豆漿大王

营业中

休息中

朋友在附近上班，介紹了此店，今日前來一時，晚上6:30 ，店內八成滿座，可見確有有捧場客，點了鹹粢飯，鹹豆漿，小籠包，排骨上海麵及凍豆漿。鹹豆漿先到，喝了一口，口感並非想像般，本人認為不夠鹹及不夠熱，感覺一般。再來粢飯，味道實在不錯，飯底軟糯，有咬口，油炸鬼帶有甜味，算好食。排骨麵份量夠，但排骨炸過龍，有點乾。小籠包即叫即蒸，新鮮$28/4粒，體積柔弱，雖然湯汁夠，但確實迷你了一點。凍豆漿可以。整體感覺未有預期中驚喜。至於性價比：我最不明白餐牌的套餐價粢飯$16加鹹豆漿$17, 其實即是單點價錢，所以十分不明白何謂套餐？！

米芝蓮星級推介左幾年，價錢依然草根貼地，沒有因為得到推介而瘋狂加價，或者食物質素下降，所以keep住都有幫襯。每次必食就當然係粢飯，新鮮即整熱辣辣，另外肉鬆紫菜粢飯球都好食😋

星期六嚟開附近有啲嘢做終於去試下米芝蓮嘅豆漿大王粢飯幾好食油炸鬼好香口鹹豆漿個人唔係好接受到每次食完都接受唔到都唔小心再嗌係多料嘅但係味道唔係好啱我煎豆腐普通豆腐冇乜味唔係咁好食生煎菜肉包好似普通埋嗰啲點心咁冇乜特別排骨面亦都正正常常排骨幾香不過有浸臘腸嘅油香味總括嚟講都幾抵食但係冇必要去到新蒲崗試因為九龍灣分店都差唔多味

唔知大家會唔會特別中意食啲煙煙銀銀嘅野，而粢飯就係其中一種我好中意食嘅野黎。我甚至加入左啲咩粢飯關注組嘅group😂發現在好多朋友仔都特別推介呢間。所以我就即刻捉住肥仔去試下🙊🍚鹹粢飯配鹹豆漿($16➕$17)平時係街買粢飯永遠只有一種口味，唔講都唔知原來粢飯都有甜同咸之分。甜粢飯就會有砂糖同埋油炸鬼，鹹粢飯就係我哋一般會食嘅有油炸鬼，肉鬆同埋榨菜。佢嘅粢飯即叫即做，上枱嘅時候熱辣辣，連條油炸鬼都脆卜卜，肉鬆同埋榨菜嘅配搭唔會太鹹，容量適中。暫時真係我食過最好食嘅粢飯。🥣鹹豆漿 我就未食過鹹豆漿嘅，完全唔知鹹豆漿其實係啲咩。原來佢係用豆漿煮熱加入蔥花，蝦米同埋油炸鬼。其實佢嘅味道就好似飲緊湯，啖啖都有好香嘅蝦米味。完全唔覺得自己係食緊豆漿😆好新奇嘅味道，雖然加咗油炸鬼，但係識落感覺一啲都唔油膩🍹飲品方面，我見大多數嘅朋友仔都係會飲凍豆漿，今次因為叫咗鹹豆漿，就無叫到其他野飲啦。P.S 新蒲崗分店喺工業大廈嘅地下，佢唔近地鐵站，所以如果大家夏天想去試吓，記得帶返把風扇仔。因為佢都需要行一條比較長嘅路，加上係工業區，真係會熱上加熱㗎🥵

有冇人好鐘意食秶飯依加好食嘅秶飯賣少見少好耐冇食過啦最掛住係秶飯真心出面食到 通常都又淋又痴又濕一D都唔好食呢間秶飯 豆漿大王係世一飯-粒粒分別 又香又脆油炸鬼＋肉鬆＋炸菜係絕配一啲都冇濕淋感覺豆漿大王係世一 秶飯世一味道：🥰🥰🥰🥰＋0.5/5CP：😍😍😍/5豆漿大王新蒲崗大有街34號新科技廣場地下9號舖

真係估唔到第一次到新蒲崗分店幫襯原來係咁差，粢飯漏單同店員（紮着馬尾）講了差不多10次，她不睬我，等了差不多35分鐘，再同店員講，冇就取消，之後就送到，非常失望，比其他分店細好多，點了酸辣牛肉麵，完全不似酸辣湯的味，味道非常之怪，很難食。煎餃子很油膩，不是之前食評講得那麼好吃，豆漿沒有味道，奶茶普普通通，脆香雞扒麵，雞扒一啲都唔脆，份量少少，味道勉強接受，環境很焗只有風扇吹住，正正吹住的頭部 ，很辛苦。店員的態度是重點，我發覺他們的態度真的很差，落單後，紮馬尾的店員把點菜單掉落枱，我以為佢發脾氣添！同佢講嘢唔睬你，一啲反應都冇，我好肯定佢係聽到我講嘢，因為我講咗好多次，隔籬枱啲人都望住，佢冇可能聽唔到，唔知點解該店會請啲咁嘅人，我唔會再幫襯😡

深受大眾歡迎嘅米芝蓮小食店，今日終於可以試下啦😍 嚟到梗係唔可以錯過佢地出名既粢飯同鹹豆漿啦☺️ -咸粢飯 糯米飯口感夠煙韌，餡料有炸菜、油條同肉鬆，食得出入面既油條既新鮮，咬落好脆身🤤🤤不過份量偏細左少少，建議可以+$8 全加料🫢-咸豆漿 平時甜豆漿就飲得多，從來都未試過咸豆漿，餡料有蝦米🦐、蔥花同油炸鬼，夾埋一齊真係幾好食，好香口😍😍 有再食既價值🤩

