豚兵衛 (已結業)

前晚和家人去了屋企附近的一間日式吉列專門店食晚飯，我們各自叫了一個套餐，希望試多幾款食物。醬汁吉列豬扒飯另配冷烏冬原祖級吉列豬扒飯，豬扒份量十足成寸厚，麵包糠炸皮不算太厚但一望就知酥脆香口，伴隨大量椰菜幼絲去除了油膩感。淋上酸甜醒胃的醬汁，跟吉列豬扒成為配絕！再在面頭灑上木魚碎，獨有香烤味已令人食指大動，加上木魚花隨著熱氣徐徐起舞，頓時增加了飄逸的意境。值得一讚是每枱都會放上一瓶自家獨門的醬汁，讓你自行添加，方便細心。另外亦可加$10加配烏冬，價格相宜。咖喱吉列豬扒飯豬扒炸得鬆脆，足有一寸厚，咬落肉汁仍可以但不算太豐富，對個人而言豬扒欠缺了一點調味。側邊放上大量切得很幼細的椰菜絲配菜，翠綠清新，減少了煎炸食物的燥熱感。日式咖喱汁偏甜濃郁不太辣，配珍珠米飯是一向的絕配。燒鯖魚配冷烏冬燒鯖魚燒得不會太乾，調味輕盈合女生食用，灑下少許檸檬汁辟腥已很好食，配埋微甜的醬油更覺開胃好味。冷烏冬煙韌有咬口，似讚岐烏冬，配上放入蔥花薑蓉的淡醬油湯汁，清香怡人，爽口消暑。成餐飯平均每位消費約$90，價格中等，質素算是0K，還是值得一試的。…查看更多

好味抵食炸豬扒。很久沒有試這一路打食評一路流口水。這是其中一間。位於灣仔的這間「豚兵衛」其實很近銅鑼灣。所以當天晚上，待肥膏收工後，就匆匆趕去此店，因為佢好早閂舖。平日晚上八時多九時，全店滿座。剛則好有一檯食客要走，所以我同肥膏才可以順利入內。店內的環境不是太光亮，是柔和的燈光偏暗一點。坐到二人座位，跟左右食客有少少距離，還算不錯。我一看到menu 就假眼發光了～好多炸豬扒！真是花多眼亂，心大心細。到最後我點了蘿蔔蓉吉列豬扒飯 配冷烏冬 HKD 79.00先到的是 冷烏冬心裡知道份量當然是少的，因為是跟飯。但原來也不少的，有半個烏冬之多。不過冷烏冬不是配wasabi 醬油，而是薑蔥。有點令人意外的配搭。烏冬十分彈牙好味，可惜配薑蔥始終不對我口味。如果可以用wasabi 就更好了！很快 我的蘿蔔蓉吉列豬扒飯就到了！吉列豬扒上放了一層厚厚的蘿蔔蓉！我是蘿蔔蓉的愛好者，見到都開心。蘿蔔蓉淋上了豬扒汁，酸酸甜甜的，但我覺得太多汁，始終會咸。下層的吉列豬扒炸得好鬆脆，但肉質是有少少“鞋”口。不過還是很不錯的一個炸物。一口豬扒一口蘿蔔蓉，再加上旁邊的椰菜絲，十個正！因為有蘿蔔蓉及椰菜絲，所以不會覺得太膩。但有一樣野扣分，就係飯。飯很硬身同死實，而且不夠熱…這一點真的是大扣分呀。另外是肥膏點的，咖喱吉列豬扒定食 HKD 88.00是好日式的日式咖喱，所以偏甜！不過，這個咖喱飯定食是沒有跟烏冬的，哈哈～感覺有點不抵。另外多點了兩樣燒魷魚魷魚易咬開，好棉花糖質地。配上醬汁一起吃，好惹味！甜品是綠茶雪糕。加了奶以及紅豆，味道不錯，比單吃雪糕來得好味。…查看更多

