影片
以上资料只供参考，请与餐厅确认详情
食家推介
平日午市竟然可以一个人都无，包场咁济突然觉得book 左台好似好傻瓜咁环境几大，好适合倾计其实d野都ok架㖞。。。而且好大份，够晒饱肚Menu 系日日转，新鲜感十足套餐有前菜，今日系斋。。非常清新主菜有d肥腻。。。系红烧肉煮得好林好入味啊。。。罪恶感加倍个黎麦饭反而似普通白饭姐另一个要左菇菌意粉个大菇超爽口又唔会好寡口，其实系好食架仲有个紫薯糖水，呢个相对地就差左少少个紫薯粒好硬不过都不失为一个几好既选择
继续阅读
曾经午餐食过ok,某天因外国分公司同事来港作客日1天应老细要求book枱，点知由11点开始打，打左10几次至12点几都系飞手提再飞留言箱，上到去话full 左，就算好食这些基本野搞唔到都无话可说。
继续阅读
是日平安夜。好友相聚当然系要吃顿好的！丰乐里，为友人推介，也没多问就去了。🤷🏼♂️我和你一样，闻其名本以为中餐平平无奇，比比皆是，所以期望不大。结果!!! 我！错了！！！丰乐里是一家FUSION 餐厅如果你喜欢Fusion restaurant 尝尝丰乐里吧，你不会失望的！话我就就搁这了，看图片吧！头盘: 法川恋曲 - 宫保鹅肝萍翠沁凉 - 青苹果蟹肉沙律汤:金湖掠影 - 素翅蟹肉南瓜汤主菜:松露戏凤 - 松露菌烧走地鸡💯锦绣田园 - 云腿灵芝菇豆苗 甜品:红莓雪影 - 鲜甜草莓酿燕窝红豆蓉
继续阅读
小弟成日讲，晌中环揾食食晏唔喺一件乐事，一过12:30pm家家餐厅都有人满之患，尤其喺中下价餐厅、地铺尤甚，多人多到不得了。约咗旧同学食晏，当然会讲到当年今日有排倾啦，所以，餐厅环境好重要，主打亚洲融合菜嘅「丰乐里」就绝对好适合静静局倾偈，又或同客嚟食个商务午餐。餐厅藏身于士丹利街一幢商厦内，出电梯一睇，门面非常有特色，灰墙红砖拱门，加入中式大宅门，古雅而有无派。推门而进，地方算唔上好大，装修偏向西化、摩登，富特色嘅吊灯，再加上阳光从一列玻璃窗透入，令人多几分暖和感。此外，墙上挂咗唔少彩绘、画像，有富中华色彩嘅彩绘，有中外名人嘅画像，喺想表达出佢哋喺中西融和，所以，睇到佢哋嘅菜式都不拘一国。就连枱上嘅餐具摆设（由于午市只供应套餐），设定都好西化。若非枱上摆咗壶热茶，真喺会以为嚟咗家西餐厅呀。由于是日中午客人唔多，所以，感到更特别闲静。午市喺供应3道菜嘅套餐，名为「丰品」，定价为$168，无加一，经理话每3个星期会转一次款，可留意官方FB。先介绍名为「迎」嘅指定头盘「梅开二度」，包括黑鱼子莴笋及鲜茄豆腐杯。如想享受得更多，加可加钱额外添加冷盘或汤羹。梅开二度（黑鱼子莴笋及鲜茄豆腐杯）先试个鲜茄豆腐杯，贪佢酸酸哋开开胃，但滔一羹入口，初时以为得啲蕃茄蓉，原来仲加入蟹籽嚟增添口感，而且，啲蕃茄唔会好酸，微酸带甜，豆腐亦嫩滑富豆香；另一部份嘅黑鱼子莴笋，其实啲莴笋好滑爽，加上黑鱼子就变得好睇又矜贵，不过，啲黑鱼子跣嚟跣去，好唔容易先夹得埋一齐食。川湖肉簪（素翅海鲜羹）+$30另一冷盘嘅川味口水鸡大家都麻麻哋有兴趣，反而，个海鲜羹兴趣大啲，再者，戒咗鱼翅多年都好少食翅，难得个羹喺用上素翅，可一解鱼翅瘾。碗素翅好足料，口感啱啱好，个汤底有鲜甜味，而且，里面海鲜颇多，用料无欺场。名为「味」嘅主菜共有5款，每一款都冠以一个特别四字名称，如深海珍味、牛皇问鼎……，但要留意，其中两款要另外加钱。泰式风情（煎雏鸡黄姜饭配是拉差蛋黄酱）小弟睇中呢道菜，源于都喺个酱，泰式品牌辣酱「是拉差」夹蛋黄酱，唔知会有咩化学作用。