貳郎燒雞扒 (已結業)

踩單車買飯俾老婆食就成日都做，今晚唔打唔撞搵到呢間元朗雞扒飯堅正，雞扒同蓮藕餅都好有水準，有灣仔榮x一樣的水準，仲打算mark但重點外賣的鋪頭啦，點知7月30就玩完。第一次亦可能係最後一次。特別寫低留念

《貳郎燒雞扒》#元朗📍元朗鳳翔路33-43號鳳翔大厦地下4號舖-🔹燒雞扒雙蛋飯 $43🔹燒雞扒蓮藕餅飯 $47雞扒肉質好嫩👍🏻👍🏻 燒得都幾香 仲有d黑椒蓮藕餅都炸得幾好 值得一試整體好高分 平民小店一定支持！+$2就有冰鎮奶茶 好抵飲🤭 奶茶好滑-byT: 8.5/10

呢間餐廳個位置都算方便就脚。至於價錢方面都好低食，凍飲只加两蚊就有交易。招牌雞排飯43蚊。(雙旦，或雙腸，旦腸)自由搭配。件雞排不過不失，如果可以翠多少少就更好！加两蚊就有杯冰鎮奶茶。

工作中早餐，再去呢間食雞扒，人多又入咗最內圍嘅密封房，剛剛拖完地有點漂白水味！雞扒大奄列歐陸早餐（$32）賣相唔錯，黑椒雞扒肉嫩，辣辣地好味，奄列蛋皮薄，比較老，入面嘅火腿多，一般，茄汁豆正常、多士唔夠脆，奶醬正常，整體一般熱檸茶（跟餐）夠熱茶味濃唔澀！好味同事食：常餐蕃茄湯麵（$35）雞扒沙嗲牛肉麵（$31）五香肉丁煎強沙嗲牛肉麵（$29）熱咖啡☕️（跟餐）菠蘿油（跟餐加$5）店員勤快，上菜快手！

Just an overpriced tea restaurant which offers standard quality chicken fillets of common quality. Very small size of bowls and plates which is not enough for a lunch or dinner of a normal adult man. No wonder lots of empty seats at the peak dinner hours.

星期日去了元朗食早餐，地膽介紹呢間在體育館旁嘅茶餐廳，去到都8成滿，店員帶我哋再入一重，原來別有洞天，仲有空間！茶餐廳格局，橙色仿皮椅搶眼！早餐餐牌都係港式茶餐廳款式，不過都有啲特色，好像比較粉見嘅米通粉、稻庭烏冬（加$8😮）酸菜等！我一向喜歡試新嘢！雞扒酸菜稻庭烏冬（$39）賣相幾好，雞扒用碟另上，唔會浸湯，煎得香脆，唔乾有肉汁，雞皮已被燒得好薄，蜜糖汁香甜，加啲香辣黑椒惹味，好味！湯烏冬湯底清，烏冬真係幾滑身幾彈牙！煙煙韌韌！好味！熱檸茶：夠熱茶底濃，茶味唔澀！幾好同事食：肉丁米通粉：沙爹牛米：香腸麵：菠蘿油：凍啡走甜：冰鎮奶茶：店員好爽，落單上菜快手！出入都會打招呼！又會介紹食物（好像我問稻庭烏冬點解加咁多錢，佢拍心口講係新鮮嘅烏冬，一定好味！食物有啲特色！雞扒好味！

假日天氣太熱，不想外出吃午餐，最後選擇去了貳郎燒雞扒買了個燒雞扒讚歧烏冬加凍利賓納（轉茄湯+$4，凍飲+$2）$44，回家開冷氣做宅女。外賣用個紙袋包住件雞扒可以說是環保得黎又防止件雞扒被湯浸淋。件雞扒都幾大件，味道算係正常、黑椒味較重，但肉質都算嫩滑。茄湯讚歧烏冬的茄味唔出，有點過咸而且烏冬煮到好淋無口感。失望。極個套餐得個利賓納好飲，價錢又唔係平，應該無下次。