今日決定去試一試豚兵衛，平時真係冇留意地點，要搵一下先發現店面不大，餐牌上菜色都算種類繁多～最後決定最普通嘅吉列豚肉定食上菜算快。定食包括：主角吉列豬，飯，漬物，麵豉湯。先食一口吉列豬～炸得很不錯！唔太油唔太乾～粉面脆身，豬肉本身都仲有肉汁！不過除咗主角～漬物同麵豉湯相當普通，飯都唔夠米香～又冇日本米嘅口感同少少甜。整體而言～性價比算早，可以有下次👍P.S 我叫杯凍奶茶，實算難飲水平！雖然明知日本餐廳多數係咁上下😓…查看更多

幫襯了豚兵衞最少有2年了，一路以來雖然店小丶坐得不太舒服，自動門常開熱風陣陣，訂了位也要在沙塵滾滾的街上等位。。。，但因為食物好吃，服務員誠懇，我都一一接受，繼續支持。可惜今晚的用餐經歷，竟令我決定和它說再見😞。一行四人點四個套餐，全部附有冷烏冬。不知為何有一份特別少，我也沒有投訴。烏冬吃下去像超巿一包包的貨色，斷晒同粉粉的，與以往彈牙的質感實在相差太大了。點了鮮蝦沙律，侍應回來說沒有鮮蝦。點了日式凍番茄，最後沒有上菜，沒有人告知，似乎他們也不知道。4個人的點菜也記不到，就請您用紙和筆寫低吧。為什麼要堅持行記憶力去落單呢？招牌的炸豬扒，裏面不知為何附加了一些碎的肉片包裹着，變得濕濕的，一點也不鬆脆。我們四人也沒有把豬扒吃完，這真是一個記錄，是失敗的紀錄。我們也點了日式芥辣魷魚前菜。再問侍應拿一些日式芥辣吃冷烏冬（以往店家是每次都會提供的），他竟然說他們沒有日式芥辣!我反問他，那麼你怎樣做出日式芥辣魷魚呢？他竟然說，他們真的沒有日式芥辣，做日式芥辣魷魚是用不同的芥辣，我真的反眼！再仔細留意服務員，全是新面孔，餐牌也改了。相信這店應該是易手了。其實作為客人，餐廳易手了對我來說不是最重要，最重要是食物或服務能夠保持水準。新店東去頂手一家餐廳，不是看準它有固定的舊客人支持嗎？為什麼不好好珍惜，保持着水準呢？太可惜了！若不是易手了，水準突然下降得那麼恐怖，那就應該嚴肅地檢討了，我相信我不會是唯一一個舊客戶放棄豚兵為的。…查看更多

...........#豚兵衛 的晚餐💋👍👍👍 (5分滿分) 忘記幾錢.............第一次食係#尖沙咀#新港中心 可惜已經汁粒😂不過個陣舖位勁細 😒由於第一次食個陣 炸豬排不錯 所以再次光顧✌👉#炸豬排👍👍 今日比較en哦 但炸豬排個醬依然好食👉#炸雞排👍👍👍 雞排比豬好 比較入味 👉#炸雞骨 👍好油😂好似炸粉加一舊石頭咁👉#炸薯餅👍👍👍👍👍💋最好食是你 入口溶化 非！常！好！👉豬排醬👍👍👍👍👍💋最好食是你 把多碗飯都因為你 若是我屋企有依種醬就好…查看更多

