影片
呢一间茶餐厅晚市时间长期排长龙，原因除咗佢哋啲侍应服务好好之外，最重要亦都最实际就系佢啲嘢抵食夹大件，就好似今晚叫咗个四人餐，五个大人都食唔晒，严格嚟讲个餐系有五个𩠌，豉汁蒸仓鱼再加一个烧味就系紧脚，烧味你可以拣贵妃鸡、豉油鸡、烧腩仔或者烧鸭，跟住就可以拣多两个𩠌，然后佢会送一碟菜，跟餐仲有四个汤同埋四个餐饮仲有四碗白饭。今晚条仓鱼我哋拣咗豉汁蒸，烧味就拣咗贵妃鸡，另外两个𩠌就拣咗野菌红烧豆腐煲同埋粉丝杂菜海鲜煲，三个中汤一个罗宋汤，三杯热饮一杯冻饮，合共$345。个个𩠌都大碟而且味道唔错，咸甜适中而且又冇乜味精，抵食好食。
继续阅读
您可能会有兴趣的...