影片
贵川星期日，作为happy weekend。紧系要训到自然醒，再去揾食。今次森仔要去食反一间满有回忆的小店。e间贵川位于旺角的米线店，系一位之前曾好fd的友人介绍。讲反个环境先，佢地方唔算大，但都叫坐得舒服。数年来，装潢也没有变，但够光猛整洁部份坐位更有梳化的感觉！食物方面，1年多没食，质素还如以前般好食。我叫酸辣小锅米线配猪颈肉，女友叫左沙嗲米线配豆扑，肉燥，冬茹。另外，我加了一客小食炸芝士丸。酸辣小锅米线配猪颈肉：酸辣汤底，我叫小辣，酸酸辣辣的十分开胃，令人食指大动。对于嗜辣的我而言，略觉得可以挑战中辣，应该会惹味更多。不过，今次个猪颈肉真系令我失望，犹如猪肉干般，又细件又干身同硬，完全没有猪颈肉应有的口感和肥美。沙嗲米线配豆扑，肉燥，冬茹：沙嗲汤底的味道不浓，亦不辣，适合清淡的朋友。豆扑，吸在汤底，就变得好好食！肉燥配米线一向都好搭配，e到亦不例外👍🏼冬茹系用鲜冬菇，所以亦都好好食，好鲜甜炸芝士丸：当天见到14蚊再以有3粒炸芝士丸就叫左。真系不得之了，外酥脆内爆芝士酱！果种口感同味道，正正正！如果系芝士控更加要黎试下！饮品方面，对我亦有惊喜，我试左新野荔枝雪泡，即系类似沙冰既质地。荔枝味好足，同时个雪泡质地，不如一般沙冰，更加软绵绵的，好好饮。不过，减肥人士一定要叫小甜。整体而言，米线店系正既，有时间我一定会去食。不过一定唔会再叫猪颈肉🙈🙈😆
继续阅读
呢间餐厅位于波鞋街，新宝戏院隔离，所以好方便。我本身就好钟意食酸辣汤底嘅米线，所以我朋友带我试呢间。呢间餐厅有多种汤底比你拣，例如系酸辣、麻辣、沙嗲、清汤和捞面等等。我叫咗酸辣汤底，就咁汤底连米线24蚊，另外每个𩠌都要加几蚊，可以加$8蚊加普通饮品一杯。 碗米线都多够食既，饮品太细杯。酸辣汤底好好食，可以拣酸但唔辣，而且汤底入面有酸菜，系好自然嘅酸辣味。但呢间餐厅太细啦，所以入亲去坐都搭枱，食食下都会比员工叫人调位，d员工冇咩礼貌，一放低筷子就问人要唔要收左碗野，好明显想赶人走，所以去呢间野要食快d！米线系好食嘅，但好受气！
继续阅读
喺旺角上完堂，晚上10点半，3个人一齐揾野食，就黎左呢间餐厅食。一黎到职员态度已经令我地对间野打哂折扣：事缘系其中一个女仔喉咙唔舒服，所以食唔落野，所以我地叫左两碗米线。有位肥肥地既女服务员见我地三个人叫左两个米线，就话要最底消费每人２０蚊，叫我地叫多个小食夹份，我就问佢：「乜而家夜晚十点半系繁忙时间咩？」同埋其实我见间铺头都无坐满人，职员就话：「系咁架啦」我个下已经燥左，但无谓同佢嘈，咁我讲左句：「等阵先再落啦」。关于饮品𠮶部份佢亦都讲得好误导，佢主动叫我地叫饮品，我问佢：「米线包埋？」佢话：「系啊！个餐包埋，加钱就有」我已经唔想同呢位服务员对话落去。之后拎左张单黎，我地叫左𠮶两碗米线加埋系６８蚊，己经超过左人均消费２０蚊（３个人即系６０蚊啦）。最令人不爽系落单后女服务员一直企喺我地隔离，想睇下我地系咪会加单。等左一阵，清汤小锅米线黎到啦！味道都算唔错，米线食落口几顺滑，汤底唔会太咸，金菇菜都好清甜，唯一败北系萝卜，唔知啲萝卜系咪用左黑椒腌，食落去竟然系觉得辣，唔单止完全盖过左萝卜本身既甜味，仲完全破坏左清汤米线既味道平衡。一样失败既配料已经令到呢碗米线fail。
继续阅读
星期五同朋友去左旺角,朋友话想食米线,经过呢间入去试下,两个人都即刻有位唔使等,入面都坐满人㖞,我地都分别叫左酸辣,我食薯粉配猪润及腐皮,朋友食米线配鸡亦及猪润,饮热柑桔蜜及热冻珍珠奶茶.等左一阵就嚟,都好大碗㖞,卖相一般,味道都一般啦,唔系好出味,唔酸唔辣既,我地叫小辣,但唔系好有辣味,个汤底的味道麻麻,配得唔多好,配料都OK,腐皮好淋好味,猪润都好淋的. 朋友的鸡亦都煎到金黄色,OK呀.我杯冻珍珠奶茶好大杯,但半杯都系泡,冇咩味的,好淡,珍珠有少少都OK的.普普通通的一餐.
继续阅读
午市尾段，本来去谭仔，见呢间有小人龙，就试吓，要撘台，叫咗酸辣薯粉，𩠌要木耳丝同冬菇，小辣（$28）好快上菜，配菜有韮菜，酸菜，芽菜，肉碎，腐竹，份量都算多，汤底几浓，薯粉粗身，几烟韧，小辣可接受，木耳丝好多，反而冬菇唔算多一只冬菇一开四，一碗得八件，即系两只，加分系冬菇几厚肉，环境坐得几迫，旺角系咁上下，侍应勤快，食完碗面几口渴
继续阅读