影片
啲店员做野劲混乱边个客打边个客既食物都搞唔清楚只系烧卖鱼蛋咁简单既野都可以出错个店员入去拎个鱼蛋出返去门口问其他店员头先碗烧卖去左边另一个人就随手拎盒比佢我返到公司打开发现落晒辣油明明我系话唔要辣结果成兜掉左仲要今次已经唔系第一次半年前帮衬过一次叫肠粉烧卖又系咁已经唔系成日帮衬出错机会都咁高真心唔会再帮衬佢
继续阅读
其实都帮衬过好多次，起初质素颇好，近黎开始下降，本身谂住叫埋今次睇吓有冇好转返，叫咗芋圆，叫多包炸云吞，点知包炸云吞中门大开咁，而家咩时势，周围都病菌，食肆应封好包装才交送餐员，咁岩又落大雨，成包野唔食得，要扔！
继续阅读
我成家人平时成日帮衬嘅，有个四眼哥哥应该系老板，佢以前成日都喺度亲力亲为，啲食物质素同味道都算好嘅。但系这几个月，四眼哥哥日日都不在，请左啲新人做，水准插水插到我真系要写个食评。我平时帮衬开的食物包括: 豆腐花，鸡蛋仔，仲有其他小食。但系我谂今次真系要blacklist呢间铺。今日ordered的食物:咸蛋鸡蛋仔 $25 这个根本就是地狱鸡蛋仔。㶶到一个点同店员讲，好似㶶左少少，佢当听唔到。从图片可看出我已经好客气，其实个鸡蛋仔系㶶到发黑人生中吃过最难食的鸡蛋仔。炸椒盐花枝丸 $10 (4粒)店员净系比左3粒我翻到屋企先见到。味道再好食都冇用黑糖芋圆鲜草豆花 $25以前的味道再也吃不到了。芋圆硬到像石头，完全煮不熟我有心同店员讲寻日𠮶碗的芋圆很硬，之后可能要煮熟少少，佢就话可能系批货问题。传统豆腐花 $10味道正常。总结以上的经验，以后不会再去了，要去食的朋友要三思。第一，店员态度不佳。第二，食物质素插水。第三，店员数学程度非常差，除了四粒花枝丸只给了三粒之外，餐牌上写了凡买了炸物或小食，加购豆腐花可减2蚊，本身应该减我4蚊，最后只减我2蚊，我都废事出声了。
继续阅读
炸豆腐好好食👍🏻 刚刚炸起够晒热，都几大份 臭豆腐落好多酱👍🏻 好食又唔臭 下次试埋盐酥鸡同豆花呢间小店价钱合理，分量亦算多。近排瘟疫关系又唔使点排队，返工放工过嚟外卖就刚刚好
继续阅读
头先去佢度谂住买花奶豆腐花，佢话仲未有咁冇所谓啦，之后啦想买烧卖同肠粉，我同佢要求用一个大兜去装，用晒粗口问候我妈妈咁呀，用一个大兜装姐唔使问候人妈妈嘅，个老板娘系大陆人，10分鄙视香港人。大家如果想比北菇问候下你妈妈嘅话你可以去试吓㗎，希望佢哋生意兴隆早日结业。仲有一次同佢𠮶度买墨鱼丸，海鲜价大家自己谂下啦。佢个餐牌都冇写过炸墨鱼丸要贵啲，佢就望一望我之后就话炸墨鱼丸要收贵啲，真系一间良心食店嚟㗎，大家快啲去支持下啦😀
继续阅读