影片
营业时间
今日营业
11:00 - 23:00
星期一至日
11:00 - 23:00
以上资料只供参考，请与餐厅确认详情
相关文章
红磡开咗一间新嘅豪大大鸡扒帮衬$40以上就送一张优惠券买一送一饮品，买完豪大大鸡扒嘅我哋就决定过嚟光顾吓贡茶呢间分店呢个女人态度差到爆炸，问吓优惠券买一送一，嘅内容，叫我自己睇后面，当我哋拣嘢饮嘅时候佢都好唔耐烦，呼呼喝喝，其他人都喺度拣紧嘅时候佢就喺度追问，人哋都感觉到佢态度差佢就话，我讲声你听啫 大晒呀，使你讲啊饮杯嘢饮，要受佢气，唔想做就唔好做啦返屋企呀 叫你老板唔好做呢啲优惠，唔好同其他舖头合作，有呢啲职员真系倒米
继续阅读
我本身系附近嘅居民，有个姨姨员工做咗都好耐，服务态度又好又有礼物，整野饮速度又快效率好高！！！所以见到呢位员工每次买野饮都会开心啲。至于奶茶方面，只系饮过珍珠奶茶同奶盖绿茶，两只都好饮。奶盖绿茶可以封盖或就咁放个盖系奶茶上面，不过因为我本人钟意用吸管将奶盖同绿茶搞埋一齐再饮，通常都直接叫店员封咗佢。
继续阅读
·珍珠奶茶（全糖少冰）珍珠几好咬😋😋，份量唔多，咁样就冇咁滞👌🏻，几钟意珍珠味，使得整杯珍奶变得独特。奶茶全糖先好饮同过瘾，茶味都OK浓厚，都几提神🧋。
继续阅读
哈哈…呢期好钟意饮珍珠奶茶之前一直饮开芋香奶茶加椰果架（基本上次次都系嗌呢个饮）今日发现原来佢哋都有咖啡冻架！咁紧系要嗌啦！好钟意佢嘅口感！烟烟un Un … 好味道丫 😋😋😋 朋友都系叫佢个次次都会叫嘅水蜜桃蒟蒻⋯我觉得叫左小甜都好甜牙！ 我就麻麻哋啦！另一个朋友叫左个百香果蒟蒻⋯ 🤣🤣呢个系无得叫少甜，佢仲要叫走冰，甜上加甜丫🤣🤣笑死我⋯返到公司佢要自己加番d冰 沟返淡杯野！但呢个几好饮嘅⋯下次千祈唔好走冰啦⋯⋯
继续阅读
今日系红磡食完妈咪鸡蛋仔后，口干干，醒起附近有间贡茶，咁方便点可以唔买返杯止下渴！野饮既种类五花百门，仲可以加唔同既配料，有QQ布丁，珍珠，寒天同爱玉等，加加埋埋真系有好多选择！最后叫左杯唔普通既珍珠奶茶，佢系乌龙茶奶茶加珍珠！饮落去阵茶味真系好唔同！有好浓郁既茶香，但又唔会盖过d奶味，两者既混合真系好创新好正！加上成杯珍珠奶茶的甜度岩岩好，唔会系平时饮开果D一味死甜。同埋d珍珠的份量好多，基本上啖啖饮落去都会食到珍珠～～ 珍珠的软硬度适中，好有口感！饮完之后仲可以解左岩岩朱古力鸡蛋仔既腻，仲有已经可以当一餐，因为已经好饱喇XD顺带一提，虽然平时间唔中都会帮衬下贡茶，但感觉上呢间分店的staff态度系特别好架！XD至少佢会主动问你要几甜果D，加上又好好笑容～～～ keep it up ah~
继续阅读
您可能会有兴趣的...