財記辣蟹

营业中

休息中

兩年冇嚟，點知一再食返係差到冇得再差滿心歡喜，諗住嗌隻炒蟹食一開始佢話大中小得三個價錢$988、$1289，$1688然後叫我哋自己去後巷睇我叫個女侍應攞一隻中同攞一隻小俾我哋睇，但係唔知點解又有一隻再平啲$788俾我哋揀，咁因為我哋得兩個人食，所以我都諗住揀一隻細嘅我見佢攞出嚟中同小個size都冇乜分別，我就要一隻小嘅，諗住兩個人再嗌吓其他嘢食點知隻蟹唔使等5分鐘就出咗嚟完全冇諗過劏蟹同洗蟹炒埋可以快成咁之後我哋嚇咗一跳，打開個蟹蓋完全冇蟹膏，身啲肉好瘦好少，蟹鉗搣開個殼之後（比較大嘅）一隻蟹鉗啲肉仲薄過匙羹，面積亦都細過一隻匙羹向女侍應反應（不是投訴只是反應）因為知道已經劏咗嘅蟹點講都唔可以退貨所以只係想講一聲佢就話：「食隻細嘅係咁㗎啦，又唔係膏蟹！」我話但係係冇膏又冇肉喎，然後佢想再講落去，我就話：「我有影晒相，你使唔使睇吓？我俾返你睇。」就即刻擰轉面走咗去總之呢間嘢真係好差好差，永遠唔會再返嚟

2/5Beside the deep fried chilli garlic flakes, I have no idea what’s good on other dishes or this restaurant.

訂位時 被人欺騙來了呢間食 十個慘！ 今晚(2022-04-29) 去到 呢間咁嘅 （財記辣蟹） 有個 光頭 四眼 六十零歲嘅蟹伯 全程唔戴口罩！！！ 最好笑嘅係 我訂八位 佢畀張大枱我 話八人一齊坐無問題 ， 我問佢 每人罰五千係咪你畀？ 佢唔會應囉。 搞q咗好耐 先分到兩張四人枱。 食物質素麻麻。 嗰碟蒸魚腸鹹到飛起。

點解呢間冇乜食評架？！唔得，等我試下寫一篇先。今日試菜，一坐低，待應問食蟹嗎？ 一問價，中蟹價錢係$980。我冇睇過有幾大，但由於唔太肚餓，所以我想試下其他餸，所以決定唔要蟹😅我點咗咩呢？油鹽水蜆，味道可以的，但係啲蜆如果用花甲或番薯蜆會好好多。椒鹽鮮魷，魷魚新鮮，好味菜心炒牛肉，菜心同牛肉都新鮮，好耐有試過係街食的牛肉係呢個感覺蟹油炒麵，呢蟹店係要試下呢個麵的。麵炒得乾身，但我食唔到蟹油味粟米羹，呢個羹稀左少少，有進步空間。呢餐4餸一湯合共$440。份量比想像中大。整體來說，師父炒得有鑊氣。雖然係小店經營，但係感覺係有一班熟客支持。店內環境：枱數不太多，人多要訂位。如要求特別的海鮮要先預訂。咁啱見到隔離枱訂咗一條12斤的海班煮5味，$5xxx，順便拍照。老細話要預訂的。總結：適合人多聚餐。有機會再來

食小菜炒王超過癮了，味道真係好野味好香，見到隔離檯食已經好想流口水🤤只不過係比想像中還要好食😋椒鹽瀨尿蝦好大隻，肉又厚身當宵夜真係好一流尤其係送罐啤酒🍻一齊仲加正蟹都好大隻好好食最好約一群人一齊食先過癮

又到了晚餐時段，到來的它們出場；先來到一支大啤， 有炒花生配上。主菜到來了；蝦醬鮮魷，配上芹菜及紅椒絲炒得好嘢味，魷魚爽口蝦醬嘢味， 配合白飯一流。雞油豆苗，清澈油潤， 鮮嫩爽脆咬來冇渣。避風塘炒辣蟹；叫小辣能夠食出肉蟹的鮮味， 肉滿滿配上整碟香炸蒜粒及炒香蔥段，整體配合每一囗也是同樣十分回味的。完場便來個泥蜢粥，粥底食到最後都不變水質，而內附上鲜嫩泥蜢魚有三條， 它們的鮮肉煮出來粥香鲜甜，配上葱段， 好食到忘記拍照哦。

又來到這間， 每次都會叫辣蟹的， 那新鮮肉蟹配上避風塘炒的一味， 極度有惑。但今次反而叫了其他的， 也給其他的小菜一個出場機會。 加支大啤， 更是最好拍擋。它們上枱了;椒鹽瀨尿蝦皇，非一般的嘢味， 乾脆而殻肉也很入味。香煎沙追魚，冇沙的， 香脆魚味鮮甜， 還配了附帶的醬汁跟葱段一齊食， 咬著停不了。時菜帶子炒鮮菇，清爽西芹配上滿肉的帶子， 口感豐富。豉椒豆豉雞煲，來到時仲‘拃拃’聲， 香濃滑雞件， 連洋蔥青椒也不是配角。另服務員們持有一份團結精神，專業友善。

