影片
呢两日天气无咁热，落过雨又大风凉左，想食下热粥，又谂起公司附近啲间石磨肠粉。今日平平试下佢既是日例粥，再加碗稳阵既猪润肠粉。2样加埋都系$36，直头超值。碗例粥平平地，但真材实料，有柴鱼、花生、排骨等，啲粥底几甜，正。
继续阅读
呢间位于将军澳富康花园既地铺一开头以为又系普通小食店点知系食石磨肠粉😛🐷叉烧肠粉同平时食既肠粉好大分别普通个啲系表面好平滑而呢款就好似丫婆皮肤咁 皱晒纹但食落又好滑 另外仲加埋蛋😛😛有阵蛋香🥣菜干粥粥就每日都唔同 今日就系菜干粥入面都算多配料而且唔会好水 系食得饱既拎黎送肠粉好夹✨本身仲嗌左个芋头膏但因为系人手落单方面 漏单情况都几严重😑明明我嗌先 但就将最后一份比左人搞到无得食 系有啲心心不愤所以去食一定要催下单😤😤😤
继续阅读
之前去系特登去朝圣观塘某皱纹肠粉名物，点知好似ＢＢ糊咁样质感，今次行经附近见到又有石蘑肠粉，所以又黎试试。除左肠粉，仲有粥同生滚粥、粽子，米粉等⋯⋯⋯虾米肠粉 $21- 记得可以免费加生菜🥬啊啊啊啊啊啊啊啊啊啊好钟意大大片黎嘅肠粉，呢间嘅口感唔错，唔会太厚或者太糊质地—————————————————台面可以自己加花生🥜碎、芝麻，甜酱，辣椒酱，酱油下次希望试埋菜干粥，得星期二四日先会供应啊啊啊啊啊
继续阅读
星期二下午去食，唔使等就有位坐。叫咗个猪润肠加杯豆浆，等咗3分钟就有肠粉食。店员姐姐话落花生粒会好食d。就即管试下，仲有最爱嘅芝麻呢！热腾腾嘅肠粉薄薄地，连焗咗嘅花生碎同豉油食，口感好正！猪润好滑入味，应该几新鲜，不过多咗d。如果粉多d,肉少d就perfect!豆浆唔太甜，几有豆味。店员话系即磨。估唔到店仔细细，可以整咁多嘢！一碟肠粉份量都算多，加埋杯豆浆，已经好饱啦。 p.s.见到同枱叫咗叉烧肠都好吸引。下次再来。
继续阅读
睇杂志介绍多间石磨肠粉，其中一间喺屋企附近，今日放假就近近哋去试吓石磨肠粉，10点钟去到，见到舖仔细细，舖外有两张折枱已坐满人，唯有外卖返家慢慢叹order咗平价套餐牛肉肠粉+柴鱼排骨花生旺菜(细)，其实都只是比散叫平$1。眼见都有唔少人叫外卖，等咗大约5分钟就有得攞啦都算快。大约10分钟路程返到屋企，好肚饿即刻开动。牛肉肠粉仍然热，肠粉好滑，但就少了一份黏糯口感，食到系用新鲜牛肉剁碎，牛肉有牛肉味豉油用胶盒仔另外盛装着，免得耐咗肠粉底部过咸豉油应该是自家调较的，不是出面一般的甜豉油但个人喜欢甜豉油多啲。柴鱼排骨花生旺菜却令我喜出望外，可能因为很足料，细细碗的粥有5粒排骨，除了柴鱼亦有豉味(旺菜系似豉类的干货)，没有加味精都很好味，有家的味道。总括而言，石磨肠粉味道是可以的，但不是预期的好味。反而旺菜粥有惊喜，会为旺菜粥再来。
继续阅读