豚道樂 (百合苑商場) (已結業)

我同老婆由荃灣搬到而家屋企都已經有2年左右, 以前係荃灣住嘅時候星期六, 日lunch好多時都會幫襯豚道樂, 除左因為佢嘅拉麵好食之外, 裝修企理地方又夠乾淨。不過搬左之後都冇返過荃灣。今日放工都堂哥去黃埔Aeon揀完禮物俾表哥表嫂慶佢地BB出世之後, 堂哥提議去新開嘅九號水產睇下, 經過見到豚道樂係度新開左分店, 反正我地都未開飯, 當然要去試下會唔會有荃灣果間咁好食啦。😋黃埔呢間豚道樂裝修風格同荃灣果間都有少少相似, 不過呢間光線更加充足, 我地7點未到已入座, 當時客人唔多, 不過7點過後客人已經坐滿大半間餐廳。堂哥無辣不歡, 佢揀左特上辛辣味噌拉麵, 仲問店員可唔可以加辣。🙈 我就揀左特上魚介豚骨拉麵豚骨拉麵, 魚介味我超喜歡, 平時魚介沾麵我都經常食。😋特上魚介豚骨拉麵係平日限定, 好彩今日有。特上拉麵配料有豬腩肉, 豬肩肉, 紫菜同溏心蛋, 調味料有我最愛嘅芝麻。😍 我碗特上魚介豚骨拉麵嘅魚介湯底超香濃, 唔會太咸, 好惹味, 我揀左九州系直麵, 麵質軟滑又掛湯。堂哥揀果碗特上辛辣味噌拉麵我試左一啖個湯底, 真係好辣, 味噌味都濃, 佢揀嘅係札幌系曲麵, 麵質應該比細麵更

是月拉麵第二擊: 黃埔豚道樂其實我跟朋友沒吃過荃灣的豚道樂，不過豚道樂在荃灣區有一定知名度，但是黃埔新開張的豚道樂據聞比荃灣店有更多食物選擇，加上九引水產對面正是aeon，吃完晚餐正好去對面逛逛。日式拉麵店有蜜糖咖哩雞中翼供應，對於我們來說屬少見小食，大多要在韓國炸雞食店才有，好奇之下，我們點了一份蜜糖咖哩雞中翼。雞翼甜甜香香，咖哩的惹味在咀嚼雞肉的時候衝出來，雞翼皮脆肉嫩，裡面雞汁流淌不少，吃起來頗開胃。炸軟殼蟹微微酥炸感，雖經過熱油滾炸，但軟殼蟹依然保有它原本肉質軟嫰的特性，沾上旁邊附上的醒胃的沙律醬，別具滋味。值得一提這裡的蒜蜜味腩肉叉燒，肥滋滋的腩肉叉燒使用蒜蓉和蜜糖炙燒，將叉燒的肉香同時逼出來，味道完全一級棒，難以抗拒絕佳風味。我們一人一份炙燒芝士豚肉，暖綿綿，熱呼呼的豚肉上頭鋪了一片芝士，表層稍微炙燒到融化。豚肉口感爽彈，夾著紫菜，撒上七味粉，讓豚肉變得不平凡。最近都是吃蟹的好季節，豚道樂推出的特上松葉蟹海老蕃茄湯拉麵很合我的心意。松葉蟹海老蕃茄湯拉麵撒上絲絲蟹肉，洋蔥粒等，泡在熱騰騰的蕃茄湯裡，味道鮮香。品嚐一口拉麵，頓時為之驚艷，濃郁的蕃茄湯搭配曲麵與松葉蟹和叉燒，實在

黃埔花園九號水產入面新開左間拉麵店，豚道樂，原來就係荃灣店果間。未入去坐，已經被門口兩塊牌吸引住喇，分別係季節限定同平日限定嘅拉麵。我嘅平日限定拉麵：特上魚介豚骨拉麵（$98）特上版拉麵會有齊豬肩肉、豬腩肉、紫菜2片，溏心蛋半隻。拉麵有直麵及曲麵可以揀，仲有拉麵硬度，蔥同辣醬嘅選擇。先呷一啖湯，魚介味都幾濃，同豬骨湯底相輔相成。我揀左曲麵覺得都唔錯，至於辣醬就見仁見智，始終湯底夠濃味，唔洗加辣醬都可以呢。溏心蛋要讚下喇，入味，流心，真正做到溏心效果，下次單叫一隻都得！朋友嘅季節限定拉麵：特上松葉蟹海老番茄湯拉麵 （$98）雖然係朋友的，但我都有試左啖湯底，有海老味嘅番茄湯！唔錯哦！朋友話仲有啖啖蟹肉絲添！拉麵配料價錢平：牛油粟米（$10），椰菜（$10）及木耳（$5），加啲落拉麵，口感更豐富。蜜糖咖哩雞中翼（$40）咖哩味唔算突出，但蜜糖味就好香，炸得香口，小食好選擇。日式餃子（$30）煎得香口，餃子都飽滿，餡料都包得多。追加飲品：山梨桃梳打，信州蘋果梳打（各$23）呢度有好多飲品選擇，特別係日式汽水，呢兩支都幾好飲喔。

之前聽聞豚道樂拉麵都幾出名，知道剛剛進駐左黃埔，於是去一試。這裡環境好像日本拉麵鋪一張長長的枱兩邊是坐位。我點了特上日本芥末拉麵，待應介紹都是本店招牌wasabi 拉麵，拉麵湯底呈綠色，上面有半隻溏心蛋，芽菜，木耳，蔥，紫菜，芝士碎，豚肉。我第一次食芥末味拉麵，擁著好奇的心態，先試第一啖湯，只感覺到很淡芥末味湯底反而淡而無味很失望，不是想像中刺鼻同激烈。再食拉麵口感一般，拉麵同埋其他配件一齊食都怪怪的味道，成碗拉麵都食唔落，真的沒有下次，只能食加追的牛油粟米。

上咗雜誌Facebook, 未食過荃灣店，但近公司好想試下。12點半，即時有位，服務禮貌但龜速。最後三人落嘅單兩個都錯咗，揀嘅麵錯咗，要辣無辣。拉麵店，但湯底無味，完。