每年大年初二, 我既指定活動就係去我家姐位於cwb既公司睇煙花,當然今年亦唔例外睇完煙花後我地就去左財記食飯..我同我細家姐先行去拎位叫定野食..等長輩黎到就有得食~今次我地就無叫到蟹, 就咁叫d小菜..所有小菜味道都唔差..豉汁炒蜆, 份量多, 蜆肉都大隻用豉汁炒, 非常惹味椒鹽鮮魷/九肚魚一味2食~~2樣都炸得金黃外層香脆大蝦炒西蘭花大蝦隻隻都好大隻 非常爽口彈牙粟米魚肚非常足料..啖啖都食到配料味道亦好濃郁咁多個菜中蠔餅係最遜色既一味感覺似普通既煎蛋無左蠔餅既質感墨魚餅口感彈蝦醬豬頸肉蝦醬味重豬頸肉亦好腍好入味有粉絲做底每條粉線都沾滿蝦醬 好惹味蒸蛋呢個蒸蛋味道就唔錯，但係蒸得過左龍唔夠滑炸大腸大腸唔係好肥 , 炸得好脆

隨同事到財記辣蟹用膳，店內環境一般，午市提供廉價午市套餐，四十元一客連飲品。這碟咕嚕斑腩飯，賣相一般，甜酸汁味道調較合預期，並帶微微辣感。斑腩炸魚應剛炸起不久，口感仍見酥脆，龍脷魚肉肉質相對鬆散薄身，亦屬預期水準。

無啦啦系Groupon見到有財記既二人餐，HKD558再加一服務費，已包茶芥同埋小食，甘即係一共6百蚊到啦。一隻蟹都差不多呢個價啦，即管去試下先。我地揀左：油鹽水魚湯浸大蜆蒜蓉菜心四隻豉油皇果皮煎蝦香江避風塘炒蟹招牌豉油皇蟹油炒麵汽水油鹽水魚湯浸大蜆說好的大蜆呢？蜆有少少沙，唔可以話佢唔新鮮，但又唔夠新鮮，好彩無腥味。魚湯味完全被黑椒蓋過，整體偏咸，蜆亦食唔出原本既鮮味。粉絲普通，剪得比較碎，難於夾起。分量唔算少，但味道真係好一般。總括黎講，我覺得我自己煮既好過佢。蒜蓉菜心咸！咩事甘重手落甘多鹽？菜心炒既時間其實岩岩好，軟硬適中帶點爽脆，只可惜真係太咸啦。分量唔太多，如果鐘意食菜既可能覺得唔系好夠。豉油皇果皮煎蝦四隻蝦都幾大隻，不過都系一樣偏咸，完全食唔出有果皮味。質地雖然都叫左有彈性，但少左蝦既鮮味，佢應該系急凍蝦唔系新鮮蝦。招牌豉油皇蟹油炒麵好彩炒麵終於無偏咸啦！哈哈！普通一個炒麵囉，有落蟹油咩？唔覺wor！香江避風塘炒蟹好彩好彩好彩炒蟹系好食既。比我想象中大隻，size似平時HKD6xx個d。（之前同個waiter吹開水時，佢話有時無曬細蟹就唯有比中蟹人，唔知係咪我個d呢）我地叫

我一向都不會寫食評，但今次，實在忍無可忍。 其實，買個時都有諗，有無咁正呀，170蚊COUPON可當300蚊用，打去問了，個大叔話一樣，COUPON當錢用，天真的我便買了10張與朋友一聚。 去到要等位，無問題，大約等了15分鐘入場，個侍應叔叔仲好客氣同好NICE (起初)。 雖然我地10個人食量一般，但為了不用煩，叫了一個原價3200的12人餐(單看餐牌真的不少嘢食)。黃金蝦: 蝦細都不突止，明明我地係叫12人餐，但得10隻，好，由佢，試下味道，蝦己經不新鮮，而且蝦內不夠乾身，唔掂。豉椒炒蜆: 味道還可以，但蜆SIZE真的細到有點過份。。瑤柱蛋白炒飯: 味道淡而無味，加上，個份量我相信係5啖之內可以食完，細得可憐。蟹肉翅: 唔知點解會咁"杰"同埋好喊，同埋只有9人份量，呢次忍唔到，同個西裝呀叔講，"我地係叫12人餐，D份量好似小左啲喎"，佢O既答覆係，"餐緊嘢係有大有細家拉，一陣個D咪大份啲囉"，OK，我未食完，忍你。薑蔥油雞 : 無雞味, 而且超油。避風塘炒蟹加薑蔥炒蟹: 餐牌內的說大蟹，但我所見2隻蟹體積，只可稱為中等，我10個人食，每人都無一舊。跟住問佢，佢話"套餐唔通比千幾蚊O