可以一試既豚兵衝其實個個星期都會經過豚兵一次, 次次都想試下, 今日終於一試!!!!滑蛋豬扒飯配冷烏冬, 香港而家多左日式餐廳會一個餐有飯有烏冬, 我自己比較鍾意咁樣, 因為唔洗食死一樣野烏冬同小食係先上的, 烏冬既份量比較少, 但個汁好味, 唔會太咸, 你預食3-4啖會食晒個滑蛋豬扒飯係之後上的, 個賣相好得, 飯唔算多, 但個豬扒比較厚粉, 同D蛋唔夠滑, 如果個蛋滑D會好D, 因為令到食飯果陣唔夠汁同唔夠香另外叫左個小食豚兵衛燒, 呢個好好味, 上面既沙律醬同茄汁好夾, 亦都帶到個蛋既香味出黎, 佢中間係有D豬肉薄片, 食落去唔會太寡得蛋味. 最後都係驚唔夠飽, 所以叫多左個明太子醬沙律冷烏冬, 呢個叫完真係後悔.先講D菜, 有一堆菜係小食墊底用既菜, 食落去係一PAT野咁, 又"林" 又濕. 沙律菜比較少D海鮮完全冇味, 即係講緊係魷魚冇魷魚味, 蝦冇蝦味.....D 明太子醬好腥, 食既時候要閉氣先食到佢最碟好大, 但好窄, 撈唔到D烏冬. 結果我地每樣食左D就唔想食坦白講, 如果佢唔係個豚兵衛燒好味既話, 我會俾"喊" 而唔係俾"OK" …查看更多

當晚去伊館睇SHOW, 同行友人一早做定功課揀去呢間.  未去過當然冇所謂, 試過先知.一路研究MENU, 弊, 八成係炸豬扒, 當日感冒中, 冇得試該店出名的, 唯有望住同行的人吃. 我自己則點左一個豬肉鍋飯.MENU 都好多唔同配搭, 十分豐富, 都需要多少少時間去研究, 有淨叫一碗豬扒飯, 有套餐, 有飯+烏冬套餐...etc ....一行四人分別點了海鮮烏冬, 兩個炸豬扒定食, 同一個豬肉石鍋飯.海鮮烏冬- 一望就見好多海鮮.  驚喜是--  有蠔.  海鮮新鮮, 烏冬好彈牙  唔吃炸野的好選擇炸豬扒- 友人說, 好食, 炸完豬扒唔係好乾身好硬, 恰到好處我點的鍋飯- 有D 似 Pepper LXXXX, 有Cheese, 好食, 撞0岩係我鍾意吃的.    豬肉切得薄薄的, 加埋唔係全瘦豬, 有少少脂肪, 好軟身.   個汁都調得唔太咸, 但夠味, 所以吃飽冇口渴.價錢而家出去食餐晚飯十分貴, 呢間位位唔駛一百, 又成個定食有面豉湯, 算係好抵喇.…查看更多

剛過去的星期六晚上，和男朋友在灣仔吃晚餐，即慶的去了吃吉列豬扒，想不到，最後是被店子的蝦沙律 (下圖) 吸引着!!! 這個蝦沙律美味在所用的醬汁，相信是店員自己調配出來吧! 而且，蝦肉和菜絲也很爽口!!! 補充一提，個人認為醬汁的味道酸酸的，又有點像卡樂B pizza味薯片的味道~^^~另外，我們還點了滑蛋吉列豬扒飯和醬汁吉列豬扒飯 (下圖)~伴碟的菜絲配麻醬吃十分美味~! 爽口而且香~!個人認為醬汁吉列豬扒飯的豬扒口感較脆，畢竟加了蛋的滑蛋豬扒會有點腍，不過，雖然如此，仍是美味的。豬肉本身是腍身的，口感頗鬆化，不會很實或"un"，而且，豬扒部份位置偏肥，咬下去時頓時嚐到肥豬肉的香味~^^~ 不過，肥的位置我也只是吃了一口就給男朋友了，畢竟近期吃太多了，要稍稍節制一點--""...結帳的時候好像是200多元，算是中等收費吧! 畢竟店子的位置在灣仔，價錢是高一點。雖然如此，也許，我會再來這裏的，因想再吃那個蝦沙律~…查看更多

