豚豚食堂

营业中

休息中

📍 豚豚食堂放工見到呢間餐廳餐牌好多選擇，好豐富，除咗日式火鍋，仲有定食、丼飯、拉麵，串燒同炸物💡呢排有新menu新品，仲有梳乎厘芝士蛋糕🍰—————————————————————❣️ 自選一人套餐 $95套餐好多選擇有飯有拉麵，再加一款小食！▫️豚軟骨拉麵 +$10有隻溏心蛋係面，靚又好食！拉麵麵條彈牙，豬軟骨炆得好淋，好有骨膠原！.▫️串燒雞軟骨（3串）燒雞軟骨燒得好乾身！外脆內嫩！.❣️ 照燒雞扒烏冬 $78呢個係第3浪新品上市！雞扒燒得好乾身，但係肉仲好嫩！烏冬好滑，係豬骨湯底.❣️ 芝士雞翼 $40 炸得外脆肉嫩，好juicy，一咬落去啲肉汁爆曬出嚟，好cheese .❣️ 凍蜜桃茶 +$11❣️ 凍檸檬茶+$11Order主食加錢有飲品，凍飲都有，有好多選擇！.💬 menu太多選擇，諗仲要嚟好多次先食得曬🙊—————————————————————不專業評分👅好味指數: 9/10 💰性價比: 9/10👍🏻推薦: 8/10 —————————————————————🏡地址: 豚豚食堂 (荃灣)荃灣蕙荃路22-66號綠楊坊2樓S7-8A號舖👉🏻新蒲崗北角都有分店！🕑營業時間: 11:00

最近荃灣新開左一間日本餐廳叫「豚豚食堂」聽講有丼飯、拉麵同咖哩蛋包飯，選擇多到令人心動。咁岩今個週末想帶媽媽出去食飯放鬆下，見呢間餐廳夠新鮮又近屋企，就決定黎試試佢既滋味。.我揀左一個自選一人套餐 ($95)，18款主食同12款小食任選其一，無論係拉麵、咖哩飯定丼飯都一應俱全，真係實有一款岩你口味。我點左炸雞扒奄列咖哩飯，咖哩濃郁得黎好香口，入面有好多薯仔、紅蘿蔔同肉塊，份量夠足，食落滿足感爆棚。配菜揀左自家製餃子，餃子大大粒，餡料飽滿，咬落去肉汁同菜香一齊爆出黎，媽媽話好似屋企整既餃子咁有心機。.另外單點左天婦羅魷魚 ($55)，炸得岩岩好，入口彈牙又Juicy，仲飛左油，食完吾會有油膩感，連媽媽都話好乾爽，配搭埋沙律醬汁仲有提鮮效果，幾正。.跟住試左廣島炸蠔 ($32)，一份有三隻，份量岩岩好。炸蠔外層酥脆，入面依然嫩滑，蠔味濃而不腥，咬落去仲有少少汁，簡單落d檸檬汁已經好好食，性價比都幾高。.燒牛舌 ($30) 係另一個驚喜，牛舌切得厚身，燒得外脆內軟，肉汁lock得好好，帶點炭香，食落好有咬口。.最後叫左杯熱情果梳打特飲 ($15) 解渴，清新酸甜，氣泡感夠爽，熱情果既果香好突

放工返荃灣食晚飯，經過綠楊新邨有間日式食肆唔錯喎，入嚟試吓先！😋餐廳食物都算多元化，包括有丼飯、拉麵、咖喱飯、鍋物、壽喜燒、多款小食等等，一向有選擇困難的，我叫咗個二人晚餐set🔸2人晚餐 - $242🔸包括3款小食、2款主食及甜品三款自選小食🔸自家製煎餃子🥟每客有6隻餃子，餃子底部煎得非常香脆，餃子皮薄，豬肉鮮味🔸燒牛舌每客有8塊牛舌，燒牛舌牛味道香濃，加少少檸檬汁食就更加惹味🔸牛油炒草菇牛油炒草菇一向係一個好match嘅配搭，加上蒜片炒就更加香濃2款自選主食🔸牛肉丼超爆多牛肉鋪滿成個飯，加上特製醬汁調味及洋蔥絲，牛肉味道香濃，份量勁多，食晒成個飯都仲有牛肉剩🔸黑豚拉麵黑蒜油黑豚肉拉麵，湯底黑蒜油味道非常香濃，兩大塊叉燒肉非常滿足，仲有木耳絲、筍絲及香蔥，拉麵夠彈牙甜品 （買一送一）🔸梳乎厘芝士蛋糕蛋糕口感軟綿綿，夠鬆軟，芝士味道濃得來又唔會太膩🔸朱古力蛋糕香濃朱古力味道，蛋糕夠鬆軟

