影片
同阿爸阿妈喺尖咀行完街，决定喺附近揾个地方食晚饭，难得佢地出黎，费时又返番屋企果头食啦！阿妈话想食小菜，我上网search search之后拣左呢间。打开餐牌，选择都几多，价钱亦算经济实惠，叫多几样都唔肉赤，最后每人拣左两款，好期待！先黎两个小食，口水花蛤同太爷猪手。就咁睇卖相已经感觉到啲花蛤有几新鲜，其实食材咁靓原味应该都已经唔错，师父再花左啲心思去煮成辣味，更加突出果份鲜甜，赞！而个太爷猪手爽口入味，唔会太咸，胶质好重，阿妈狂食话要补骨胶原。小菜拣左4个，唔好以为呢个青芥末牛仔粒咁潮既菜系我叫架，其实系老豆点架，佢知我钟意食牛，但平时成日都系食中式牛柳，所以就话不如搞搞新意思㖞，即刻变得好日式。牛仔粒好松化好腍，青芥末有少少攻鼻，所以食得好过瘾。阿妈见到有鲜淮山浸时蔬就双眼发光话一定要点，劲赞淮山有益，又清润又健脾胃又补气一大堆好处，叫我要食多啲。平时淮山通常都系出现喺阿妈煲既汤入面，原来食落都几爽口鲜味，加埋其他蔬菜，即刻觉得肠胃都清左。而个凉瓜菜甫煎蛋又系阿妈拣既，又系睇中 凉瓜 清热，又系咁叫我食多啲。讲真我对 凉瓜真系有啲抗拒，果种甘味就好似榴梿咁，钟意既就好钟意，唔钟意既就会劲讨厌。难得呢度炒得唔错，果种甘味同蛋香几平衡，所以我都接受到，食食下竟然觉得几好味，送饭一流。我就拣左个胡椒咸菜猪肚，平时听阿妈讲，夏天湿笠笠，个人变得湿气重，会好易攰同无黎神气，食啲辣辣地既野就最好，可以健脾同去湿。同埋呢个菜功夫比较多，我都唔想阿妈咁辛苦整比我食，一于喺度一齐食啦！猪肚爽脆、咸菜咸淡适中，加上胡椒果种浓郁辛辣，令人食唔停口。呢度仲做紧promotion，3位就送酱爆蚬介鲮鱼球，所以又多样野食。外层脆，鱼肉香，蚬蚧酱酿左入鲮鱼球入面，一咬酱汁横飞，要好小心食呢！埋单时职员问起先知原来汇丰信用卡有9折优惠，3个人除开每人只需$135，劲抵食！
继续阅读
天气差，成日落雨搞到啲天气又凉凉地，男人带左我去恰下恰下：豪火锅嘅唔豪火锅睇杂志都见过，系未黎试过，出名食象拔蚌唔贵，梗系叫返只黎食啦，一上枱，哗，层次分明，厚薄统一，以为佢细细只但点知都几多肉下，冰底够冻，象拔蚌够新鲜同爽脆，点小小日本芥辣简直一绝！仲有胆定个心，唔腥之余稔稔地又鲜甜，又另一个口感，眨下眼食碟象拔蚌食晒，跟手侍应就上个椒盐嘅，老老豆豆，你问小妹咩黎小妹就真系讲唔出，不过侍应话系个胆定个心附近嘅嘅，对于小妹黎讲，有得食好野真系话之佢系咩，净系知师傅炸到外脆内软，热辣辣，卜卜脆，嗳e see~刺身加椒盐两食只系要$498,真系好抵食！讲返滚下滚下，豪火锅啲食材又真系几豪，一啲都唔孤寒，呢碟 豪火锅牛肉拼盘，包火锅汤底一个，牛肉分别有：安格斯牛颈脊，金钱蹍，牛舌心同本地手切肥牛，底层嘅安格斯雪花均匀，放落汤度拖一拖再放落口，真系只溶喺口，金钱蹍够晒弹牙爽口，牛舌心好有咬囗，一碟牛肉都丰富晒口腔嘅口感啦～
继续阅读
寻日同啲朋友去左豪火锅打边炉，点解咁多间唔拣，拣呢间，话说个fd喺个group度分享左啲相，就系喺豪火锅呢度主打嘅象拔刺身，咁正，梗系上黎试下啦～先黎嗌返个汤底先，鸳鸯汤，麻辣汤，清汤，咩都有，岩晒唔同人唔同囗味，同埋以汤底佢都唔算贵目标：象拔蚌刺身！哗！睇见都流晒囗水！侍应叫我地可以先食左个碗果个先，好似话系胆边黎，点一囗芥辣豉油，鲜夹爽，唔好睇佢好似好肉酸，佢又真系几好味！之后就梗系象拔啦！薄薄地一片，点小小芥辣豉油，噢，人间极品！鲜甜得黎又爽囗，咬落"索索"声，真系几过瘾！眨眼间就分晒，之前侍应再上埋个椒盐胆，呢个食法几特别，外脆内软，热辣辣，几得意！做紧优惠$498,都几抵食！左边叫鬼马油炸鬼，脆身嘅油炸鬼配弹牙虾胶，点埋泰式甜辣酱，诚意推介！响铃系即叫即炸自家制，唔似般浸落汤就稔晒，仲会有半分脆囗，几好！材料精致又新鲜，唔会将货就价，而且好有弹性，任何都可以叫双拼，份量就返可以叫多啲唔同种类，正！最正系九点打后全单七折！真系要再encore!
