財記小廚 (已結業)

有一段時間沒來了，約了幾位舊同事來財記小館吃飯，一上來眼前一亮換了新椅子非常乾淨又舒服，望落很高檔的感覺，不過價錢郤很合理。今日點了個1. 芥菜沙鯭魚湯，超濃魚味鮮甜2. 清蒸海斑仔3. 椒鹽鮮魷，超冶味香脆4. 薑蔥及清蒸花蟹 (因為太喜歡吃蟹，所以叫了兩款口味)5. 蒜茸炒涼瓜6. 凍墨魚 (是日特別菜式)其實這店還有很多好味小菜，ex：清湯牛坑腩、胡椒豬肚雞、豉椒炒蟶子/炒蜆、蔥油雞、炸大腸等... ，想起都覺肚餓

已經來了這裡幾年 但一直都不是很多人光顧 可能因為隔壁是東x小館吧老闆娘看起來有點兇🤣 但其實挺好人的價格又不是很貴 份量很足 最喜歡風沙雞，南乳脆鱔同 生炒骨會一直再來！I've visited this place for over several years. Somehow not much people dine in here. I usually come at night, and usually it's half full, no need to wait at all. The seats are quite comfy, with a feel of dai pai dang. Perhaps because it's next to dong bo. The female boss looks abit scary to me at first but she is actually quite friendly and funny. I really love the fried chicken, pineapple pork ribs and fried

第一次寫食評...哈哈! 唔太識寫，純粹寫出個人感覺。一行10人的朋友聚會，今次去了這家「財記小廚」。首先由其2位朋友7點3去到等位，7點半有位。因為太肚餓既關係，所以一開始已經「食住等」，開初都係叫一D送酒小食，椒鹽豆腐、椒鹽九肚魚、炸大腸、小炒王、豉油王鴨舌。大部份都覺得不過不失，但炸大腸值得一提，乾爽、脆口，所以最後齊人之後一致決定再叫多次黎食。人齊之後，成班人瘋狂地咁叫餸，椒鹽瀨尿蝦、豉椒炒蜆、炸豬手、金銀蛋時菜、通菜煲、菜遠海鮮炒烏冬、豉油皇炒麵、沙拉骨、霸王雞。整體上樣樣都好好食，尤其係1.) 豉油皇炒麵，個人喜好唔鍾意食炒麵，見D朋友個個食完都話好味，口痕心態試啖，堅係好味，夠鑊氣，夠乾身，味道適中。2. )霸王雞，雞肉醃過，肉質有彈性。上枱無耐已經極速清哂。不過係菜遠海鮮炒烏冬就比較麻麻、瀨尿蝦就細隻左D...炸豬手都一般般。食既過程，不論係侍應定啤酒promoter，服務態度都好好，侍應唔會一定要啤酒promoter拎啤酒比我地，啤酒promoter又會幫手，感覺好好，唔似大排檔既感覺。個男侍應仲會向我地推介今日有咩新鮮，雖然感覺上覺得推介得既，多數都會係O個D唔太賣

找朋友一家聊聊天，又不想人家煮飯浪費時間，倒不如出街食好了。北角市政大樓的熟食中心最出名的，大概是東寶了，但實在人頭湧湧，又沒有訂檯，唯有在旁邊的財記找位。但凡這類牌檔店，都是鑊氣菜最好，簡單的點了幾個菜；沙爹牛肉粉絲煲真是銀芽多過粉絲，沙爹汁還是可以更濃稠一點，牛肉味道太輕，算了吧！魚香茄子豬扒反而幾好，玻璃芡包裹得平均，豬扒先炸後加，所以會過了火，肉質有點結實。清清地來個什菜煲，既有木耳，又有什菜、鮑片(其實是螺片)及鮮魷，蘸點少許豉油已經很惹味，用來送飯最好。其他幾個菜都是大路貨色，不提也罷，總之不會令人失望，但也不必刻意過來。

今日和一大班朋友食飯,去左北角財記小廚食飯。其中牛坑腩煲和小塘菜墨魚滑非常好食另外有個鼓椒鵝腸頭十分爽三杯雞和椒鹽九肚魚炸得非常香口而且炒蜆辣味十分足夠 非常香口

