影片
食家推介
相关文章
1-6-2025（Sun）晏昼，同老公特登去葵涌广场，为嘅系前一日，喺蕉积妹（https://www.openrice.com/zh/hongkong/r-%E8%95%89%E7%A9%8D%E5%A6%B9-%E6%B7%B1%E6%B0%B4%E5%9F%97-%E5%A4%9A%E5%9C%8B%E8%8F%9C-%E7%94%9C%E5%93%81-%E7%B3%96%E6%B0%B4-r899238）食完嘢，凭收据3日内，喺葵涌广场嘅LEMMIE（https://www.openrice.com/zh/hongkong/r-lemmie-lemon-tea-%E8%91%B5%E8%8A%B3-%E6%B8%AF%E5%BC%8F-%E6%9E%9C%E6%B1%81-r820919），就可以$20.00换购一杯鸭屎香柠檬茶或苿莉柠檬茶；或喺NUTTEA，可享$5.00折扣优惠，但首先嚟医肚先，我提议嚟呢间，揾到后，就睇menu，研究咗一阵子，至理解到佢嘅玩法，由于天气热，唔想食热嘢，咁我就拣$20.00嘅粉皮，我问系咪冻？老板娘都寸寸地答只有冻。我答我就系惊热。我就继续讲，要柚子汁，𩠌就要各$10.00嘅唔辣鸡软骨同海蜇。老板娘答冇鸡软骨， 咁我就即改要螺肉，再要埋带子边。老板娘就一路执就一路问我要唔要蒜蓉？我答要。要唔要青瓜丝？我都答要。然后整好晒就盛惠$50.00。佢问我系咪堂食？我答系。佢就畀一对筷子我，我都唔问佢攞多对，因为都唔系好大兜同埋环保。我哋开动啦，所有嘢嘅口感都正常，最重要系味道捞得唔错，柚子汁一啲都唔涩，蒜蓉落得唔多但仍感觉到佢嘅存在，而佢酸中带甜，好清新，好啱热㷫㷫嘅夏天食，真系好好味，不过海蜇同带子边唔多。服务：老板娘只系答嘢食系冻𠮶时寸寸地，之后都冇乜问题，可能只系佢毫爽嘅真性情。2.8分抵食系2.7分，卫生系2.5分。
继续阅读
#好食但真系要等好耐味道几好食又大碗！但上次去到排队，人龙都几长，但系店员冇熄到外卖平台，所以一路接现场单嘅同时又做外卖单，但成间舖得一个整🤣仲要啲外卖单每次都三至四碗。同埋因为如果外卖平台超时好麻烦，所以店员不停做外卖单先做现场order。最后派咗一个钟先食到。。。。。。如果下次想食会嗌外卖自取🫡#私心推荐麻酱加辣味配料！咁样食就唔会好辣，因为一定要有少少辣先好食。#总结整体嚟讲猫面嘅味道真系唔错，但等得耐就真系需要心理准备。
继续阅读
由于对menu唔清楚所以想问问题，之后个位姨姨态度极恶劣问我地问咩，其实唔明点解态度可以咁差，所以最后冇买到，如果大家想受气就买啦 ，完全唔理解正常问个问题要比人咁黑口黑面
继续阅读
买咗个捞面，谂住同朋友share食，佢净系俾一支叉，问佢攞多一支叉，佢闹我地话咁样会令佢蚀，要我地加钱先肯俾。份量虽多，但食物质素恶劣，唔会再帮衬。大家可以唔洗帮衬。
继续阅读
记得第一次食系好惊喜！份量又多又足料！真心系又平又靓又正！💯不过食多几次之后质素就开始差咗：（份量越来越少，但呢间猫面次次去依然好多人食，去到见到好多人排队，阿姐仲话叫我哋睇到Number 先再返去，看上去都要排成半个钟，就少咗帮衬！🙏🏻不过整体嚟讲，面嘅质地弹牙，青瓜丝新鲜爽口，鸡丝鸡肾鸡软骨都系我的至爱！调味都好食！亦饱肚，只系冇第一次食咁惊艳到我！好多人话老板娘态度好差，但我觉得可能系因为多人，所以比较急，只要你谂定食咩，佢都唔会点差～😌
继续阅读