-{新蒲崗粢飯🍚}之前攞過好多次米芝連嘅豆漿大王😋終於有機會黎試🤟🤤粢飯🤤 ($16)比想像中失望 首先油炸鬼炸得耐咗 食落有啲刮口粢飯唔夠紮實一式好鬆散啲晒糯米同埋肉鬆出嚟😭同埋配料都比想像中鹹👀👖褲評: 6/10🤤煎餃子🤤 ($24)一咬落爆曬汁 好重韭菜味🥰皮煎得好脆！不過有少少油👖褲評: 7.8/10🤤小籠包🤤 ($30)小籠包個皮有啲口不過湯汁比平時嘅多😚但佢啲皮黐埋晒一齊好難撕開 又驚爆汁🥶👖褲評: 7.5/10下午茶時段食埋單70蚊真係嚇親😂😂😂仲要包熱或者凍豆漿好滿足！粢飯真係有啲失望🥲但鍋貼同小籠包都唔錯😗性價比: 8.5/10服務: 8/10環境: 7.5/10🚩 豆漿大王 🚩地址: 新蒲崗大有街34號新科技廣場地下9號舖#fuudjai #fuudjai中式 #fuudjai新蒲崗

午餐選擇之一。餐牌有飯有麵，仲有最出名嘅粢飯。 午市舖頭相對多人，一個人都要等位。午市套餐送熱凍豆漿，算吸引👍🏻今次試咗豆漿大王的招牌菜式上海排骨麵，由於鍾意食辣所以加咗$6配酸辣湯底整體來講都好味，有上海菜嘅味道及特色。酸辣湯底嘅酸味恰當，同時材料豐富，每一啖都有咬口最後埋單$46，區內午飯來講其實都合理

聽說這間餐廳常常都很多人的，去到見門口已經很多人等外賣了，入面都坐滿人客，所以感覺都幾迫，好彩張枱都算正常大小，起碼還有地方郁動$39油豆腐麵豆腐中間釀入了一些煎過的魚肉，所以魚肉表面有些脆既口感，肉就有些咸味，加上多汁既豆腐卜，口感很好$24粢飯油炸鬼很脆，加上肉鬆炸菜，基本上就是一般粢飯，不過應該是即做，才能保持油炸鬼非常的脆，不知是否這個關係，粢飯等左半小時才有$14煎菜肉包煎得岩岩好皮脆，正常發揮總括而言，只計食物質素是好味的

呢間豆漿大王真係好出名 咁啱最近去新蒲崗返工 當然要去幫襯下❤️粢飯真係好抵食 10幾蚊就食到 而且內餡好豐富有：油炸鬼、榨菜同肉鬆 唔會食落剩係得飯 早餐食一舊就夠 真係平靚正👍🏻

我會推薦咸豆漿，因為出面好多甜豆漿，咸的比較少見，豆漿內有油炸鬼、櫻花蝦、豆腐，好香豆味、好飲，但妹妹話似湯，佢唔鐘意，我就十分鐘意！口味人人唔同～～～另外，我叫了瓷飯，內有油炸鬼，好脆，還有炸菜，但較細條。個滷水豆腐滷蛋拼盆最正，好入味，$30超值！樽仔奶茶好飲，$4加餐即可，脆炸奶多$23，抵！

最近去咗新蒲崗返工 就嚟試吓呢間米芝蓮小食店 環境真係比較細所以建議外賣🥡佢哋嘅粢飯好足料勁大條 而且價錢$20都唔使 真係好平！鹹豆漿嘅配料都好豐富 食早餐唔錯嘅選擇🥣

樓面阿姐 件件 發緊夢個客買外賣，佢叫個客坐低等，明明聽到佢叫个客坐底等，之後出來話个客叫外賣又唔講！重要重覆話个客！暈低！好多味精！吃完口喝！ 淨係食豆腐花最穩陣！

尋找好味粢飯之旅 拜訪出晒名米芝蓮推介小店 兩個人食3樣嘢+2杯豆漿 埋單$70 銀包好開心🥹🍙咸粢飯💰HKD16（Rating：7/10）有齊榨菜/油條/肉鬆 肉鬆佔多 Size一望覺得比上海真真細2-3成 不過平$6！所以味道先係重點✨糯米煙韌熟度適中 但如圖可見包得唔夠實 未攞起已經散散地 可能因為飯偏薄 覺得餡料略太鹹🤨可取之處係油條夠脆（食真真淋淋地）食得有少少狼狽 唔驚艷但可接受🥟煎餃子（韭菜豬肉）💰HKD24（Rating：7.9/10）反而係我覺得最好食item😂餃子有4隻 煎得脆而不油膩 另一邊帶煙韌 餡料好Juicy 菜同肉份量都足夠 唔過鹹唔過肥 令我回想起以前讀書放lunch 鍾意去食八方雲集韭菜鍋貼😛掛住食唔記得食之前影🤡💨小籠包💰HKD30（Rating：7.3/10）製作需時即叫即蒸！一籠4個 味道都唔錯 唔會好厚皮/粉 都有啲湯汁 調味適中 點埋醋食就perfect 易入口的味道 當時冇匙羹 夾起嚟食食到心驚膽跳🤣🥛熱豆漿/凍豆漿🆓跟下午茶餐（Rating：7.4/10）熱豆漿熱到滾水咁 一碗上 可自己加糖 幾好👍凍豆漿以杯裝 我哋覺得太甜😳兩杯撈埋就啱