食過對面橋既橋底辣蟹,味道同價錢同合理,不過人就係咁嫁呢,食開一間又想去第間試下食評:海鮮豆腐羹: 一碗仔細細碗, 淡淡地不過幾開胃海鮮雜菜煲: 雖然開胃小品, 食菜先比食肉先會令人唔會感覺咁肥膩, 但都唔使黎晒D菜先, 但D肉就...內有白菜仔同少量鮮魷, 冇乜味, 如果送辣蟹既話一流, 可惜食晒個蟹都未黎...流沙黃金中蝦: 幾好食, 蝦亦幾新鮮, 不過黃金同蝦都唔夠火候, 蛋黃唔痴殼之餘, 蝦亦有1, 2隻有D生......海鮮生既話真係好危險! 再新鮮都係假招牌辣蟹: 呢個好夠斤兩, 真係好大隻, 而且蟹肉好新鮮, 蟹肉痴殼之餘好鮮甜, 雖然只叫少辣但已經非常惹味, 椒鹽好夠火候熱邙辣脆扑扑, 淨係呢樣都夠撈晒成碗飯食, 抵讚, 不過d菜同飯隔左成個鐘呢道菜先上, 真係太慢了吧...

週四又去了，這次沒有半價團購券賣了-- 買的是團購$388 二人財記辣蟹套餐海鮮豆腐羹坐下即到，碗小，質量不好，比水只好一點。海鮮雜菜煲水準不知所謂。黃金中蝦大，肉質結實新鮮但粗製，味道麻麻。中的小的約8至10個。有小一點的無頭。比在沙田某大牌檔的差很多。招牌炒辣蟹這次看見油覺得很油膩。開始覺得蒸魚比較健康點。質量方面比較第一次來使用5折券吃店裡面$600有蟹肉魚翅的套餐差了很多。也比較曾經自點的九肚魚賴尿蝦等差。菜館開始對團購的食品粗製艦造還是總體質量下降? 前次送的$50現金券說不合團購用。在Groupon賣的團購網頁並沒有提到這一點，不知道是財記或Groupon的錯誤但也應當修改啊。而且券有效日期過團購到期日僅一天。給人不大老實的感覺。原先跟前一樣週末去，以前多次因6時15分前到(剛開店)沒有訂座，從沒有問題，這次因為有朋友要8時30分方到所以同日開店即訂座也不接受，堅持要前一天預訂，我說到時等位那女士卻說當天團購的門票限額已經滿了，在Groupon賣的團購網頁也沒有提到每天有限額，明顯地於期滿前幾天週末留座給非團購客戶。結果三人要臨時改訂另一家，當天非常好日子，很難方訂到座位。

香港人對海鮮的熱愛程度可算是數一數二，講起食蟹，大家也會想起銅鑼灣。只要行入鵝頸橋，謝斐道一帶，一陣陣辣蟹香味冲天，真的離遠也能聞到。謝斐道一帶其實還有很多出名的辣蟹店，但我們依然選擇到財記吃，是因為上個月試了他們的辣蟹套餐，吃下卻意猶未盡，念念不忘，這晚我們專程走來是為了試他們其他的菜式。辣酒煮花螺： 平時吃花螺不外乎白灼和辣酒料理方式。花螺放在鍋裡一片辣椒湯中，這辣螺是開胃菜必選，花螺有大有小，賣相相當吸引而且份量也不少。螺肉吃下豐腴細膩，味道鮮甜，螺吸收了辣椒的滋味，色澤鮮紅，辣汁和酒香完全滲進了每粒螺內，十分入味，吃下也不會過份辣。油鹽水煮蜆： 這道菜可以當成一味湯水，很喜歡它的湯底，吸收了蜆肉的鮮甜味道，蜆肉非常新鮮，吃下彈牙而不靭。火候掌握得好，蜆不會脫離殼現象，配合了粉絲同煮，粉絲吸收了湯的鮮味，十分滋味。豉汁炒蜆：炒蜆端上桌時芳香撲鼻，給的份量也不吝嗇，整碟滿滿的蜆殼和蜆肉，蜆肉非常甜美而且不會韌，豉椒味道帶著微微的辣，而且獻汁做到不會搶過蜆的鮮味，每隻蜆也黏附著香噴噴的豆瓣汁，吃下刺激味蕾，舌尖傳來的辣一直伸延到喉嚨裡，惹味十足。黃金蝦：用了新鮮的海蝦加了咸蛋黃炸香，

前言：本來係打算去附近＂橋下面＂，由於門口差不多有兩個旅行團的人數，所以選擇從來未試的財記又不太多人輪侯，心想老鋪經驗多年，差不到那裡吧，誰知…好久未食過如此差勁的小炒，難食上菜慢，菜單如下：椒鹽骨，居然係濕既，無炸過生抄，差香煎墨魚餅，居然唔係炸真係煎，腥不彈牙最離普既豉椒炒蜆，落單時伙記特登提醒＂豉汁蜆＂已經奇怪，一上枱見汁還汁蜆還蜆，原來唔係抄？！係烚熟淋汁！由於係白焯，蜆既鮮度就係重點，想當然又係腥以上係一個小時吃到的菜，未見的有涼瓜蒸鯧魚，胡椒抄蟹，避風磄抄蟹。蒸魚抄蟹一個小時都做不到不如結業算了。罷了，除消埋單走人最後去＂橋下面＂再食，重新點多樣小菜抄蟹，半小時上枱味道有水準，滿足離去