貴香園

营业中

休息中

豬耳：系熱食所以冇咁爽口，不過味道唔錯幾入味。炸雲吞：外皮唔夠鬆脆，但系入面餡料豐富。招牌酸辣米線：湯底非常濃郁🥰酸酸辣辣超惹味🌟每次黎都會叫一碗😚沙爹米線：沙爹味一樣都好濃郁，越食越開胃🤤

外賣起碼等咗半粒鐘，拎住行去對面搭小巴，啲湯已經開始漏出嚟。返到屋企成個蓋都係油，未食已經整污糟晒雙手。再望吓原來又俾漏咗餸。第一次上網比差評。差評差評差評。😤😤😤

😋真係唔講得笑，分量大到誇張，成碗超級巨型未必食得曬。湯底有啲酸辣中帶甜（應該都係酸菜嘅緣故）。🍜米線本身有炸醬、豆芽、腐皮、酸菜…… 再另外加餸，睇自己鍾意食乜。⬇️⬇️分為幾個價格檔位💰7 ：韭菜、木耳、海帶……💰8 ：豬皮、蘿蔔、冬菇……💰9 ：豬潤👍🏻、豬大腸👍🏻、瘦腩肉👍🏻……💰13 ：豬扒、肥牛、豬軟骨👍🏻……💰15 ：豬頸肉👍🏻、竹笙、👍🏻呢啲就係鋪頭主推嘅，我加咗豬頸肉成舊幾大塊，軟嫩多汁😋

今日過來旺角, 好似好耐無幫襯佢, 今日不如又食下, 叫左個湯涼皮, 加左生菜羅白冬菇🍄‍🟫湯涼皮, 另外加左枝豆漿, 個陣已經係2点半多😅, 以為可以加3元要飲品, 店員話今日無, 要加8元😂, 我還以為係因為黃金周所以無😯 轉頭送來枝裝豆漿, 依個牌子的豆漿, 好多地方都係依個牌子😀, 又唔錯, 唔係好甜😆, 再之後送來湯涼皮, 個碗夠大😁, 但menu明明係酸辣, 但來到變左麻辣😂😅, 果然夠晒麻, 好麻🤣😂😅但食唔到辣味😳, 涼皮份量就唔係好多😅, 入面好多芽菜👍😘, 超級爽口, 羅白炆得夠淋, 不過唔係大大舊個只, 生菜就一般份量, 🍄‍🟫冬菇都唔係好多份量, 但炆得幾好味😍😚, 食緊之際, 店員再過來告訴我😆😅😁其實加3元便可以, 味道不過不失, 但食左都係有点兒口渴🤪😜😝

💟雲南小鍋酸辣米線勁好味酸辣米線，主要是酸菜的味道非常好，不會只有酸味，酸鹹調配比例剛好，湯底還有少量肉醉，BB辣大約5小辣左右，米線亦是彈牙款，整體湯底是會令人想念的味道💟脆炸鮮蝦雲吞幾乎是全蝦雲吞，新鮮熱辣炸出來~超脆，內餡蝦仁飽滿。

其實食個飯餐都係舒壓，個阿姐服務態度咁差短頭髪果個，我唔望你第二日俾人鬧？依家請人質素都咁差既咩香港，俾錢係貴香圓品唔係受你員工氣唔其實？食都唔少次，但都不會再幫親曬鬼氣。

工作來到旺角，時間倉促，來個快餐，今日來到貴香園。人頭湧湧的以為要等位，還好剛好有位！坐下見左右兩邊食客點的，就已經覺得很吸引！點了兩份，一湯一拌（拌的忘記拍照）。第一份是1號的小窩米線，應該也是他們家的熱門吧，酸辣湯辣度有好幾個選擇，吃辣的功力不高的我，只是點了個BB辣，好好吃！配料豐富，餸點了瘦腩肉份量足夠，香而不膩！另點了個拌麵，配料也是很足夠，特別愛吃他們的酸菜，爽口野味，開胃一流，吃好吃滿的，眨吓眼就整碗完成！