餐廳好近荃灣地鐵站，行完超市就黎食晚飯。晚市有一人/二人套餐，有主食+小食，二人餐仲送甜品，抵食～👉🏻自選二人套餐+牛肉咖哩飯+親子丼（滑蛋雞肉飯）+芝士雞翼+炒魷魚鬚+北海道南瓜炸薯餅+朱古力蛋糕親子丼好味！甜甜鹹鹹嘅高湯同雞肉滑蛋好夾，而且超級大碗，食完勁飽。牛肉咖喱飯正正常常，咖喱汁好多夠晒撈飯，牛肉都唔孤寒唔會太肥。小食方面南瓜炸薯餅較出色，即叫即炸，甜味自然。朱古力蛋糕好有驚喜，好香好滑，值得encore。

滑蛋炸雞丼首選的滑蛋炸雞丼讓我驚喜不已。雞肉外酥內嫩，炸得恰到好處，滑蛋的醇厚口感與雞肉相得益彰，讓整道菜的味道更上一層樓。搭配前菜和例湯，只需加$10，真的是物超所值！熱奶茶的搭配也很合適，讓整頓飯更加完美。豚肉泡菜鍋定食湯底鮮美，豚肉與泡菜的結合帶來了豐富的層次感。再加上白飯，讓我感到非常滿足。可口可樂Zero搭配餐點也讓我在享用美食的同時感受到清爽，額外加的雞蛋則增添了口感的豐富性。燒牛舌(兩串)肉質鮮嫩，味道濃郁，是絕佳的小食選擇。

味道一般，服務一般，上菜時間都幾快，餐廳乾淨程度都一般不過，結帳時一定要check單，系統非常混亂，比錯錢冇得refund，照俾返張coupon你，然後又要逼你再食過

雜錦拉麵湯底極之難食，面質差到極點，配料唔新鮮，見到都唔開胃。午餐便當不知所謂，份量小到極點，味道差，劣食！午餐一份90幾蚊，不值，免費都唔會再食。希望不要有人中伏！

夜晚喺城門谷游泳池游完水諗住喺綠楊坊搵吓嘢食發現好多舖頭已經經過左last order行行吓見到呢間豚豚食堂仲可以入座望吓其他人嘅食評有啲好奇心，想知道其他人嘅comment係咪真就決定入去試一試這餐廳的餐單選擇豐富多樣，讓人眼花繚亂。除了可以打邊爐，還有各式定食，如丼飯、拉麵和炸物等，滿足不同口味需求。白豚拉麵麵條彈牙，牛肉壽喜燒鍋定食醬汁香濃，燒雞翼同燒雞軟骨外脆內嫩，熱情果梳打清新解渴。最神奇就係好多外國人同埋內地人喺度食

打開碗蓋，一陣熱氣竄出，伴隨濃濃的味噌湯香味，在這種微涼的溫度喝剛剛好。味噌湯以海帶、味噌現熬，鹹鮮的味噌湯一口喝下大滿足，暖胃的同時也開胃，才能裝進期待的燒鯖魚+豬肉便當。媽媽一直以來都很喜歡吃燒鯖魚，因為鯖魚肉質細緻軟嫩，油脂豐富，所以媽媽點了燒鯖魚+豬肉便當。燒鯖魚的魚肉細嫩，魚刺也不多，容易食用，魚皮酥脆，燒後的魚油濃香，燒鯖魚越吃越涮嘴，是道優秀的料理。油花豐沛的豬肉加上豚豚食堂等特調醬汁，經過熱炒引出醬香竄進肉裡，另外拌炒洋蔥增添風味，豬肉如同小山丘舖在便當上，豬肉吃進嘴裡香嫩多汁，肉香久久不散，心滿意足，大推。來到日本餐廳必會點上幾串串燒，燒雞翼2串及燒雞軟骨2串真是划算，光看燒雞翼雞皮就知道燒得多香脆，外皮帶有微焦香氣，雞肉嫩中帶彈性，還保有肉汁，主廚烤功確實不錯，燒雞翼讓人意猶未盡。喜歡啃食樂趣的，我會推薦點燒雞軟骨來吃，燒雞軟骨燒得金黃，嚼起來無敵脆彈，燒雞軟骨非常耐吃，使人一口一口接著一口，個人本身大愛燒雞軟骨的嚼勁，一大享受。炸豆腐也是我們的味兒，不過炸豆腐燙得很，千萬不能一口塞，炸豆腐炸皮薄薄酥酥的，表層與豆腐沒有分離，融合在一起，沾上鰹魚汁，炸豆腐外酥內香軟

