影片
看食评，这间店的口碑好坏参半，平时经过，无论是节庆或繁忙时间基本上都不见有人等位。今天抱著姑且一试的心态“博一博”。有不同菜款，但在猪扒专门店吃牛或西餐好像浪费了点，还是点猪试试。点了一份吉列猪肩和一客吉列猪蛋盖饭。吉列猪肩跟我们在日本时吃的差不多，肉质味道都很好，略嫌油多了些，粉也没那么松脆。盖饭的猪扒非常入味，肉嫩多汁，饭+蛋+汁+吉列猪扒，很match，推介顺带一提，饮品点了草莓乳酸，饮得出有益力多味，好益力多的朋友可以一试。可能价钱略贵吧，如果以食物质素来说，这店的顾客应该不止这么少。
继续阅读
难得与好友相聚, 谂住揾间西餐厅可以好好地坐下、倾下计...恶梦开始一入去我话两位, 带位个后生女仕应一粒声都无出直接带到入卡位就走左去...咩料?之后同个FRD叫左个一样既套餐: 鹅肝牛柳配薯菜 (要求6成熟)成碟野得薯条系正常, 鹅肝勉强可以食到(但系偏冻 + 我觉得唔多似系鹅肝...)旧牛柳先精彩, 有图有真相, 我估得2成熟, 仲要成旧野系一啲都唔热, 我觉得自己好似拍紧法证先锋....好恐怖!系咁既情况下, 正常系会要求佢换过碟熟既...10成熟都好丫，起码食到落肚唔会肚痛。但系我坚唔敢....提都唔敢提....因为....啲待应或者因为临近关门时间得返我哋一枱，所有一啲比较年轻的待应们就较为率性表现，几位待应喺餐厅内追逐打斗，甚至粗言秽语互相沟通，当时我哋亦见唔到有其他职员或管理层加以阻挠，见到咁既情况，问心.......我真系唔系好够胆要求去换过块新扒，阻人收工㖞，咁鬼大罪....完全唔掂!浪费金钱系一回事; 本想跟好友好好谈天都被呢度服务, 食物而扫兴绝对绝对无下次!!!!
继续阅读
豚屋开左咁耐, 每次经过都无咩人等位, 今晚就一于试下!我地叫左个豚屋二人前, 包括小食炸竹轮卷, 泡菜豆腐! 炸物有炸蚝,炸扇贝,炸虾各2件, 大件大猪扒! 所有食物都好油, 虽然食炸野预左, 但系无谂过系咁油! 除左炸蚝有D juicy之外, 件猪扒又油又韧, 真系好难食! 碗白饭煲得好烂! 本人以往既食评一向写得轻手,因为唔想太尖锐, 不过呢间店舖真系令本人大失所望, 真系好后悔去呢度食左一餐失望既圣诞餐!
继续阅读
放工揾间好啲既餐厅慰劳下自己，见佢果啲茶餐好似同普通茶厅差唔多，都系啲多士三文治面食乌冬咁，于是睇佢主要菜单，啲猪扒好特别，不过价格最平都要八十几蚊一个定食，（所以佢要搞啲同茶厅无乜差别既廿几三十蚊茶餐嚟保持收支吧）点了个芝士猪扒定食，分定食真系好大分，饭一个，芝心猪扒一个，仲有酱料（热量一定十分可观）仲有面鼓汤，啫喱，冻饮～芝心猪扒真系几特别，热烘烘果阵仲系流质既芝士遇室温就凝结了（证明脂肪比牛油猪油更饱和呢）整体上块猪扒除咗油炸同芝士之外都没有怎么腌过，所以餐饭味道偏淡～至于杯芒果乳酪都几好饮呀～间中试吓都不为过既～
继续阅读
我都算系呢度既熟客嚟一个月都黎呢度四五次,不过今次真系食到成肚火今次我叫左个猪仔骨配意粉,虽然我都知呢度系净意粉嚟所以我都叫侍应哥哥俾多个汁我捞嚟食,但系今次D汁真系淡捞完都好似无味咁 厉害跟住我见到个女经理谂住同佢反应下啦,奇怪既事就发生啦!我明明同佢有眼神接触同举左手,佢居然当无睇到我咁!呢D咩服务态度呀!见到鬼呀!当我想大声叫个女经理过嚟个阵,有个四眼侍应哥哥过嚟问我 有咩帮到你条气都顺D,不过有度要赞下既,呢位侍应哥哥好好礼貌同好有耐性咁听我既意见呢度既经理真系做到左 经 过而不 理,扮见唔到咁厉害.不过讲返食物,其实呢度D野唔系难食,但都唔系好好,都算一般水准既吉列猪几好食(D猪系几好,不过技术差D,有时会皮肉分离),不过呢度D意粉頖水准应该可以好D,成日都唔够味个猪手同个猪仔骨几好食,嚟呢度好多时都叫呢两个餐其实呢度D服务都算OK如果唔系个位经理(系经 过而不 理)我都唔会俾咁低分唔计佢 我会俾4分(系俾个位四眼侍应哥哥)
继续阅读