影片
营业时间
今日营业
07:00 - 23:00
星期一至日
07:00 - 23:00
以上资料只供参考，请与餐厅确认详情
香港有好多间茶楼但今日发现呢间茶楼系以居民为主基本没有游客所以生意非常好即使疫情也需要排队取号😂今日两个人食 大概170元性价比一般正常的味道但每个菜的分量挺大 很满足😁
继续阅读
都明个饮食难做，楼面服务好好，新年时候，餐牌选择多，唔洗硬食套餐，我地5个人叫左8样野食，有2个菜色🤢，唔推荐!避风塘大虎虾8只🤢 接近3百蚊，但系，肉质真系好霉，系唔洗咬，一放入口，合埋口已经烂，成pat野，我地初初冇留意，一人一只，大家以为自己咁岩果只唔新鲜，冇讲，到我地有人再食第二只时 (果阵已经食哂...) 再讲出黎，先知只只都系咁，睇落好大只，调味好惹味可口，但，大虾真系霉，呢碟系最难食同唔抵食... 本身想同经理讲，但屋企人先话食哂先讲... 所以提提大家，大虾既菜色唔好叫...烧汁薯仔牛仔粒🤢 牛仔粒好细粒，口感麻麻地，味道亦都一般，唔好食。好食既有❤发财好市 生菜底❤ 如果发菜再多D就更好! 好味瑶柱蛋白炒饭❤ 好有镬气，好香口，饭粒粒粒分明，唔油腻，份量十足!清蒸沙巴班仔❤ 唔算好大条，但蒸得岩岩好，豉油调味香，鱼肉肉质嫩滑鱼香茄子煲❤ 送饭一流，咸香味浓西兰花带子❤ 正常发挥~豉油鸡 半只❤ juicy嫩滑 唔肥腻
继续阅读
(回忆系列第三集)80年代小学时已经成日落红磡黄埔，当年系旺角读书，D同学仔大多数住系红磡同黄埔，所以一放假就落红磡黄埔睇戏食饭，当年仲有两间戏院，黄埔花园仲系地盘唔俾入㖭!而当年红磡湾中心对出有块临海嘅空地，对正维港系烟花景，虽然地方唔大，但好奇怪，哩个咁细细嘅海皮空地好似有种魔力，吸引你去流跶，所以当年经常同D同学朋友仔系到吹水吹到半夜，之后睇住佢填海，填到红磡码头都搬走埋! 维港美景烟花景从此消失! 而朋友同学仔亦都无再联络，我亦都无再嚟哩到浦.当时落红磡湾中心，必然会经过哩间豪宴海鲜酒家，四十多年哩个舖位都转手无数次啦! 但好奇怪，我又一次都无嚟帮衬过，于是衬今次写回忆录，就去会一会佢地.行到门口，无限唏嘘，原本系海边对到正维港，已经被半岛豪庭遮盖!推门入去帮衬，眼见嚟帮衬嘅都系老一辈街坊，点咗份椒盐脆皮豆腐，片皮鸭一食同芝士龙虾伊.椒盐脆皮豆腐最满意，哩道菜好奇怪就系...... 以前好似从来未见过哩道菜，系哩几年先突然出现，外层超脆内层又热又软滑! 好味推介!片皮鸭一食皮脆肉嫩，食哂成碟已经好饱，片皮鸭相信唔系即烧即制，当然好正常摆到冻，如果只片皮鸭有翻D温度更理想.龙虾伊失望，虾肉有D霉霉地唔够弹牙，味道亦好奇怪好似无放尿咁，芝士汁亦唔够香浓，水汪汪唔浓郁.另外头顶有部风扇，对面又有部风扇，因为冷气不足?本身只系谂住写回忆录，对D餐厅酒楼食巿无咩寄望，几经辛苦先揾到一间有片皮鸭同龙虾伊嘅酒楼，点知揾到但质素又唔多掂，可惜.(注：回忆系列系小弟揾一D系四十年前曾经帮衬过或遇见过嘅餐厅，不论好味与否，不论是否已转名转手.)
继续阅读
My dad has a habitual gathering with his friends and this place is their recent favourite. They serve tasty Cantonese cuisines with a high amount of wok hey! Elder people will love their dishes. Great place for chitchats and catch up. This was the stir fried longevity noodles with a big braised abalones. The noodles had a hint of smokiness form the wok hey, and it’s addicting. Abalone was huge and succulent. The Chinese sweet soups in this place are also very good. We like the free flow hot red bean sweet soup, and sometimes they have the sweet millet congee cooked with ginger- which is a true delight!
继续阅读
帮衬左一次，我谂未必有下次😅😅成间茶楼感觉系比老人家去坐得好迫，酒楼空间唔大，同埋系冇知客喺门口安排座位，要同啲阿姐讲你几多位，想等位。然后佢哋就会系咁喺度大嗌，边个嚟先，有边个等紧枱等等，都几混乱，如果万一遇着唔讲理既人，就好容易有争枱嘅情况出现。点心味道麻麻，冇乜边样好食，个凤爪排骨饭啲饭系偏林，不过都几足料嘅，有四五粒排骨同埋一只完整嘅凤爪(有啲酒楼啲凤爪得两只脚趾😆😆)叉烧肠，竟然系包左翠玉瓜，我自己觉得麻麻。虾饺有四粒，普通。粉果都系好普通鲜虾腐皮卷，硬硬地咁最离奇嘅系，出去埋单，张单系得金额，完全冇列出消费项目，虽然话我叫咗五个点心加两个人嘅茶钱， $120都几经济实惠，咁但系你张单都唔可以就咁出个总数㗎，工人姐姐去街市买菜叫人手写单就话啫🤷🏻♂️🤷🏻♂️
继续阅读