橙橙黄黄嘅酱汁，浓稠咁挂满鸡扒，鸡扒采用雏鸡，肉质嫩滑多汁已经无庸置疑，外皮甘脆，酱汁惹味有辣劲，但啲辣喺点到即止，唔太食辣嘅朋友都应该OK嘅；佢哋啲碟头好足秤，有两大件厚身鸡扒之余，配菜嘅款、量都多，而且，啲甘笋、翠玉瓜以香草炒过，茄子有啲似鳗鱼汁烧，唔喺求其迤做，感受到一分分诚意。唯一挑剔喺啲饭，虽然好有黄姜嘅香气，黄姜本身又有抗氧化，但就腍得滞，应该水多，做成饭粒唔分明，喺美中不足之处。松龙冠顶（松露扒大虾配黄姜饭） +$20另一道菜式就拣咗扒大虾，上到枱份菜真喺比预期大，净喺4大只虎虾已够吸晴触目，配以松露忌廉汁，又幽香，又滑溜，真喺想叫经理俾多一小兜酱汁嚟捞饭；讲开啲饭，如果黄姜饭唔啱食，问过经理喺可以转改白饭！醉倚弄堂（桂花酒酿汤圆）最后喺「滋」，即喺甜品，因为主菜叫人食得好饱，所以，细细「杯」嘅桂花酒酿配芝麻汤圆就啱啱好。个糖水底既有酒香，又散发出桂花嘅清甜，质感绵滑；两粒芝麻汤圆小巧玲珑，外皮软糯，为整个午餐有个完美作结。晚上，则主要喺做私房菜，听经理讲，都喺以套餐形式，同样8道菜，分$488及$588两个价位，私房菜以言唔算好贵，跟午餐一样无需加一，不过，就要提早预订。而趁临离开前再周围望望，内里有两个厢房，亦可打通成为一个大房，私隐度提高，好适合一大棚人嚟有自己嘅天地。晌「丰乐里」用餐确喺好写意，服务非常好，侍应、经理都会晌适合嘅时间上菜、收碟，不缓不急，而不时又主动帮忙添茶。两道主菜嘅配搭见心思，味道有个性，而且，份量十足，有种初露锋芒嘅感觉，旧同学已讲定，有机会再揾同事嚟食晏。但讲明，如果你喺要平、要快，纯粹填饱肚，依度绝对唔啱你！
继续阅读
我哋约咗成班中学朋友出嚟饭聚，难得今次唔带BB仔囡出黎，可以食返啲「大人嘢」食过十几间私房菜，有平有贵，今次就拣中高价位试试！拣呢间原因系之前有同事食过个lunch set，觉得几好就推介俾我。反正大家未谂到食咩好，就去试下佢地个$588餐。难得个个靓妈都肯抛夫弃子一晚，一晚半晚食豪少少，当系慰劳下自己平时做嘢咁辛苦～要特别讲下个menu，虽然设计就简单左少少，但仔细睇每道菜都起左个好靓既名，同间餐厅装修一样好有怀旧气息首先黎左前菜，宫保鹅肝配酱香明虾。鹅肝配微辣既宫保酱同酸甜既水蜜桃，真系好创新，入口有好多层次既味道。酱香明虾肉质爽嫩，入口香口之余亦都保存到虾既鲜味。第二道菜，酸辣带子素翅羹。第一啖已经食到好多粒带子，十分足料！酸辣既比例刚刚好。饮完汤之后侍应妹妹比左杯青柠味雪皅，用黎清返个味蕾，贴心既安排。主菜到！黑松露龙虾配蟹籽沙律。超大份 肉质同样鲜嫩，不过个黑松露泡沫感觉太轻，唔够味。沙律头一啖系好fresh，但落得太多dressing，但食多两啖就有少少腻。尾二既菜，食返清少少，豆浆胡芦瓜。第一次食呢个配搭，好有创意。不过个汁太稀，如果可以好似茨汁咁就better。而且⋯仲有少少炭烧味（煮㶶左！？）最尾一道菜，蟹粉炒饭。其实食完主菜个阵已经有少少饱，最尾仲要黎多个饭，对女士黎讲可能真系太饱⋯ 不过饭炒得粒粒分明，配料多又有镬气，仲淋上好多超野味既蟹粉 最尾甜品系热情果panna cotta，不过唔记得影相⋯ 热情果酱好香甜，上面仲有少少椰丝，系好味既～但个人觉得个配搭少少怪，虽然系fusion菜，但前面都系中式野食偏多，如果可以配中式糖水/甜品就更加perfect。整个晚餐环境好正，侍应们唔会成日走嚟烦住晒，地方又阔落。成个套餐性价比真系好高，六百楼下（唔记得提，呢间野竟然唔洗收加一服务费！中高价食肆黎讲真系罕见）可以食到鹅肝、大虾、蟹粉⋯ 好适合大日子聚会
继续阅读