨凤爪, 招牌自制重庆小云吞,同埋猪耳薄千张凉拌凉粉。本来我想试招牌"真"手撕鸡的,但已卖晒好丰富泡椒无骨凤爪 ($33)Errr.. 其实我以前未食过泡椒嘅野,所以冇得比较,但呢个其实我唔系好feel到有辣味,系酸酸的~ 好开胃~凤爪都已去晒骨, 可以一啖就啪入口, 啖啖肉~面头仲有芫茜, 特别香~(如果唔中意食嘅人记得叫佢走喇)最底系切到好幼嘅青瓜丝,吸晒d酸汁, 猪耳薄千张凉拌凉粉 ($37)其实本身个粉底系$25, 我加左猪耳$7, 同薄千张$5,所以系$37。呢个好食! 够大碗!我当正餐食都够饱!酸味十足~ 岩晒我!我叫小辣, 唔太辣, 可以下次试叫中辣~凉粉上面有d毛豆, 炸黄豆同酸菜做配料~炸黄豆够晒脆, 我好中意食~酸菜都几酸~薄千张其实我唔太知系咩来, 食落似厚身豆皮咁~但我觉得好好食~吸晒d汁~份量都几多! 1d都唔小家!猪耳唔洗够一定系爽口同脆啦~佢份量都几多~ 抵食!凉粉其实我又系之前冇食过,今次第1次食, 都唔错~用来凉拌真系好夹~招牌自制重庆小云吞 ($35)呢个主要系我男友食,我食左几粒试下啦~都几抵食, 有成十几粒(我冇数确实几粒)。小云吞个皮都几滑~个馅都OK, 但略嫌唔够滑~个汤(定汁?)系酸辣粉/凉拌咁~界乎中间啦~唔系麻辣, 系酸辣来~而且都几酸下~我个人觉得OK,但男友觉得过酸,如果唔太食得酸,可以叫店主轻手D总括, 我觉得都姆好食,价钱又唔贵,我咁中意食川菜..以后一定成日食都似
继续阅读