影片
港铁土瓜湾站D1出口, 步行约9分钟
继续阅读
电话号码
59936664
开饭介绍
店主是爱猫之人，餐厅以猫为设计主题，如挂画及杯碟均融入猫的图案或造型，十分可爱。西日式餐点定价合理，更不时推出限定菜式。
继续阅读
附加资料
堂食20:50截单，外卖21:00截单
营业时间
今日营业
11:30 - 21:30
星期二至日
11:30 - 21:30
以上资料只供参考，请与餐厅确认详情
-
网上订座服务暂停
行过土瓜湾被门面猫壁画吸引入去，果然成间铺由墙画到餐牌都系猫踪，连杯垫都印住猫爪，猫奴实心心眼！叫咗两款主食：吉列猪扒日式咖哩饭同泡菜豚肉汤乌冬。 日式咖哩吉列猪扒饭抵赞！猪扒即炸上枱仲脆卜卜，咖哩汁捞饭偏甜日式风，免费加多饭多汁够贴心。泡菜汤乌冬酸辣够浓，豚肉片算嫩，跟餐+$5转冻英式奶茶茶味够又唔涩。我哋两杯饮品叫少甜少冰都跟足，柠茶冇苦涩味。 食物整体有水准，$171两个餐合理。最惊喜系猫主题贯彻得彻底，由吊灯到收银枱，所以餐具食物都有猫公仔坐镇，睇得出花过心思。 唯一扣分系位太逼！平日lunch time都要同隔篱枱背贴背坐，压迫感十足，搞到食得好急。建议非繁忙时间嚟，可能会坐得舒服啲。
继续阅读
星期六夜晚喺红磡揾嘢食，想健康又好味，坐得舒服啲，即刻谂起之前已经帮衬过觉得几好嘅猫庐。呢间铺头虽然叫猫庐，但唔系猫cafe，入面一只真猫都冇😂不过就有好多有关猫嘅装饰、餐具。总之，成间铺头都充满猫🐱铺头非常光猛阔落，台与台之间都算有啲空间，如果坐较靠墙边，更加自成一角，望住成幅猫猫墙，心情都relaxed啲，坐得好舒服。当晚铺头都full house，望落有唔少年轻家长带埋小朋友一齐嚟食饭，可能齐住上面嘅居民，好有小清新家庭社区饭堂feel😆嘢食方面都好多选择，样样都好吸引，非常之别致，个个餐都有好多唔同嘅嘢食咁，令人目不暇给，好想个个都试！点餐时发觉有样嘢好得意，就系每个餐附送嘅沙律、前菜同甜品都系可以拣唔要然后减$1，而如果拣意粉餐，拣多意粉又唔使加钱㗎㖞，好抵😆🌟大蚬野菜味噌汤葛丝餐 $88好好味，啲蚬好有鲜味，野菜、好多海带同埋啲滑捋捋嘅葛丝，全部索咗啲味噌汤之后都超好味，豆腐又好滑，成碗就算食到最后一啖都系觉得正嘅。沙律同前菜都系好fresh好好味嘅😋 红茶就正常，都系个lipton茶包，不过食饱饮返杯热茶系几满足嘅☺️🌟香煎挪威三文鱼意粉餐 $98 新鲜三文鱼，煎得啱啱好，仲系好嫩，好好味😋叫咗多意粉真系有比多到，男仔食都够🤣员工都十分有礼貌，整体用餐体验非常良好。食得饱又好味，又健康，价钱又非常合理，会再帮衬❤️
继续阅读
呢间餐厅以猫猫作为主题，店内嘅摆设及所用嘅餐具都系有猫嘅踪影！劲可爱！而之前食过味道觉得唔错，所以今日lunch 再来，同同事吹水食饭～除左日式定食，亦有少量西式定食，我叫左鸡扒意粉定食，定食套餐饮，沙律，前菜，小甜品。不过你可以选择走左前菜同小甜品，咁就可以每样减1蚊。因为我减肥中，所以都可以走埋佢了😂😂😂😂鸡扒煎到非常酥脆，但略嫌煎得干左少少，可能过左少少火...意粉就应该系蒜蓉炒，炒得非常香口，意粉都够弹。最后以一杯斋啡埋尾，咖啡正正常常，都饮得出系用比较好少少的豆，应该比较中焙，饮到少少nutty 味。
继续阅读
平时去开教会都要喺附近揾嘢食，其中一间系超多可爱嘢打咭嘅「#猫庐」☺️ 已经嚟过几次～～🍱🍝呢度有唔同种类嘅嘢食，日式方面有定食、咖喱、锅类等，西式嘅话就有意粉、牛肋条等扒类。大部份都系套餐，会包埋沙律、饮品同甜品。😸食物味道唔错，啲有猫样嘅碗碗碟碟都好精致，仲有一大幅猫墙😽 可惜系冇真猫比大家玩😹
继续阅读
因为个名得意，以为有猫睇就带阿囡嚟食嘢，点知入到嚟一只真猫都无， 阿囡有啲失望😂😂😂好啦！ 叫个香煎鹿儿岛黑毛猪扒饭比佢食本来想同佢share ，我专登落单要求多饭😒我不左5羹饭佢就唔比我再不😂😂估唔到佢可以食晒成碟饭仲话好好味添明太子樱花虾烟三文鱼意粉爸爸就叫左呢个意粉比左一啲我 个汁好creamy 同烟三文鱼好夹因我都明知唔够饱我叫左个蟹肉忌廉薯饼同粟米汤薯饼外脆内软 粟米汤系佢哋今日嘅是日餐汤 唔系次次都有得饮。个汤食到粒粒粟米 绝对唔系罐头汤👍🏻👍🏻个套餐包左沙律、前菜同甜品最后我连芝士蛋糕都无食到就比阿囡抢走左😂😂唔紧要 「你快乐 所以我快乐！」
继续阅读