继续阅读
成班同事Happy Friday食lunch，有人建议黎呢度，我心谂：「你个边炉精，洗唔洗连lunch都要大家陪你烚下烚下呀？！」黎到先发现，原来火锅以外仲有其他唔少选择嘅……一坐低，边炉精同事就拉住另一位同事order左个午市火锅套餐，可以喺豆腐清汤、沙嗲鸳鸯锅、咸菜猪肚锅之中拣一个，火锅配料方面有Prime级美国肥牛片、炸响铃、鱼蛋拼盘、脆鲩鱼片、珍珠蚝、鲜野菜篮同粉面，每位$128(两位起)，lunch黎讲真系好鬼死丰富。唔食火锅嘅朋友亦可以拣其他嘢，有同事点左个无骨海南鸡套餐($68)，我就叫左个日式鱼头锅套餐($68)，亦分别有人试枝竹斑头腩饭($ 28)同清汤萝卜牛腩配白饭($38)。先讲下自己个set，日式鱼头锅昆布汤底入面有日式鱼头、豆腐、香菇、金菇、娃娃菜、萝卜，再配白饭、红豆明月冰卷同热柚子蜜。鱼皮同鱼头食落好有胶质，鱼汤饮到香浓嘅味噌、昆布同鱼味，其实剩系食个锅都饱左6、7成，临尾叹埋个冰冰凉凉香甜柔软嘅甜品红豆明月冰卷，full晒！而叫左无骨海南鸡套餐个同事就话鸡件够嫩滑，啖啖肉好滋味，配埋油饭、油菜、金银菜猪肺汤、红豆明月冰卷同热柚子蜜，又系食到咀lam lam~至于叫左枝竹斑头腩饭嘅同事话，呢个系男人的浪漫、豆腐火腩饭以外同系列选择；食清汤萝卜牛腩配白饭果位同事就话，食到萝卜嘅原汁原味，牛腩软稔松化，个汤几清甜，自制成汤饭也不错~
继续阅读
天气一冻，有乜好得过约埋成班friend一齐「烚下烚下」咁过瘾？有朋友之前嚟过呢度食，话佢哋食物有水准得嚟价钱亦合理亲民，仲不时有promotion益食客，所以我哋一早book定VIP房，8个人边睇住电视、边叹美食兼吹水~首先见到呢度搞紧个优惠，$498就可以叹到加拿大象拔蚌刺身及椒盐两食（原价$888），大家一致通过要叫~两种食法一冷一热可谓各有特色，作为刺身可以食到果份新鲜同爽甜，师傅切得很薄尽显刀功；而椒盐就非常香口脆身，见到好多台都有order呢个两食，就知抵食啦~由于呢个两食实在太滋味，大家决定照办煮碗，再嚟一个章红鱼刺身及椒盐两食，章红鱼刺身突显肉质鲜美、清脆爽口有咬劲；椒盐章红鱼就炸得好松脆，香口中仍能尝到鱼嘅鲜甜~另一个相当吸引嘅promotion，就系每位只需消费满$200，即可以$1叹重庆麻辣鸡煲！浓稠嘅酱汁紧紧包住嫩滑鸡件，香辣惹味，鸡肉尽吸香料精华同酱香，极为juicy~食到尾声加汤打边炉，配埋大大杯巨无霸咸柠7，真系perfect match~火锅配料方面，首先要赞赞佢哋个广岛珍珠蚝，蚝身涨卜卜好肥美不在话下，轻灼后入口好新鲜，蚝味浓郁，真系蚝中极品；另外叫左个外面唔多地方有得食嘅冰豆腐，佢系一种表面一层层状似蜂巢嘅豆腐，唔花啲心机同时间都整唔出呢个效果，特色系呢啲小孔吸收咗汤汁同酱汁，所以食落格外美味。而美国肥牛亦做紧特价，$98大大碟，斋睇啲雪花纹分布得咁均匀，肉色鲜明，已经可以想像到有几好食~大家都抢住食，你一块我一块，肉质鲜嫩多汁，入口细致有弹性，好快就畀大家扫清光喇~手打鲜虾滑弹牙又滑身，仲见到大大粒虾肉，鲜甜程度唔洗多讲；至于瑶柱韮菜饺够晒皮薄馅靓，咬开啲料好丰富，饺子所用的猪肉全部系新鲜瘦肉，唔会食到成口油，更全无冷藏肉嘅雪味，so nice~炸响铃系近年最人气急升嘅热门火锅配料，几乎间间火锅店都有得食，而呢度嘅炸响铃酥脆无比，有朋友就咁放入口食，我就钟意挂少少汤先食，亦有人钟意浸淋晒先食，不过无论边种食法都相当滋味，又系眨下眼就无晒~仲有一个优惠，就系食满$1,000就可以$100换一碟原价$268嘅顶级安格斯牛颈脊（大），呢个promotion仲可以同其他promotion同时使用，认真难得！牛肉色泽红润，薄薄一片，放入汤内轻灼已好好味，食落质感软腍好快融，油润甘香，果然系顶级靓牛~见到个个都食得咁尽兴，真系令人回味无穷，希望快啲再约齐脚嚟叹过啦~
继续阅读