影片
行过肚饿谂住整个格仔饼食叫咗之后店员话要等咁我就话转头返嚟攞大概过咗10分钟返到嚟竟然同我讲话整㶶咗🤯佢话再整过叫我等3分钟咁就等啦，终于3分钟有个正常嘅拎俾我点知一攞已经唔对路，好似条冧咗嘅毛巾咁一食落去，喂，中伏第一啖系无味嘅面粉浆个口感差，靠啲花生酱炼奶都救唔到唔想浪费食物，所以都咬咗一半但之后都系顶唔顺扔咗咁就$23，仲要劲浪费食材无心做就唔好攞住咩香港美味小食个名无心做就唔该快啲执笠！
继续阅读
今日行过尖沙咀见肚饿谂住买底鸡蛋仔食， 途经间野门口几次都见到有几底鸡蛋仔整定左系度无人帮衬，放左系度吹左劲耐。好声好气问可唔可以要底新鲜的鸡蛋仔，点知个女人即系劲串话佢地唔卖隔夜鸡蛋仔㖞！之后个男人即刻冲出来比左底吹都无吹过的鸡蛋仔我！我问不用吹吗？条友仲要劲串话新鲜唔驶吹我真系未试过买底成23蚊嘅鸡蛋又要受气又要劲难食，食落去又淋又无味，抵佢无生意！哩些咁嘅垃圾铺头 简直影衰香港🇭🇰
继续阅读
拎上手果阵热辣辣满心期待，食第一啖完全冇味，心谂可能d酱搽得少未食到姐，再食第二啖仍然冇任何酱既味，仲开始食到阵好奇怪胶胶地既味🤮开始觉得唔对路，之后直接食见到有酱既地方，仍然系咩味都冇……呢个格仔饼既难食程度真系世界级！！真系人生第一次食过咁难食既格仔饼，完全冇味连少少花生酱味都冇，真系唔知佢点整，可以整到咁难食，以呢个价钱如果系普通正常水准都算，但而家系超级难食，食左几啖就垃圾桶见，完全晒钱
继续阅读
闻落好似好香，食落完全无味，未食过咁难食嘅鸡蛋仔同格仔饼！！！就算系格仔饼有馅，都可以令人觉得难食。又淋又无味，咬嚟咬去都唔知咬紧乜鸡蛋仔就更加难食，又唔系平，真系晒咗啲钱！食又勉强自己，唔食又浪费资源服务态度又一般，唔叫佢即整就比啲整定嘅你，唔热又难食。但就算系即整都系咁难食！真心永远唔会再帮衬！！！平时都唔点留劣评，今次真系忍唔到手！有时行过见到唔少人被佢阵味吸引咗，希望唔好再有人被佢阵味呃咗！！！
继续阅读
嬲到第一次出post天气冻都想食热啲 见佢已经整定晒4 5底摆咗喺度 可能冇乜人帮衬 眼见放咗一段时间嘅样好声好气话想要底即整嘅 个老板用好串态度 话一系热 一系就脆（即系摆咗喺度好耐𠮶啲）但系我食开咁多鸡蛋仔 可以热同脆 两兼之后 佢就喺部机撩出嚟就秒用袋装住 用吹风机定型 或者等一等都冇就比左我一拎上手已经变紧淋我问佢可唔可以帮我吹一吹大大声话 吹一吹就唔热㗎啦（完全系捉字虱嘅态度） 仲同佢partner一唱一和 佢仲大大声讲 :买大鸡蛋仔啫，唔知以为买层楼我见个机系枱面我就自己吹几下 默默地走左其实我只系想要一底正常嘅即叫即整鸡蛋仔 完全冇任何刁难成份 都有呢啲说话听 我听到都呆左冇比任何反应好啦，咁以为佢真系淋都好食先咁大口气点知一食落去完全冇蛋味，唔知食紧啲咩 仲要已经变咗一pat嘢 衰过食毛巾 试咗一粒之后扔咗间嘢完全侮辱鸡蛋仔 咁都俾得落啲客然后去隔离街莲姐买顺返条气 人地唔洗讲已经即叫即做 仲又热又香又脆
继续阅读