賓墟餐廳

路过石硖尾见到宾墟快餐入去试下， 佢系快餐店形式，所以先畀钱，之后就等服务员送餐，叫咗个沙爹牛肉面，手打汉堡包，炸鸡髀， 沙爹牛肉面味道普通，手打汉堡唔错有诚意， 炸鸡髀炸到好脆口，D肉就超级干。…查看更多

假日同友人参观前深水埗配水库，到石硖尾先去食Lunch先，友人介绍到一间旧式茶记食-宾墟餐室，有几间分店。餐厅面积小，茶记的格局，水吧位似旧式快餐店的设计，食昼时段都几多人，刚好有卡位够4人坐。餐牌，都几多选择，见到有个午餐，全日供应，有沙嗲牛配汉堡，咁抵食即叫了。特色午餐，$46，沙嗲牛肉面配手打汉堡包。热咖啡，醒神。沙嗲牛肉面，个碗睇落细，但其实份量正常，牛肉份量适中，沙嗲味系有，但唔算好香浓又唔淡，正常水准，配埋片生菜及腍腍地嘅公仔面，呢种Hea(*不是踩)真系好有种旧茶记feel。手打汉堡包，港式汉堡，似时新果种，Size比较细个，面包有少许烘底微热脆脆地果下正，牛肉薄身但煎得香口，咬落都有少许肉汁，不俗。香葱豉油煎熙蹄肉饼饭，是日例汤，$52，友人的。菠萝泰式虾仔炒饭，是日例汤-木瓜雪耳猪骨汤，$54，友人的。食物味道正常水准，旧式的味道同感觉，重点抵食，呢个价真系冇投诉，有机再战。…查看更多

例汤好饮，即剪汉堡包好食！炒乌冬都好食！但炒碟嘢要等半粒钟有多，真系几好食都无晒心情！快餐店黎架大佬！即叫即炒，但问题系不断出晒啲外卖，熟客黎到又优先做俾佢，所以唯有祝佢继续靠熟客keep住啲生意啦，我就食完无下次！生意就想做尽，但一啲都唔识尊重咩叫先来后到，几好食都无下次！P.S.个收银阿姐系咁催隔离枱落单，真系短短几分钟催咗10次都唔止，结果人哋咪离开唔食啰，有得拣就系老板啦！…查看更多

试咗佢哋嘅星洲炒米同杨州炒饭。先讲星洲炒米啦，一入口，咖喱嘅香气喺口腔里爆发，辣度同香气平衡得啱啱好。米饭粒粒分明，唔会黏笠，配菜嘅虾米同肠仔都好有嚼劲，增添咗唔少风味。同我之前喺其他茶餐厅食过嘅相比，呢度嘅星洲炒米更重咖喱味，好似喺新加坡街头食到嘅咁正宗。再讲杨州炒饭，鸡蛋、火腿、虾仁等配料丰富，每啖都充满层次感。炒饭嘅火候掌握得好好，米饭外干内软，口感好正。但同正宗扬州菜馆嘅炒饭相比，呢度嘅可能欠缺咗一啲精致感。餐厅嘅外观就普普通通啦，典型嘅香港茶餐厅风格。下午茶餐每款$50，包明火例汤同丝苗白饭，仲送咖啡或茶，性价比都算高。小缺点就系环境有啲嘈杂，服务速度有啲慢。但总体嚟讲，呢度嘅食物味道唔错，好啱想快速食餐饱又想试下唔同地方美食嘅朋友。其实，每次食呢啲融合各地特色嘅美食，都会有种奇妙嘅感觉。好似喺星洲炒米嘅咖喱香里，我能感受到新加坡那种多元文化交织嘅活力；而喺杨州炒饭嘅味道中，又能体会到中国传统美食嘅深厚底蕴。呢啲味道，就好似喺舌尖上展开嘅一场旅行，带我游走于唔同嘅国度同文化之间，真系好有趣。…查看更多

#宾墟快餐厅 港式快餐买少见少，要做到好食就更加罕有。路过石硖尾见到呢间快餐店，门口写住鸡髀套餐好似几吸引，就决定入去试下。餐牌写住鸡下髀沙律，kfc嘅鸡下髀就系鸡槌，所以落单时都问清楚，系全只鸡髀先至叫🤪 落单要去收银买飞，再喺个位度等，然后自行取餐，传统风味十足。师傅话饮住杯嘢先，因为鸡髀系生炸要等耐啲。冻柠茶都够香，不过茶色好快就比较浊，冰佢系用碎冰，所以好快就溶晒😅生炸鸡髀就真系一绝👍 真正皮脆浴乱，食得出师傅嘅用心同功力，唔系求其是但炸到干晒或者㶶晒。好多茶记冰室都话自己系生炸，结果唔系干晒就系左沟右沟不知所谓。沙律份量都较多，系杂果沙律，仲食到有薯仔粒，好食👍成份下午茶餐连冻饮$38+2，只是路过一试，完全没有想过有如此好质素。真幸运！宾墟快餐厅石硖尾南昌街115号地舖@foodiehck2022 #港饮港食平靓正 #石硖尾美食 #港式快餐 #下午茶 #生炸鸡髀 #沙律 #冻柠茶 #少冰 #香港美食 #抵食…查看更多