影片
以上资料只供参考，请与餐厅确认详情
食家推介
招牌菜
贵麻桥做埋4月就结业🥹完之前要食多几次！【生咖喱牛脷（$97）薄饼（+10）】（$107）生咖喱系有30几种不同嘅香料制成，所以同平时出而嘅咖喱好唔同，独家嘅口味🥹再配埋薄饼点做食，一流🥹👍🏻【法式芝士薯茸焗广岛蚝（细）】（$268）有惊喜！估佢唔到好好食！细嘅有4粒大大只嘅广岛蚝，好饱满！表面有一层厚厚嘅芝士，完美做到个拉丝效果😂个薯茸好有诚意，有阵好香嘅忌帘味！正！【红酒焗带子】（$268）石纸包住上，一打开热辣辣嘅烟就冒出黎！带子共5粒，大大粒！洋葱熟晒入晒味yummy😋
继续阅读
其实一开头知道呢间嘢嘅时候，系因为见到有人话佢出年四月因为大厦重建就会结业🥹而呢度嘅咖喱听讲系老板自家制嘅，由1984年做到呢家，就揾次喺附近睇戏嘅时候嚟试吓！生咖喱牛筋腩饭 呢间店比较有特色嘅系咖喱有两款选择😋由店主自家调制嘅生咖喱口味偏辣而香口，有原味、微辣、小辣、中辣等一级级俾你拣，今次试咗小辣，比出面嘅咖喱小辣会再辣一啲，但配上白饭会忍唔住清咗碗饭🤣而牛筋腩好腍，易入口得嚟吸埋啲咖喱汁真系好夹！咖喱鸡球薄饼另一种咖喱口味会偏甜少少，加咗椰奶整体都唔会好辣，朋友就比较钟意食呢款多啲，因为奶味多啲😋薄饼烤得啱啱好，微微焦香食落脆脆地，唔会一沾咖喱汁就淋晒🤣鸡入口都几滑，唔輆口。补充一下，其实每款咖喱都可以拣米线、饭或者薄饼，可以因应个人口味而去嗌😋
继续阅读
今日同公司同事去食饭 本身午饭时间得一个人喺度做落单煮饭已经唔合理 然后想叫咖喱以外嘅嘢俾老板推却话有排等架㗎你要叫咖哩以外嘅食物要等好耐 然后局住要我哋叫其他嘢食然后老板不断系咁吹我哋食乜 明明系佢自己唔想提供其他食物，最后我哋四个人只系叫到三个餐另外叫咗嘅饮品，最后冇嚟到，明明叫柠茶变咗可乐，不知所谓买单嘅时候，由于同事有需要分单claim公数 又比个老细爆粗话我地麻烦 贴钱买难受 张单只需要写价钱又唔知写咗啲乜嘢出嚟结论; 比钱受气 几好食嘅都俾佢嘅用餐体验破坏晒
继续阅读
突然好想食咖哩同事就带我黎呢间。餐牌有生咖哩同熟咖哩拣。个人觉得生咖哩系偏似印度咖哩而熟咖哩系偏似辣嘅葡汁。加辣要小心。真系都几辣。平时三哥食5少/3少。今次加微辣都食到流鼻水自己拣咗什菜咖哩但系可惜佢除咗3粒薯仔全部都系椰菜同大白菜。同自己期望嘅印度风花椰菜薯仔萝卜有D唔同。但系都系好食嘅。个咖哩汁真系出息同事食嘅鸭肉咖哩望落都好好食同埋只猫真系好磁人。我地一座低佢就上咗黎瞓喺同事中间。最后仲要上埋我大髀继续瞓
继续阅读
一间门口挂满大红灯笼嘅咖喱专门店，感觉有啲猎奇，令人幻想中式咖喱到底会系点。今次叫左两款生咖喱，羊同埋猪膶，落完单后师傅即刻开镬煮，都算比较少见。咖喱味道的确同日式、印度有啲分别，多洋葱就有少少似巴基斯坦，但佢加埋花椒八角一齐煮，辣度都偏高，应该系老板自创嘅风格。咖喱猪膶配搭几有新意，效果我就觉得一般般。咖喱羊就做得几好，可惜𩠌嘅份量真系好少，比例可能仲少过银咖喱，连热饮开价近百蚊，定价有啲进取。虽然定价偏贵，但店内两只猫猫都非常亲切，见到每位客人都会主动打招呼，甚至会坐喺身傍陪你食饭。如果以帮衬猫Cafe嘅心态就会觉得价钱合理晒😹
继续阅读