影片
大半年冇帮衬，今日喺隔离米线买外卖就顺便帮衬下，叫咗芝士奶盖抺茶、芝士奶盖乌龙茶、黑糖珍珠明治鲜奶。两杯芝士奶盖唔记得讲要大杯定细杯，店员又冇问我要大定细就整咗大杯（其实我想要细杯），到佢整好咗我先知，查下张单系收咗大杯价钱。芝士奶盖抺茶叫咗少甜，但竟然甜到死，似多甜！！芝士奶盖亦系甜到难以形容，明明以前叫过好多次唔系咁嘅。以前我细女最钟意饮黑糖珍珠明治鲜奶，今日饮咗两啖话好难饮，话好甜，d珍珠又痴埋一pet嘢咁，结果饮剩半杯唔肯饮，掉咗。落单嘅时候有个店员妹妹仔整紧鸡蛋仔俾客未得闲理我，另一个店员妹妹仔坐喺度笃手机好似完全睇我唔到咁冇帮我落单，等到整完鸡蛋仔个妹妹仔搞掂先帮我落单。
继续阅读
食完隔离小锅米线热辣辣即刻买杯手摇饮下，叫左🌟冬瓜茶（大杯） $20手摇黎讲算系几平，要左少冰，谂住冬瓜茶就算全糖都唔会太甜。点知。。。等左2分钟就整好啦，但甜到好似糖水，真系冇咩冬瓜味😰虽然几抵但真系冇下次😅📍象茶葵涌梨木道112号葵宝大厦地下3号舖
继续阅读
🇭🇰象茶·金桔柠檬绿茶$22同场加映我地等米线既时候 系隔离买既台式饮品😎佢味道就正正常常啦 都真系饮到个金桔味既 我地嗌左无糖个甜度就岩岩好啦 唔会太甜😌不过我自己觉得佢个金桔有啲涩 好彩佢都几解辣😌😌·#rbyeat #rby好去处#rby甜品饮品#rby葵涌 #rby油麻地 #rby火炭·📍葵涌梨木道1121号葵宝大厦地下3号舖📍油麻地文明里11-13号常安楼地下2号舖📍火炭骏洋街市地下MK25号舖
继续阅读
早几日经过象茶，见有啲口渴，又好耐无饮手摇饮品，见到佢有黑糖珍珠明治鲜奶即时心心眼仲有得拣少甜少冰添用咗明治鲜奶冲嘅甜度啱啱好，有奶香又够滑，珍珠都好弹牙，好正呀！下次经过会试下佢其他饮品。
继续阅读
今日经过去买杯绿茶多多黎饮，坦白讲我都预咗甜，因为有益力多，但我饮左等一啖之后即刻饮唔落，大佬吖！甜到吖妈都唔认得罗😒😒😒我真系无预计到好似饮糖水咁😩😩😩真系唔会再试，即使试都一定要叫少甜，今日因为呢杯野心情转差👎👎👎价钱其实算平，不过个甜度真系可以调整下
继续阅读