同朋友食一人一個餐 大家都係叫咗熱涼皮同埋酸辣湯腩肉松葉蟹棒腐皮角 貴香園涼皮（酸辣湯）$66腩肉食落口都鬆鬆軟軟 唔會好韌 而且都好有味 一啖湯 一口腩肉入口好正！蟹棒已經煮冧咗 但又唔會冧到散開一條條 所以咬落去食到蟹棒之餘又又酸辣湯嘅味腐皮角 一開始睇落都唔知係咩嚟 但食落先知 佢似腐皮魚蛋嘅味道貴香園涼皮（熟食）（酸辣湯）+蘿蔔+芝士腸$50蘿蔔都有四舊左右 食落去有老有嫩 老嘅真係食到好多蘿蔔絲 但嫩嘅蘿蔔又真係好入味好多汁 不過佢蘿蔔黑胡椒粉味都好重芝士腸都冇咩特別凍檸茶冇叫到少甜 甜咗少少今次係第二次食 感覺佢酸辣湯比起上次酸咗啲 我地都係叫 小小辣 食落其實唔係點辣 好啱我呢啲想食酸辣湯但唔敢食辣野嘅人涼粉就差少少 食到好兩三嘅舊都係黐埋一齊要自己咬開佢 不過佢涼粉嘅韌度都仲喺度而且唔係太薄最鍾意就係佢湯底 有花生 酸菜 芫荽蔥 芽菜 肉碎 咩都有啲咁 食麵又會有啲其他菜同肉嘅味道同口感另外店鋪真係迫咗啲 由其係多人嘅時候有人搭枱 好驚手踭撞到人 同埋出出入入 基本上有人埋緊單 後面又有人出緊嚟 要企係門口等人出嚟先入到去 所以要去食 最好揀少啲人嘅時候去

真係離哂譜！每次放工返屋企，選擇真係唔多！只有幾間鋪可以收11點幾，今次就選擇呢度，之次已經過來過幾次，都係叫碗米綫加一杯凍飲，次次來都要等20分鐘左右，係左右兩邊來左，你都未到！今次都係照舊，侍應姐姐係你面前落單，等左10幾分鐘，因為接近截單，佢行埋我面前，驚訝講左句我應該有幫你落單，我心諗唔會冇落，點知真係冇！😡😡😡之後先問我要咩，我重覆講左要咩！都算啦，點知個頭講完，個頭問我第二個餸要咩！你唔係mark係張紙度，又問返我轉頭！個腦唔知裝咩？我反白眼又重覆一次！等幾分鐘，終於到左！我食食下，走來問我俾現金定八達通？你真係幾厚面皮！終之呢間野真係永久blacklist!🤬🤬🤬

貴香園其實都幫襯好多次, 不過真係次次都好多人😅以往都係食米線同紅薯粉多, 今次試下涼皮先, 查實即係外面叫的寬粉, 不過好似太淋, 夾起有d碎, 下次都係食番米線同紅薯粉😚佢d羅白夠淋, 食落去有d黑胡椒味, 黑木耳絲每次我都會叫, 外面叫木耳會比雲耳, 豬潤不過不失, 唔係好爽脆, 都唔會食到好粉, 冬菇都整得夠淋, 今次都係叫番酸辣少辣, 今次酸味剛剛好, 辣就唔係太食到好強烈感覺, 如果大家喜歡食依類型的食物, 大家都可以來試下👍, 不過大家唔好諗住可以慢慢坐, 佢d店員見到你食左就會收碗🤣

呢間平時都有食，味道都好味嘅。平時堂食都ok，一般等得比較耐，不過今次叫左外賣自取帶番公司食。食食下見到有曱甴，都唔細隻，大家可以睇圖（圖三），都唔知可以點投訴😅同埋已經食左大半碗先見到😅😅其實衛生咁惡劣係未可以投訴比食環署聽？因為有證有據😅成大隻曱甴係個面入面，如果唔係我慢慢食，好可能已經有機會吞左落肚🤮🤮佢衣加拎一碗出黎都有曱甴，唔敢想象佢嘅湯底仲有幾多隻曱甴🪳好失望，錢又退唔到，餐飯又搞到食唔落，嬲又唔得，投訴又唔得🤮

