影片
以上资料只供参考，请与餐厅确认详情
我同个仔last minute入去问仲有冇下午茶，姐姐们劲好人，仲有两分钟拿拿临我帮你入咗单先，叫咗两个餐，一个猪扒包餐配热柠水，一个星洲炒米餐配冻奶茶，以下午茶食品质素嚟讲38蚊下午茶真系超值，最主要杯奶茶系得嘅，奶茶爱好者除咗群记多一个选择！服务方面姐姐们都好细心，同细路仔讲杯柠水好热㗎，要小心d，之后又拎杯冻水嚟比佢沟冻少少，以呢个服务标准已经系喜出望外，都唔明点解咁多差评，建议大家可以试试再自行判断。
继续阅读
隔一段时间再去，有惊喜👍👍近2星期去了8次用膳，包括午餐＆晚餐，食物质素好咗，奶茶好饮，例汤唔错，晚饭小菜或午餐都好味，同初初开有分别，$55 -$58午餐 有汤+饮品+主食，好抵食，一分钱一分货，唔会过高要求，最紧要奶茶好👍
继续阅读
肉燥鸡扒饭系甜嘅都唔紧要，仲要甜到飞起，食咗两啖就顶唔顺，鸡扒又唔新鲜煎得又唔好，第一次试，都系最后一次…啲野食价格唔贵，但唔好食，服务算ok，环境唔错，都好干净，几市正。
继续阅读
冇试过依间茶餐厅，谂住试吓，食个早餐衰极都有限去到落单都正常，跟住等咗15分钟之后先同我讲其中一样材料唔够，又冇话补其他嘢俾我，咁我转左食其他。等咗一阵，阿姐攞嘢嚟，错order，又唔知枱号，来回问我几次，语气又差，自己又唔睇单。就咁队啲嘢食上嚟问系咪我嘅，我表示(?) 我点知你个兜系乜嘢嚟嘅啫，而家我返工定你返工？嘢食系正常，奶茶冇茶味成间嘢小过10个人，人就一定唔多，但系冇人知道发生咩事咁样(同场加映隔篱枱冻热饮又落错，厨房一拎出嚟呀姐就大叫边个叫左 XXX) 🤣🤣🤣🤣
继续阅读
有3件事件，令我俾呢个负评。3件事都系同一个原因: 就系个后生仔差到呕嘅态度！我唔知佢系咪太子仔，佢有份写单，但得佢可以收钱。（1）叫野食我问：转出前一丁得唔得？佢：（用一把就死嘅声同样）得….～你加钱咪得啰….我问：(心谂咩态度)加几钱？佢：…好似$5（2） 拎隔离枱碗面俾我个火腿蛋同面包嚟先，个丁面都等左阵。个丁面嚟到问系咪我叫左（佢地个个员工都劲混乱，拎住啲野食野饮周围问啲客系咪佢嗌）佢又唔俾碗面我，无啦啦放左去隔离枱，之后将隔离枱放左唔知几耐果碗转俾我咩事？？？ 仲同我讲：佢未食过架。咁你要唔要丫？我O左咀3秒望住佢，佢话：唔要整过碗啰。(其实系佢自己搞乱左2枱嘅普通公仔面同丁面)之后我要追第2个女员工，再隔左阵先嚟。(3) 埋单我企左喺counter，见佢忙紧，已经无叫佢，等佢佢隔左阵先行过嚟，佢一嚟丁劲晦气！问我: 点呀？要咩？我话: ……………. 埋单…..无论野食正常与否，我都不会再帮衬。请问而家系咩事？唔想做就唔好开门做生意啦！
继续阅读