早幾年去咗英國留學o既DD表弟回來香港不久，放榜得知成功考入目標大學，即傳來短信報喜！小肥表哥一向愛錫表弟，理應同佢「拆餐勁」黎慶祝一番，無奈最近身體抱恙，只能暫請午餐，簡單地聚一聚。XO仔午飯時間僅有一小時，地點當然係選擇留返喺灣仔區啦！記得DD表弟最愛吃日式食品，所以就揀咗公司附近一間出名食炸豬扒o既「豚兵衛」。「豚兵衛」位於灣仔道口，門口就有巴士搭，行一分鐘又有電車站，交通幾方便。餐廳細細間，散座以木枱櫈為主，近牆亦有一排較為舒適o既長梳化皮櫈，本應頗舒服，但我地兩個大男人居然被按排入座店舖內最尾之位置，不但較為狹窄，而且因經常有人出入後門，冷氣變得不足，雖然又未至於係臭氣沖天，但感覺仲係有少少不是味兒，故不得不扣兩分衛生分以示不滿。負責我地張枱嗰位姐姐仔雖然冇乜表情，亦不發一言，但總算交足功課，好有效率地完成落單、加茶、上菜等工作。時間有限，XO仔兩老表好爽快地每人叫咗一份午市炸豬扒套餐。滑蛋豬扒飯配烏冬餐（$88）：小肥碗滑蛋豬扒飯好足料，除咗底層飯多，面層亦一大塊炸豬扒。炸豬扒預先分割為六小件，皮層鬆化，肉質雖則唔係好嫩，但勝在一啲唔嚡唔乾唔韌，淋上半生熟o既滑蛋汁，入口更覺香濃滑溜，非常之唔錯！套餐包咗碗烏冬，鍾意飲湯o既小肥就選擇咗要熱食，暖吓個胃。烏冬為清湯底，味道帶少少甜，粗粗o既麵條又滑又彈牙，最估唔到就係烏冬份量都唔弱，好飽肚！日式料理以$88提供午市套餐，包有大大塊炸豬扒、靚飯、靚烏冬，美味得黎份量足，個人覺得價錢都好合理。「豚兵衛」無論係環境、服務、衛生只屬合格水平，但因為食物質素偏高，味道佳，價錢合理，最緊要係XO仔食後冇任何敏感反應，所以「豚兵衛」極有可能成為小弟其中一間午餐飯堂！…查看更多

係openrice望左好耐,附近冇咩野食,所以黎呢度食set lunch價錢黎之前已經預左咁上下,諗住會幾好味,因為呢個價lunch黎講好貴碗野係度係好大碟...同時好阻訂咖哩=一般日本咖哩=甜豬排=一般豬排,食左一半就好滯..勉強吞埋落肚完全唔值呢個價囉~半價都未必黎最後侍應仲倒瀉野...:( 仲要加一:(…查看更多

友人要到灣仔道附近辦事，於是我們在附近先吃一頓晚飯，便不由分說選了整條街最多好評的一家餐廳，一嚐其手藝。服務不算十分般勤。雖說餐廳在客人入座說有說歡迎光臨，但遞茶及提供餐牌之速度較為慢，而且下單時店員欠缺效率，總觀整體服務水平仍屬中品水平，可再作改善。環境是一般日本餐廳的格局，不算平庸也談不上優雅。餐廳燈光柔和偏暗，讓客人感到有點寫意又帶點睡意，十分適合作為客人聊天之地方。食物點評：1. 咖哩雞扒定食(白飯 + 麵豉湯) ($88-)咖哩香而濃，絕非普通即製而成再加熱之咖哩，且帶點辣味。廚師能做到咖哩當中的神髓，令人感到驚喜。雞扒製法和豬扒相似，都是經一段時間煎炸後再奉上予客人，唯當中值得讚賞的是雞味在炸後仍然可以保留，不致味如嚼蠟。麵豉湯之普通貨色，味道和其他餐廳之出品分別不大，大抵是因為製法相似。2. 蘿蔔蓉吉列豬扒飯 ($69-)這道菜感覺清新，雖沒有沙律的清涼感覺，但蘿蔔蓉當中之酸甜味為整道菜之味道變化更大。豬扒炸得恰到好處，炸皮剛剛好，還採用厚切豬扒及提供不少白飯，對客人公道。3. 日式醬汁豬扒飯配烏冬餐 ($77-)日式醬汁豬扒飯之水準相對較為遜色。炸豬扒主要感受到豬扒及炸味，醬油味不能說完全沒有，但稍為欠奉。若增加醬汁在豬扒的比較，相信這會更佳。烏冬之水準則較好，麵線不粗且頗為彈牙，選料不俗。4. 三文魚 6 片 ($68-)本人確也是魚生迷，不管到甚麼類型的日本餐廳，必先點一客魚生。這一道菜份量談不上是多，但用料也是一如既往地上乘，廚房採用三文魚腩予客人，使三文魚味十足，更可吃到當中之魚油味。餐廳之菜式份量多，而且在煎炸的技術做得不錯，值得再光顧。提提各位，餐廳是附上醬汁予大家吃豬扒的。…查看更多

