豚王 (PopCorn 1)

营业中

休息中

湯底偏鹹同重味當日13:15落單兩碗豚王拉麵等到13:40先有，全店3枱客，因為剛落貨所有人包括煮麵的工作人員要出晒店面交收，因此無人煮麵，所以大家都呆坐，呢樣有少少奇怪

今日去咗豚王拉麵🍜，試下佢哋嘅原味豚骨湯底拉麵，仲加咗隻溏心日本蛋，真係好正！湯底濃郁得嚟唔會太膩，仲帶住啲骨香，食落去好有滿足感。日本蛋仲係溏心，切開嗰陣流出嚟嘅蛋黃同拉麵一齊食，簡直係天作之合😍除咗原味，仲試咗佢哋嘅限定王—蕃茄湯拉麵，番茄湯酸酸甜甜好足料，食落去好清新，仲加咗一大塊紫菜同竹筍，好豐富！小食方面，我哋叫咗韭菜餃子🥟同炸豆腐。韭菜餃子皮薄餡靚，韭菜味好香，炸豆腐外脆內軟，好香口！飲品就嗌咗豚王金之麥茶，好清香。

🌶️赤王秘製醬汁用麻油做基底，特製嘅香辣醬油，配上慢慢熟成嘅味噌🔥加入熱湯，味噌嘅層層味道就慢慢釋放嚟，香味誘人。🐷豚王選料講究，用咗日本嘅老方法嚟熬湯，每日都要用十幾個鐘慢慢熬成🥰熬出嚟嘅豚骨湯底又鮮又香，比起普通嘅豚骨湯底更濃郁。麵條掛汁，口感爽滑。🥚溏心日本蛋必定追加！半流心蛋黃，甘香嫩滑😙😙雞蛋浸泡醬汁後，濃厚入味。🐤唐揚炸雞熱辣辣，入口外脆里嫩，炸雞嫩滑多汁。#將軍澳美食

遊日回港，就是改不了對拉麵的熱愛，星期六就拉著bff 到豚王吃拉麵。這家店的拉麵味道，真的非常正宗及傳統，和我在日本吃到的，基本上是一模一樣，所以食客很多。星期六的那天，食客實在太多，幸好餐廳佔地大，很快就能入座。餐牌有5款拉麵，包括：原味豚王、黑王、赤王及翠王拉麵，而盛豚王與勁辣的盛赤王拉麵就是最新推出，另外，還有多款日本小吃，如：吉列魚柳、吉列炸蝦、唐揚炸雞、炸豆腐、炸蔬菜薯餅等。盛豚王內裏附有味肉，而且肉及紫菜的份量都是加倍，湯底味道濃厚不油膩，有滿滿豬豬骨香，非常鮮味；「盛」已包括了腩肉及肩肉，腩肉軟滑甘香，肩肉口感較結實；麵條我選了普通硬度，入口爽身彈牙，掛湯後超讚。盛赤王赤王同樣附有味肉，以及加倍肉及紫菜的份量，湯底是以麻油研製而成的鮮味香辣醬油，再混以起成味噌，入口時麻油及味增味道挺濃，而辣度比想像高，喝後整個人都暖暖的，冬天吃這個真心不錯，但怕辣的不建議選擇。唐揚炸雞及豚王餃子王炸雞送上來是剛炸起，熱辣辣的，外脆內嫩，肉汁豐富，推介！豚王餃子王皮薄，外層煎得非常香脆，肉餡量適中，多汁，味道不會過鹹。