之前食過貳郎雞扒啲燒雞扒好野味又多汁。而且都算大份。今次試試佢既早餐，叫左沙爹牛肉米粉。味道真係一般般,啲牛肉又多筋。加3蚊有菠籮包,明顯有返叮過,熱就好熱,不過口感就差左啲。幸好,仲有冰鎮凍奶茶,水準拍得住「金鳳」,夠香夠滑。

呢間名為<燒雞扒>店…仲以為只係得小食…無諗過 係會有早餐食既…而且最平既只係廿零蚊價錢…已經有麵有腸旦…唔夠既話…加碼要菠蘿油或麥皮…都只係4蚊…算係 好抵食…朋友點左雞扒餐旦加菠蘿油…菠蘿油皮脆牛油香 …旦都算滑…午餐肉一般…而重點係雞扒…我最唔鍾意既雞皮已經唔見哂…可以見到成塊肉都沾滿哂黑椒…真係 好重口味...但好奇怪…一d都唔覺得黑椒辣…反而覺得黑椒好香口…而我點左個雞扒包加麥皮…麥皮唔算太稀…不過就覺得唔夠甜…侍應 好好人…拎左成枝錬奶比我…任我放縱咁 加加加…最重要係唔駛加$$$$$…雞扒包送到黎既時候已經一開為二…包包唔算好大個…係鬆軟型…入面有一大塊蕃茄…一大片生菜…一塊半雞扒…同少量沙律醬…簡單輕怡…餐飲加2蚊就有熱檸蜜…2塊檸檬片加十足蜜糖…好ok啦…

同朋友本來去食all day 早餐，點知塞車趕時，就轉去食個快餐式，聽聞呢到雞出名，所以就來試，今次試了個扒餐同包餐，包餐加錢可以多個麥片，扒餐就多個菠蘿油，包來了，好大個，店員好細心，幫我地分左一半看，好厚厚的有生菜，招牌雞，蕃茄，同煎過的包，好脆，雞有蜜汁同黑椒香，唔肥，脂肪少，蔬菜新鮮麥片我冇試，應該好淡，友人問了店員取煉奶加了大量才夠味扒餐有些似午餐，好大份，雞扒好大，同樣皮有蜜香同黑椒香，皮脆，內嫩，炒滑蛋，蛋滑有味，菠蘿包夠脆但不夠牛油煎到十分香口食完雞扒最好叫個檸蜜，清潤下，夠甜又下火 早餐好少像這裡，豐富又低食，質量達到中上，服務也細心，初時比了一般中間位我地，但一有卡位，就主動叫我地轉大位，細店少有的服務

年多以來偶有捧場, 就是剛過去的夏天壞冷氣, 但因喜歡吃雞扒, 還是再光顧... 不料只是隔了幾個月, 處理食物的態度會變得如此 週六晚上差不多8時, 都仍有卡位... 我如常叫了一個雞扒茄通餐...1) 先來了杯熱飲, 看見那隻洗擦得滿是黑紋的瓷杯, 我好想問, 咀應該放在那個位置喝好呢? 再望望他們從廚房拿出來的杯, 全部都一樣, 只能讚嘆, 清潔姐可能太勤奮很用力?2) 再來濃茄湯通粉, 另一失望, 怎麼廚師很忙嗎?(店子未滿喎) 有些通粉都未完全"林", 仍有少部份是硬粉狀3) 雞扒多士蛋來了, 幸好雞扒還是OK, 但那塊厚多士(也是我喜歡的食物) … 真叫人生氣… 燶到咁? 廚師無理由視而不見罷, 他從多士爐取出, 還塗上牛油, 落煉奶, 冇可能看不到多士已燶了一截, 但他都決定放上碟端出來, 心在想甚麼呢? 不是要求不要求換多士的問題了, 叫人生氣的是, 他們其實是抱著甚麼態度弄食物呢? 願意從客人的角度想一想的嗎?