自從家附近有得吃涼皮的店結業後，就很久沒吃涼皮了！是日有事剛好要到旺角，完成後我便向朋友提議去吃涼皮，朋友找到貴香園這店，滿足到我之餘，她也可以食酸辣米線。涼皮有分熱食和凍食，熱食是有湯的。我揀凍食的阿姨撈涼涼皮 ($33)，自選配料，大約是$7至$9一款，另有少數幾款分別是$13及$15。涼皮本身有炸醬、酸菜、芫茜及花生，我額外加了豬大腸 ($9)，要了小辣。撈涼涼皮的份量充足，涼皮厚薄適中，質感柔軟而不是煙韌的口感。酸辣的酸味主要來自酸菜，小辣程度都夠辣，辣得來之餘又有輕微的麻！加上炸醬，味道濃郁，花生粒增加入口的香口程度，但食到底會略略偏鹹。豬大腸軟稔入味，味道不錯！雲南小鍋酸辣米線 ($32)，有炸醬、芽菜、腐皮、酸菜、韮菜、芫茜，朋友另加錢要的兩份配料是唐生菜及牛柏葉，辣度為中小辣。我嚐了少許，也許因為有湯，中小辣的米線沒小辣的涼皮那麼辣，米線的麵質偏軟稔，但配料好充足，食完會好飽肚！貴香園的撈涼涼皮加入了炸醬，味道偏濃郁，個人喜歡它的涼皮多於米線啊！

搵位度：🌟🌟抵食度：🌟🌟🌟🌟好食度：🌟🌟🌟老老豆豆就係一碗普通嘅酸辣米線，不過今時今日香港做到普普通通嘅水平都買少見少，懷疑越來越多人飯都唔識煮就出嚟開米線舖。夠香夠辣嘅，有肉碎，可能我唔識叫啦，配料貢丸嘅水平個水平真係爭啲；大家有機會去食其他嘢送。平心而論同今時今日嘅南記比呢，佢都係好少少，又平少少，不過南記就坐得舒服啲囉。不過始終鋪仔細細，lunch遲少少去到冇位坐㗎喇，勝在個位方便囉。

有時喺旺角唔想食咁貴又唔想等咁耐位，不如試下呢間米線！份量勁大份價錢又唔貴🥰🌟沙嗲米線 $28 +雞絲$7 + 粟米餃$8原本都唔諗住寫食評，但忍唔住想分享比大家聽：📣呢度有個極高質沙嗲湯！！沙嗲湯嘅精髓出曬嚟🥹甜甜哋再加花生嘅香味🥹仲有啲肉碎咬下～飽到cls都有個想飲埋個湯嘅衝動！雞絲 - 係大嚿少少嘅雞肉，食落係雞扒/雞髀嘅滑🫶🏻唔會鞋口，份量係勁多！次次都嗌佢🤣粟米餃 -咬落粟米係甜嘅再加啲瘦肉咁，但個皮好厚🫥No next time🙈🌟酸辣米線$28 + 魚皮餃$7 + 瘦腩肉$8 平時不嬲食開呢個🫶🏻湯底嘅辣味同酸味中和得啱啱好～飲落唔會過鹹/過淡✨仲有肉碎增加口感🥹平時嗰啲要加錢先有！米線永遠都超大份😹平時外賣返屋企係分兩餐食🤣腩肉 - 食得出係豉油醃製過，不過始終因為佢係瘦肉一定點都會鞋啲～魚皮餃 - 不過不失🤣食嚟食去都係呢隻味Remarks: 餐廳仲有川菜食，見隔離枱有食酸菜魚/烤魚/其他川味小食🫶🏻可以當食川菜咁跟埋白飯，係米線之外嘅另一個好選擇✨味道：5/5性價比：5/5回訪度：100%

外賣貨不對辦，欺騙消費者金錢當天晚上叫外賣，紅薯粉加大收了本人七元但回到家時發現紅薯粉份量根本與平日一人無分別打回店內與店員溝通，他說$7根本不會有加大的份量，只是多了幾條，拒絕承擔責任也不肯退回金錢欺騙手法惡劣 請大家不要去幫襯附上米線的圖片和賬單供大家評理及參考叫午餐肉做餸 就嚟薄 ＿過張A4紙