影片
开饭介绍
豪华咖啡茶餐装修怀旧，而且很有正宗港式茶餐厅的感觉，食物味道不俗。
继续阅读
营业时间
今日营业
05:00 - 19:00
星期一至日
05:00 - 19:00
以上资料只供参考，请与餐厅确认详情
相关文章
虽然价钱平，但可唔可以控制下卫生。一打开饭盒，赫然一个死咗嘅虫子混入酱汁里。如图所示，睇起黎𠮶虫混入酱汁有一段时间了。但因为我实在太饿，只好食旁边睇起黎无污染嘅一点点饭菜。酱汁食起黎莫名发酸，鸡翼都发酸，好像变晒质。食完之后开始有少少肚痛。真系怀著尝试怀旧餐厅嘅心情，以惊吓结束。以后唔敢再试。点解做餐厅可以咁离谱，连最基本嘅卫生都唔理。open rice都好搞笑，咁正常嘅食品甚至卫生反映，要写足200字，有无d提醒商户同食客嘅有效渠道。
继续阅读
终于去咗食历史悠久嘅豪华咖啡茶厅。好多岁月嘅痕迹，入边全部都系伯伯员工，态度好好，好殷勤，有一个游客家庭到咗仲识得讲埋普通话介绍他们的菜式，有教他们拍照。吓亲我 。😆😆🥯菠萝油：旧油好食，菠萝有别于其他茶餐厅，如图。好食，并不是那么的空气及甜腻 ，以我食咁多菠萝油嘅经验，我觉得ok 唯一略嫌佢包上的菠萝唔够多，哈哈。☕️热奶茶：好饮，茶味浓奶滑。到店的人很多都叫蛋牛多，而伯伯推介的是他们的猪扒。我睇隔篱枱，猪扒真的很像不错，下次我应该会试他的猪扒包或者猪扒面。📍湾仔茂萝街
继续阅读
开业超过半世纪嘅茶餐厅，装修保留住铁闸花砖配卡位一入去就闻到浓浓嘅奶茶香同煎蛋声，仲有阿姐中气十足嗌单，怀旧感爆灯！📻【 沙爹牛肉通粉🍜】汤底唔系普通罐头货色！用牛骨熬出嚟嘅清汤底，加埋秘制沙爹酱，浓香带微辣，啖啖挂汁劲惹味～🤤牛肉片切得薄身软嫩唔鞋口，通粉煮到啱啱好，嗦嗦声吸晒汤汁，暖胃又满足！💯【 牛蛋治 - 烘底🥪】即叫即煎嘅诚意之作！烘到金黄焦脆嘅方包，夹住半熟太阳蛋同手剁牛肉碎 将蛋浆咬开即刻流心🍳牛肉碎混住洋葱粒嘅甜，脆卜卜面包边蘸住蛋汁，咸香夹住肉香，热到烫嘴都要继续食！😍冻奶茶 ☕茶味浓到喉咙有回甘，炼奶比例刚刚好，甜而不腻～✨
继续阅读
朋友介绍黎左呢间70年历史既茶餐厅，我地去既系新铺，但装修系有点古旧feel出餐速度超快，叫完等左唔够两三分钟就有野食！自选常餐汤面：沙嗲牛+炒蛋 米粉沙嗲汁份量都多，味道正常，炒蛋唔会炒得太熟，仲有少少蛋汁，不过如果分开上就更好。西多士：已经帮我地切件，好细心！满满既牛油同练奶😍入口即溶！仲要唔贵，只系$24！推介👍🏽下次想试埋沙嗲牛治！
继续阅读
今次懒惰二人组去左湾仔,本来想去揾间面食做早餐 （其实系Brunch!) 点知行行下见到间港式茶餐厅，于是即时U turn入左去坐! 我地系去左旧店，后来我地再做资料搜集,我地先知旁边有间靓装新店。不过好彩入左旧店，点解?睇到最尾你就知！《五香肉丁面》 $26 & 《鸡扒面》 $26面底唔错，鸡扒煎得香口。五香肉丁就正常水平啦!《占酱多》 $10平时好少食咁邪恶既组合，见到有忍唔住叫个食下!多士几厚身，而且烘得几脆！《菠萝油》 $14另一邪恶之选，大大旧牛油摄响个菠萝包！懒惰虎食得好开心！《热奶茶》 $18淡左少少，唔够茶味总结，茶餐厅食既一定系情怀，见到客人都系街坊为主，呢点都系我地觉得好彩入左旧店既原因！职员会同街坊吹下水，讲下马经，各人之间既互动先系最令人回味既地方！食物味道质素算系唔错！环境整洁明亮，门口细细但入到去都好四正又唔会太迫，懒惰二人组唔知点解有种入左去东南亚咖啡店既感觉？！服务黎讲，快！ Rating： 懒惰鼠😻😻😻＋😻比情怀懒惰虎 🤩🤩🤩+0.5 📍豪华咖啡厅湾仔庄士敦道216号💰人均消费：$47⏰营业时间：5am-7pm #湾仔 #湾仔餐厅 #湾仔美食 #hkfoodie #lazifooday #hkfood #hkig #hkrestaurant #hkfoodblogger #hongkongfoodie #香港餐厅 #香港打卡 #食在香港 #茶餐厅 #打卡 #懒惰在香港 #chachaanteng
继续阅读