𓄳 𓄳 𓄳豚王自2010年於中環創立，一直提供最正宗的日本豚骨拉麵外，還經常推出新口味和菜式。最近，招牌「豚王」拉麵與香辣「赤王」拉麵同時升級成「盛豚王」與「盛赤王」！店子還推出多款日本風味小吃，如吉列魚柳、吉列炸蝦、唐揚炸雞、炸蔬菜薯餅等，務求令客人吃到更豐富多元的菜式。 𓂑盛豚王 $112新発売！招牌「豚王」升級版本。每碗均附味玉、加倍的肉和紫菜。濃而不膩的湯頭，加上滿滿的配料，一貫濃厚，雙倍滋味。必點推薦！𓂑 赤王 $98赤王的秘製醬汁香辣惹味，向來都非常多捧場客。以麻油研製而成的香辣醬油加上熟成味噌，湯頭濃郁具層次感。辣度其實偏向香辛的惹味而並非麻辣，即使不能太吃辣的朋友也可嘗試一下。𓂑豚王餃子王 $42餃子王有韭菜和椰菜兩款口味，一碟有五隻。外皮煎得金黃漂亮，餃子皮帶點煙靭，皮薄餡靚，個人私心推薦。𓂑豚王金之麥茶 $20金之麥茶香醇清新，是解膩佳品。不喜歡喝汽水的朋友可試試。屹立香港多年，豚王拉麵獲得不少獎項外，更重要是他們在香港拉麵界樹立了良好的口碑。想吃濃厚而不油膩的豚骨拉麵，豚王必定榜上有名。𓄳 𓄳 𓄳

其實一碗拉麵呢個份量都幾貴，第一次食佢呢個拉麵我揀咗赤湯，辛辣3，除咗有蔥同海帶其他配料大部份都要加錢，本身個拉麵一隻蛋都冇，要加19蚊先有一隻糖心蛋，枱凳一定唔舒服，諗住好好食啦，上到嚟我覺得超級鹹，份量唔多，加左42蚊5隻水餃，喺香港食拉麵真係好貴，食完都唔夠飽

收工去食都幾近地鐵站🚇🚇豚王係信心保證❤️所以都會專登搭去食🍜🍜豚王、黑王、赤王、翠王四款基本味道(即係豬骨湯、墨汁豬骨湯、辣味豬骨、羅勒豬骨)✨豚王🍜超濃厚豬骨湯底,嫩嫩叉燒🐷油脂分佈得好均勻,口感軟腍😋仲有溏心蛋,拉麵掛埋湯食落好惹味香濃.✨黑王🍜好濃厚嘅墨魚汁配埋大蒜味道🧄好特別同少有嘅拉麵湯底,推介👍🏻✨辛口燒餃子🥟餃子皮薄爆汁✨唐揚炸雞🐥雞肉嫩滑多汁,頗大粒🐥

剛剛下午1點半左右係將軍澳豚王試咗呢個限定醬油王，非常咸，身邊家人試左啖都話好咸，剩係得咸味。我足足加咗兩碗湯，最後都係食唔曬。我即時同店員反映，得出嘅回覆如下：店員話‘’醬油拉麵係會咸啲架喎，你想我地有咩可以幫到你。‘’😅😓🤮自問我都食得好濃味，但呢個限本醬油王係咸到令人食完有腎虧嘅感覺。食過咁多次唔同鋪嘅醬油拉麵，真係第一次食到咁咸。😷😷😷如果你想挑戰下自己個腎嘅話 可以一試🤪🤪

🧭美食體驗：Popcorn 平民之選。係有時要等下位。豚王我算係由佢第一間分店果時就幫襯到依家，真係睇住佢愈做愈大，好勁。以前佢地係會有限量版的款式例如元氣玉，依家無喇。佢叫乜乜玉，其實就係將個調味粉變成個波咁放係拉麵中間，你再挖開佢黎食。我幾鐘意佢可以好客製化咁自選麵的硬度同埋配料，件事其實有少少似車仔麵，好港式，不過做得好好。係日本食拉麵其實係同豚王的感覺差得有啲遠，豚王的口味係為香港人特化左，所以先咁受歡迎吧。如果完全照搬日本味道過黎，分分鐘水土不服📸攝影打咭：無，完全商業化的商場無法做到日式設計。不過採光好好係真既🍳食物搭配：赤玉拉麵同埋咖哩果隻拉麵都好好食。🍗必食：赤玉💰人頭費：100

黑王超級濃郁的醬油味配上墨魚汁恰到好處，口味沒有衝突叉燒我選擇了腩肉肥瘦參半，口感軟軟的又帶點香脆而我選擇了有幼的面，十分掛湯在拉麵表面上有一對很軟綿綿的肉碎超級提香

