豪隍點心生活 (已結業)

呢度既午餐真係超抵，$44蚊有飯/米線+一款點心，仲有野飲添。叫左一個豉油皇雞翼米線，佢個米線超大碗，d 米線多過譚仔成半。不過佢湯底帶點胡椒味，味道唔係太濃，講好食都係譚仔勝。雞翼居然有成四隻，食落好入味味道係唔錯，不過肉質就太老喇，嚡口。山竹牛肉球有三大粒，味道正常，不過質感稍為硬身。鯪魚餅反而有驚喜，外皮微微脆，魚肉厚身夠彈牙，充滿芫茜香。下次都係食番飯，見到好大兜，感覺應該良好d

呢間港式茶樓唔係一般嘅酒樓。今次係同一班同事食午餐，佢嗰啲點心好好食，蝦餃燒賣都好大粒，同埋佢個芝士蒜蓉春卷亦都好好食。推介嘅仲有馬拉糕同流心奶黃包，成班同事食就可以食好多點心，但係如果一兩個人食都吾洗擔心，因為呢佢蝦餃燒賣係一籠只有有兩粒，所以唔使驚叫一籠就有四粒食唔晒，另外餐廳嘅環境亦都好好，好乾淨，仲有BB椅，而且員工有禮貌，同埋午市等位都唔係好耐，我哋七個人都等左只係3分鐘就有枱啦，價錢亦都好抵！所以呢間飲茶都值得推介！

本來路過覓食時沒考慮這間店，只是看到服務員（經理？）很熱情的招呼，加上自己比較喜歡吃點心，所以才進來吃個下午茶。茶位$5/位，加一個飯/米飯&點心，才$43，算是很抵食了。點了冬菇米線，冬菇很入味，不錯。至於選配的上湯時蔬就不太滿意，建議切半好入口點。而且菜心有點老。早知道就點我最愛的叉燒包好了服務真的很好很細心，店員很親切，我還以為只能在日本看到這樣殷切的店員呢！

今日喺附近做嘢，入到mikiki食lunch， 一個人唔知食咩好就嚟呢度試下啦。 入到鋪頭侍應好快做送上茉莉花茶， 茶味清香，之後見到餐牌上有個午市套餐 $44， 有唔同種類嘅飯餸選擇， 還可以加一個點心，我就點了鳳爪排骨飯和山竹牛肉球， 鳳爪排骨飯都唔錯， 分量好大碗， 鳳爪入味， 排骨多肉少骨。 山竹牛肉球就麻麻地， 完全食唔到有牛肉嘅味， 好少牛肉球會咁難入口。食晏黎講環境都算坐得舒服， 店員嘅服務亦都好好， 茶具整潔乾淨。

公司附近新開的一間點心餐館，午餐高峰期也不用排隊，環境十分乾淨整潔，光線充足，多四人座位。精選午餐十分超值，有湯、冷盤、蒸飯和甜品，也只是$48靚湯: 粉葛煲豬骨湯味道偏淡，有少量湯渣，不錯。前菜: 陳醋木耳木耳爽口，配上陳醋酸酸的十分開胃！蒸飯: 鳳爪排骨飯份量足，鳳爪排骨十分入味，淋上甜豉油可以食完整碗白飯。最驚喜是精選甜品竟然是紫米露，甜度剛剛好，香甜軟糯，不會太濃稠！整體十分滿意，一個人午餐真的太飽。加一也只是$53，真的平。靚。正。

一個人開餐，越是吃得簡單就越好。基本上有飯有菜，就很滿足的了....點心，一向是我所好。特別是得自己一人時，一個蒸飯再加碟點心，用來填肚，剛剛好....這一間"豪隍"，發跡於尖咀厚福街中。轉眼間，分店竟開到來大商場內。裝修得企企理理的，誰說賣點心沒有前途 ?清清哋，點一個蒸飯套餐，餐內奉送例湯及油菜之外，加多十五大洋還可來碟點心。這樣的組合，對我而言就啱啱好....一小盅鱆魚蓮藕豬骨湯，裡頭的"甜"全來自味素，喝完後喉頭甚不舒般....喝了一兩口後，當然便要放棄....菜心普普通通，色水算是綠油油的....加料叫了煎蘿蔔糕。糕身不太削但蘿蔔的含量太少，粉是偏多的。糕身藏著少許的菇粒、蝦米及臘腸，論料是足的，不過有埋更多蘿蔔絲，就當然更好了....蒸飯用小缽碟上，飯粒分明不軟不過硬，說老實是頗不俗的；不過配料水平就有很大反差 ---- 肉餅乾乾的；舖面的鹹蛋黃亦有著同樣的問題。不流油的鹹蛋黃，嚴格上只可用難吃去形容；就算有不少的櫻花蝦乾在內，也難以力挽狂瀾....今天這一頓點心蒸飯餐，用來填肚的話是合格的，但從享受美食來講，就不敢恭維了....

朋友聚舊晚餐，三個套餐加錢配甜點，鯇魚好重砂糖甜味，排骨無人想掂，試左更加唔掂！雞肉特白無味，唯獨杯湯，肉餅免強過得去送下碟飯。馬拉糕不香頗甜，西米露同服務輓回少少分數，整體分數30。

酸甜醬豬頸肉，好似一陣酸餿味蝦餃好厚皮，清閒時間，侍應都無招呼腸粉ok, 燒賣蒸到出來上皮既蝦全部甩咗出嚟。炸饅頭好細粒，溫泉蛋蒸飯係全熟蛋叫咗14樣嘢，計埋＋1都係260樓，價錢係平。但唔會再幫襯第二次。