看著一面倒的好評，特登黎食個早餐，既然雞扒出名，咁就要雞扒早餐無謂挑機啦。跟餐餐飲要了熱奶茶，茶十分濃，但個人比較喜歡奶多一點，這一杯有點澀口。雞扒早餐配炒滑蛋，奶油多，午餐肉。厚多士微温，煉奶牛油下得頗多，味道幾好。午餐肉薄切，粉多，麻麻。炒蛋嫩滑，仲有蛋汁，好食。但想加啲鹽同胡椒粉時，枱上啲用哂，侍應示意去隔離枱攞，並唔攞過黎囉。主角雞扒，有香草同蜜糖味，好似燒野食個種味，皮煎得好香口，雞扒大大塊啖啖肉，唯底下脂肪一大舊，好肥膩。雖然搬左去隔離間舖大左少少，但依然好迫，坐正門口位係超熱嘅，門唔閉，室內又唔夠冷氣，大熱天時食到身水身汗。

一直聽聞”貳郎燒雞扒” 食物出色，故今天終於來到一試早餐。本人一進入店舖，因為一個人已預了要搭枱，但想不到連想找一個較合適的位置也沒有，心裏已想著想離開了。現在真後悔!座位：店內實在很擠迫，相信兩枱之間只有半尺空間出入，路中心亦擺放了兩張2人枱，聽聞店內較入位置仍有座位，但當時並沒有開放。本人感到坐得很不舒適，更覺一點空間也沒有。因距離太近，被隔離枱的小孩踢了一腳，又有三名男士搭枱。因太擠迫，店員更要將本人枱上的餐具盒放在隔離枱。冷氣：店內有冷氣機，可是噴出來的卻是熱風，大熱天時在吃著熱湯麵實在難受。服務：枱面沒有餐牌，要不停叫喚店員多次才可提供。沒有提供茶水，沒有提供餐巾，沒有提供牙簽。(原來在收銀處才有，難度要客人離開時一邊行一邊抹咀一邊撩牙?食物：沙嗲牛肉的沙嗲醬汁是一粒粒的，口感及味道十分差。檸茶一點檸檬味也沒有。厚多士及奄列還可以。整體感到十分差，本人只好匆匆離開。再沒有下次！

寫了多篇試食，也是時間記錄一下自己的食記。其實帶著小兄妹，平日甜魔媽媽吃得很簡單，比較偏好蒲茶記，因為有媽媽的重要精神食糧---港式奶茶! 今晚又寫一間家附近的茶記---貳郎燒雞扒，它最近搬舖了，雖與舊址很近、招牌也沒變，但地方明顯大多了，食物也有一點改變。以往甜魔一家都愛去吃它的早餐，五一的早上一家人也再訪了，感覺～～～還是喜歡舊店多一點。其實新店有不少好處，至少地方大了，BB車也可以推進去，不似舊店一帶著車就要收起／改坐沒冷氣的室外位。而且難得裝修光猛後，價位上升不多，早餐仍是很抵食。當日就點了一份港式早餐，一份馳名的雞扒包，再加$4要多碗牛奶麥皮。港式早餐先上，是五香肉丁米配上滑蛋、腸仔，以及近日人氣食物---多士。食物與以前一樣，大部分都沒特別，最出色是滑蛋，仍舊保持嫩滑討喜，每次吃完都有意猶未盡之感。牛奶麥皮則幾香甜又滑的，為食囝囝也吞下了半碗，才加$4的確很抵。不過來到主角的雞扒包，雖然成品仍是熱暖的上檯，感覺就失色了些。始終店大了，接的單多了，應該是集合幾單一起做，不似以前即叫即整，不是最新鮮最快速的上檯。而且中間的沙律醬又多了些，感覺更加水了。十分的希望這只是偶爾的失手

星期六下晝四個人去食...望入鋪以為無晒位...點知店員話有位...跟住佢行到好入...原來仲有間房...都有成20-30個位!!! 勁!!!我唔係好餓...散叫o左個雞扒包...其他人都係食雞扒飯~ 個包又大又脆~ 雞扒真係似足港島間"榮x"...但塊皮唔夠人地咁脆...但味道唔差同埋好滑~ d沙律醬仲有d蔬菜粒~ 好味~ 老公叫o左雞扒飯加蓮藕餅~ 呢個配搭都幾得意~ 但佢話蓮藕餅都唔錯~ 不過d配菜幾辣~ 奶茶係冰震的~ 好味!!! 總括嚟講食物同服務都ok~ 會encore~