前排去咗隨便入去嘅一間日式餐廳，餐廳感覺整潔，明亮，食物選擇多，有拉麵又有丼飯，我哋揀咗二人套，可以各選一碗主食，再加三個小食，都係200幾，平日晚上都幾多人幫襯。我揀咗一碗豬骨拉麵，湯底幾濃郁，拉麵都彈牙掛湯，拉麵配餸有厚切叉燒，好嫩嫩，半熟蛋，蛋黃流心。男朋友揀咗咖喱牛肉飯，咖喱醬汁好濃郁，問店員拎多少少醬汁都冇問題，咖喱醬配飯一流～ 另外再叫咗燒魷魚，芝士雞翼，牛舌，小食味道不過不差，都算幾好味😋

同朋友一齊嚟咗呢間日式餐廳諗住簡單食個晚餐🤣$57「豚角煮丼」：豚角煮大大件炆煮得非常軟熟，豚肉大約70%瘦肉30%脂肪，非常甘香，亦都有醬油香味🤣$48「炒魷魚鬚」：魷魚鬚🦑煙煙韌韌幾好食🤣$32「枝豆」：白烚簡簡單單又係幾好食😋$82「豚肉泡菜鍋定食」再另外價錢要咗+鳥冬 +可口可樂Zero +牛肉片「豚肉泡菜鍋」細細鍋裏邊有泡菜、豆腐、菇菌、紅蘿蔔、蔬菜等，加埋豚肉，幾好味道🤣烏冬煙韌彈牙好味😋牛肉薄切肉質軟熟🤣凍冰冰嘅可樂就梗係好飲啦🤣呢度嘅姨姨服務仲好好不停問我哋使唔使加茶🤩

今日就同朋友去咗豚豚食堂食飯餐廳環境舒適闊落, 仲有好多唔同食物款式選擇, 包括丼飯, 麵食, 串燒等自選一人套餐可以揀一款主食同小食招牌牛油拉麵成舊牛油放喺湯底到, 令到湯底更加幼滑, 拉麵麵質彈牙, 叉燒肥瘦適中自家製餃子外皮煎得香脆, 餃子餡料飽滿熱情果梳打特飲味道酸酸地好夠氣，飲落好開胃照燒雞扒+漢堡扒弁當便當入面仲沙律菜同埋粟米, 配撘麵豉湯, 照燒雞扒外皮煎得香脆, 漢堡扒肉質紮實串燒雞軟骨輕輕用咗啲鹽調味, 好有咬口

今天中午，原本打算吃嘅餐廳因為太多人，所以選擇左另一間餐廳，豚豚食堂見到餐牌而家做緊5pm 前試食價，所以叫了一個50元的滑蛋炸雞丼除咗滑蛋同埋炸雞，跟餐仲有麵豉湯、半隻蛋、同埋粟米沙律滑蛋如圖所見，其實有啲少炸雞都淨系得4舊，飯嘅份量都足夠味道方面普通，不過以$50嘅平價日式料理黎講，我覺得10分抵食，下次都會再去過

下午茶食左赤豚拉麵52蚊仲要加一熱、凍飲都要再額外收費拉麵嘅「豚肉」仲鞋過煲湯豬肉以為自己食緊木耳絲拉麵個人感覺辛辣麵杯麵好似都係更好嘅選擇總括嚟講可一不可再下次都係乖乖食返茶記或者譚仔🙏🏼🙏🏼

成餐飯唔夠三十分鐘，坐底叫完嘢五分鐘到，啲嘢未食曬個碗重有一舊問都唔問就收左佢，然後杯水又收埋，重有碟餃子都未食完，前後應該廿零分鐘，我知門口排隊等位，但都唔係未食曬就收左個客啲嘢，重要問都唔問