平時到豚王用膳，最鍾意自己選擇湯底濃度、拉麵的粗幼軟硬等，這天自己一個來 quick lunch 唔想用腦，決定試吓新嘢，八月期間限定 - 德島王拉麵 我未曾到訪日本四國的德島，但從網上資料得知德島拉麵特色在於濃厚的醬油豚骨湯，我覺得這次在豚王吃的拉麵湯底都幾濃，但唔算好咸，食麵掛汁一流 目測網上圖片日本的湯汁似乎更濃味，不過餐廳應該有遷就香港人口味，這個味道就算飲埋啲湯都唔會好口渴 另外，德島王拉麵並非配搭叉燒，而是滷五花腩肉，都幾爽口，份量又多，撈埋生雞蛋一齊食更加滑，麵條軟硬度適中，好易入口，幾分鐘就食完，滿足

還記得當初豚王開業第一間舖係中環好細間十二點前要排隊否則lunch hour 夠鐘開工都未有得食回憶的味道是最美好的可能它的質素沒有變化而是人經歷多了 接觸不同的美食是舌尖出現變化罷一碗黑王 一碗豚骨 一碟餃子黑蒜味唔夠湯亦唔濃麵唔掛湯可能是要配合一般香港人口味？餃子皮不脆 亦無肉汁咬落去連肉嘅份量都減半呢碗睇相都覺得佢湯底淡食落真係唔夠濃有色水嘅清湯？佢再咁落去 最差嘅一蘭都顯得唔係咁差還我昔日嘅豚王please…

又係一間濃湯嘅拉麵，叫咗經典款豚王，厚度比較薄，但係肥瘦適中，好香油香味😍但係唔會太油膩，可以自由選擇硬度濃度，而且一定要加佢哋嘅自家製唐辛醬，係會令到個味道層次升級😍每日都係新鮮熬製咗10幾個鐘🔥另外佢哋仲不定期會出限定王，每一次出嘅款式都唔同，而且呢間嘅拉麵比起出面嘅價錢稍微低少少，唔需要過百就可以食到🔥🥹

拉麵湯底偏濃味，特別係赤玉 - 辣味湯底，將整個湯麵嘅味道完全蓋過，減左分。本人已算食得辣，但個辣味程度算是超超辣，食完個頭頂同條脷都有啲痕，一種好麻的感覺；如果鍾意食辣同埋呢種感覺嘅朋友，先至好去試，否則好大機會食到中途食唔到落去🙃

一般集團式經營拉麵🍜豚王同男朋友仔等睇戲，未夠鐘就去搵下野食啦，行行下見到呢間拉麵店，又好耐無食拉麵，就去試下佢先😋講返野食~🐷我食豚王拉麵，即係原味豬骨湯底拉麵，叫咗平太麵，即係粗過拉麵少少，望落似天使麵嘅感覺；食拉麵係可以揀軟硬度嘅，咁我每次去一間未食過嘅拉麵店都係會揀返正常，先試到每間店個指標。個麵黎到就試咗佢湯底先啦，係ok嘅，有油脂，但都係同醬開出黎個D湯底；到豬肉片，因為怕肥無揀腩肉，揀咗肩肉，粉紅色慢煮肉，唔硬，但無乜肉味；最後到麵啦，個人覺得係偏硬，不過不失。而男朋友仔食嘅係赤王，即係辣湯，我就無影相；佢比嘅feedback就係麵好大鹼水味（佢揀拉麵）,對佢黎講唔辣，非常一般，可以唔洗再食😂😂（佢都廚師，個口係刁D🙈🙈）今餐總結~環境⭐⭐⭐食物⭐⭐性價比⭐⭐total食咗222蚊，叫咗2個拉麵加2罐可樂；始終集團式經營，環境OK嘅，但食物真係一般般，價錢偏貴，估計唔會再去😓#foodie #food #foodstagram #hkfoodie #foodiehk #foodiegram #hk #hkfood #tseungkwano #tseungkwano Kwa