影片
港铁观塘站 A2 出口, 步行约6分钟
继续阅读
电话号码
92743075
营业时间
今日营业
11:30 - 21:00
星期一至六
11:30 - 21:00
星期日
全日休息
以上资料只供参考，请与餐厅确认详情
太好味啦，估唔到观塘又有隐世食堂，观塘猫记车仔面好好食，份量又足，系舖头入边又宽敞，重点系佢个药膳猪手好入味，绝对系出边食唔到，feel到系落足心机做，卤水鸡翼都好好食，重点系落咗少少辣酱仲好食😋
继续阅读
圣诞私人到会，我们人数虽少，只得4人份量但老板都好乐意接我们order,嘢食仲比我们自由选择，好难得。老板超好人，私人推介私房菜足料老火汤，好好饮，比起我家娘亲煮得仲好饮。瑞士鸡翼大大只，够入味。蒜蓉炒白菜，不会太老，火喉刚刚好，又不会太淋，有种家的感觉。杨州炒饭是非常足料，料多过饭，虾仁亦算多同非常爽口，落足重本，份量十足，好食过好多茶记。全部嘢食都比预期中好食同够热，份量亦好足够，真心极力推介。
继续阅读
腩汁车仔面超好味，如果太多𩠌拣唔识拣嘅话，可以试下八宝面， 款款𩠌都非常出色，另外必食药膳猪手店主推介唔错唔错，入味之余又好淋， 下次会试埋吉列虎虾， 同埋麻辣鸡尖，
继续阅读
好耐冇食过啲咁好食嘅车仔面🥰食咗清汤腩汁，汤底味道适中，唔会太咸最紧要系食完唔会超颈渴😆个鱼蛋都好好食，系童年回忆𠮶啲烟烟韧韧嘅鱼蛋😋姨姨超好人😍除咗车仔面仲食到份人情味❤️家庭小店感觉❤️❤️我附近返工通常嗌外卖多，今次第一次去堂食，姨姨啲外卖都包得好好，包装好精美。有时返工唔太肚饿，我都会叫菜底好多选择🫶🏻 价钱我都觉得好相宜🥰支龙眼水都好好饮，唔会系死甜，仲有好多粒龙眼肉😋大推！😋😋希望姨姨可以一直做🫶🏻
继续阅读
观塘隐世美味夹抵食车仔面。一行二人食咗两个车仔面，两款小食同两杯嘢饮。首先讲下车仔面:三𩠌车仔面1: 有牛柏叶，萝卜，猪颈肉河粉加腩汁。面质:河粉正常，但份量劲多，食极都食唔完😂。汤底:加咗腩汁嘅猪骨汤底都几好味。饮得出唔系浓X 宝嘅味道。饮咗啲汤都冇口渴，冇落味精，抵赞。👍🏻𩠌:1. 牛柏叶好爽，弹牙。2. 萝卜劲腍，劲入味，又冇渣，大推！👍🏻3. 猪颈肉正正常常，好食。生菜就送嘅，劲健康👍🏻三𩠌车仔面2: 有咖喱鱼蛋，萝卜，猪颈肉米线加咖喱汁。面质:米线弹牙，唔淋身，同样份量劲多，食唔晒🫣。汤底:加咗咖喱汁嘅猪骨汤底。咖喱汁好少辣。但好衬个汤底，将个猪骨汤再升华！同样冇口渴，抵赞！👍🏻𩠌:1. 咖喱鱼蛋，正常size ，弹牙，好味，大推！👍🏻2. 萝卜都系大大旧，劲腍，劲入味，索晒啲汤底同咖哩汁，又冇渣，大推！👍🏻3. 猪颈肉都系正正常常，好食。生菜都系送嘅，劲健康👍🏻三𩠌车仔面嘅份量，多到食唔晒😅。三个𩠌都好入味，但一个人都只系$50左右！小食:药膳猪手: 好重药材味，炆得好腍，好有胶质！另外，睇得出餐厅好有心思用另外一个兜装住啲药膳猪手，同车仔面分开上，唔会同车仔面嘅汤底捞埋一齐影响个味道，抵赞👍🏻脆味烧卖:炸得好脆，好热辣辣，大大粒，仲有泰式辣酱可以点埋一齐食，好味😋饮品: 杯龙眼杞子红枣水好足料，好似唔使本钱咁，龙眼肉好鲜甜，好出味，饮完想叫多一杯😂。仲有用猫猫杯🐱同猫猫匙羹，同猫记车仔面好吻合！性价比极高！返食指数: 🍗🍗🍗🍗🍗
继续阅读
您可能会有兴趣的...