香港愈來愈多連鎖式食肆，但我偏偏對小店情有獨鐘，今次來到灣仔的這間日本小店，竟然有驚喜。之前有朋友來過這間餐廳，發現這裡的大廚竟然是日本人，而且還會到樓面和食客交流，親切感100分。今次來到，我沒有接觸到那位日本大廚，但仍被店內服務員的親切態度所感動。因為天氣太熱, 我實在不想再喝熱茶，侍應生主動問我，要熱茶﹑溫茶，還是凍茶。然後侍應生給我遞上餐牌，特別推介招牌菜 -- 「滑蛋豬扒飯」。食落真的很不錯!!! 豬扒本身肉質軟熟，而最棒的一定是滑蛋! 滑不溜口，而且蛋味甚濃，完全是我杯荼!日本料理用珍珠米是常識吧! 但這個飯, 加上滑蛋和豬扒的配搭實在一絕!就為了這個招牌菜，我決定會再來光顧。…查看更多

中午同兩個男同事諗住食新嘢，經過灣仔嗰邊就揀咗呢間嚟食lunch。一入到去，唔係滿哂位，我地坐低之後睇menu, 價錢中上，個menu入面啲食物睇落幾抵食喎~我叫咗最基本的親子丼，另外兩位男同事就叫咗吉列豬排飯配烏冬。 落咗單之後，等咗一段時間，呢度廚房唔知係咪唔多人手，上餐時間都好耐，明明店入面唔係滿座喎。啲侍應都好似無視我地嘅追單。等到勁都長，終於有得食我個親子丼，啲蛋係幾滑幾好食，但啲雞肉好老，食落口感仲有啲鞋:(麵豉湯嗰味都好淡，又冇豆腐，我覺得今餐唔值呢個價。。。不過男同事話佢地食嘅吉列豬排幾好食，可能呢度整嘅豬排先算有返水準。…查看更多

第一次寫食評, 因為忍唔住要寫。我本身都好鍾意黎灣仔豚兵衛食佢既炸豬扒飯, 次次都叫蘿蔔蓉炸豬飯, 肉厚鬆軟, 又炸得鬆脆, 凍烏冬又彈牙好有水準, 完全跟menu入面d相一樣, 以咁既價錢性比價高, 我成日推介俾朋友。可惜今日去食lunch, 首先落左order, 隔離枱啱啱開始食, 到人地食完走左我地既都未黎, 黎到一夾起豬扒就覺得比以前薄左, 知道生意難做算啦！再咬落去d肉又鞋又唔鬆軟, 係唔換左豬扒貨源？ 再食凍烏冬, 個汁好酸, 烏冬唔彈牙好軟, 同以前好唔同, 相信佢換晒d料同廚師, 唯一味道冇變既係黃瓜！我覺得好可惜, 一間咁好既餐廳, 雖然生意難做要節约開支, 不過維持唔到食物質素都留唔住客, 我自己會隔多一段時間再去光顧, 如果再冇改善, 我諗我唔會再黎了！…查看更多