星期六，搬家後父母首次家訪。新居比舊居更大，而且有多一個洗手間，番工時間唔駛爭著用。家父亦要熟習附近環境，好使孫女出世之後幫手照顧。到晚飯時間，見父母少嚟港島區，所以點都要試一試區內名店「東寶」。「東寶」嘅魅力非同小可，雖然水準差了，但什麼時候仍然高朋滿座。「東寶」嘅橫流所及，連帶隔離嘅店舖都旺起來，「財記」便是一例。簡單的幾碟小菜，先是太座要求嘅沙拉骨。說實話，賣相並不討好。沙拉醬帶微橙色，碟旁陪襯嘅蕃茄片，寒酸地放上幾片，一點陪襯作用也沒有。可是食落肉質酥軟，肉汁豐富，味道甘香可口；霸王雞用了一些香蔥、辣椒爆香。雞肉醃得入味，而且肉質沒有失去彈性。在沒有真正天然走地雞嘅今天，帶點蔥油辣味嘅雞肉無疑是新鮮雞味以外嘅次佳選擇；魚香油麥菜及雲耳炒翠肉瓜，鑊氣是足夠的，稍嫌油膩了一點。一邊吃，一邊聽家父想當年。這是家父那一輩與子女嘅溝通方法；隔離枱一大班廿幾三十嵗嘅壯漢，一邊圍著枱玩三公，粗言穢語少不了；一邊教枱中幾名細路點樣砌牌。這是呢一代嘅溝通方法。時代不同了，筆者可能是舊式人，對這一代是十萬個不理解。埋單只是二百多一點，平均每人五十四蚊，已經有雞、有肉又有菜，在一般茶餐廳，好一點的，

昨晚(12-Jun-09)與太太兩人來到北角街市的熟食中心晚飯。我們不是去東寶，因為是即興，沒有在東寶訂枱，又不想等，所以便到隔離的財記。這財記我們都幫親了好幾年，初初以為他會沒生意而倒閉，但時間過去，他仍然活著。叫菜時間，我本來要霸王雞，但老板話今天的霸王雞不靚，建議我們要風沙雞，我心想，如果雞不靚，應該叫我們不要食雞啦，有蠱惑啦明顯！其實風沙雞是炸出來的，不一定需要使用新鮮雞便可制作，味道比較濃，就算肉質不夠鮮也不易察覺。但因為自己想吃雞，所以都要了風沙雞。而太太又唔知點解想吃賽螃蟹，她說上次也有吃，但在餐牌找不到這道菜，便直接向老板落柯打要一碟賽螃蟹，我們還向老板說明是蛋白造的，老板也點頭示意清楚，我都相信老板這麼有經驗，一定知道甚麼是賽螃蟹。我們還要了一碟炒聖子。好了，等了不多久，食物來了，眼前見到的原來不是心目中的賽螃蟹，但本著接受新事物的態度，又試下有甚麼特別。先介紹一下，西蘭花托底，炒蛋白加隻窩蛋，忘記它是賽螃蟹，賣相真的不錯。吃一口蛋白，有驚喜，原來真是有蟹絲，即是蟹肉炒蛋白，這時已經不再堅持心目中的要求了。但是最失敗的是「炒燶蛋」，令到味道有點苦。脆皮風沙雞叫做勉強合

四人到此晚飯,叫了:蒜茸蒸蟶子$78 - 用3吋長的蟶子開邊蒸,無沙,鮮甜又不腥,好!豉油王鴨舌$50 - 連舌根的鴨舌,有廿多條,算多,豉油入味,用芽菜墊底,爽口,幾好構思.金蒜爆中蝦$60 - 蝦稍炸後,用蒜茸再爆,老友說早幾晚前曾叫這小菜,覺得好食才再叫, 但今晚蝦不夠熱,亦不夠乾身,遜色很多.炸大腸$45 - 乾爽,但炸得稍為過火,還可以接受.加上3日本啤$48, 兩飯埋單$306,多了十多元,不知是否叫了一個油麥菜,因遲遲沒來而取消,但數照計有關!食物味道可以,但廚師水準不穩定,味精亦不少,看來廚師方面要加以改善才可以!