年初二與一眾去了銅鑼灣一躺，為的是去看喝酒兼觀賞煙花，由於那間酒吧沒供應食物的緣故，加上時間尚早，一早商議過後，還是吃上一個晚餐「打底」較為穩當，其中有人提議去灣仔道附近一帶，說那裡的吉列豬扒甚為好吃，想起上來為何會那麼面善?! 再開動腦內的GPS地圖，原來是數年前來過的豚兵衛，記憶中味道還是偏向不俗，沒有太多的浪費時間，一於去馬。順便也附上當年的食誌作對照：http://www.openrice.com/restaurant/commentdetail.htm?commentid=2153256&tc=sr2rvw&con=rvw記憶中當年廚房的炸功一流，也吃了不少貴價的貨色，但論到食材的層面，還是有所參差。由於今次要兼顧平、靚、快、正的緣故，也不選取餐牌內的高規格定食，點選的只是店內流行的蓋飯定食，即是於碗飯上面鋪上炸物，無獨有偶也是以吉列炸豚為主角，只是款式有所轉變，分別有滑蛋豬扒丼，及鋪上大量生菜式的蔥蓉豬扒丼，單看滑蛋飯的賣相，蛋身還是稍為過火一點。這裡的生菜絲不設Refill，但以一個人的份量來說，還是甚見豐盛，口感亦為新鮮爽脆，如略嫌味寡的話，桌上亦備有吉豚醬與及麻醬等物，但就不設即磨芝麻這等玩意，其實以往也吃過數次，看似甚高規格，其實對味道殊無幫助，還是姿勢重於實際。同場還附有一小碗的熱湯烏冬，估計應是海苔木魚上湯之類，據桌上的一眾口評，湯底於入味之餘，也沒有偏鹹的情況。說了週邊配套太多，重點還是放回炸豚身上，相比起上躺的經驗，今次的出品實在美味，也不肯定水準有否改進，因為兩次的時間相差太遠，記憶不免模糊。只知所吃的豚塊亦偏向厚身，肉質除了軟熟鬆化之外，更是帶點肉汁出來；難得今次的外層炸得鬆脆之餘，亦是帶點厚身的「起茸」狀態，雖然所吃的只是較低檔次的白豚肉，肉味上未算豐盈，但以八十餘元的配套以言，還想要求甚麼?!今次所點選的，則是這碗蘿蔔蓉吉列炸豚丼配冷烏冬，說穿了不過是於炸豚之上，再放一些蘿蔔蓉上去，此外亦有麵豉、滑蛋及咖喱汁可選擇，上段已提及過炸豚若干，也不再作陳述了，順帶一提，這裡的白飯是甚為不俗的。至於那份冷烏冬，經商議後應該屬於稻庭的風味，整體以爽口滑溜為主，嚼感雖略遜讚岐的出品，在烏冬汁、蔥蓉及漬蘿蔔等相輔下，味道於開胃美味之餘，亦帶點下火的功用。因當晚主力喝酒的關係，除了熱茶之外，也不加錢點選飲品了，但小食還是少不了的，今次就由新相識的食友發辦，來了七隻上等的廣島蠔，以往不是生吃，就是用來吉列及唐揚來處理，難得今次店方別開生面，用上了醋漬的方式呈上。其醬汁於略帶微味之同時，亦起到殺菌的作用，面層更灑上一點兒明太子及蔥花等，重要的蠔身於滑溜之餘，仍嚐出當中的鮮味出來，結果一吃就來了兩隻。這於一小時內完成之晚餐，吃起來固然快捷輕盈，味道倒是來得不俗，加上於年初二傍晚的灣仔道，客流也是不多，沒有了人滿之患，令整個過程也來得舒適。有時想起上來，嚐味也是自家之事，當然人家的飲食文化傳統，合適的話還是樂於遵從，但一味堅持死守，乃就偏離於「享受」這個層面了。臨尾還每人送了一個鎖匙牌給咱們，如下次再來出示的話，可有九折的優惠哩！陵之微調：良評分(以10分為滿分)：味道 8 環境 8 服務 7 衛生 8 抵食 7用餐於二零一四年二月一日傍晚 …查看更多