影片
呢间「豆乳狂人」个Menu真系好吸引，8。6特浓豆乳、豆乳茶、豆乳奶盖、桃胶、芋泥，同多芒系列等。仲有多款小食，炸物！比个多芒系列吸引住，卖相好正！🌈多芒小丸子 $45 🌈多芒杨枝甘露 $45都系以芒果+芒果汁+西米+小丸子+鲜奶油为主，（杨枝甘露就多左柚子，多一份清爽既柚子香气，），芒果份量好多，切到大大粒，清甜浓郁，香气十足，完全冇酸味，小丸子烟韧有咬口，份量都几足料，浓浓既奶香同芒果香夹埋一齐，好正！🌈抹茶红豆小丸子 $48用8。6豆乳抹茶做base，配合软绵红豆，饮到浓浓既豆香味同抹茶既甘味，甜得黎有层次，唔系死甜，小许creamy，入口顺滑。🔥酥炸鸡软骨 $30新鲜出炉，热辣辣，好酥脆但系唔会干，小许椒盐调味已经好惹味！🔥椒盐炸木棉豆腐 $26外面香脆，内里豆腐口感较普通豆腐要扎实，绵密，有口感！
继续阅读
差唔多次行城门河都会嚟买下甜品食。由新开到而家质素都冇乜点。🔸豆豆仙草 $42呢款甜度最低，甜味主要来自红豆。仙草同豆腐花好滑溜，芋头番薯圆好Q弹。🔸多芒西米 $42芒果份量超多，不过入秋后唔系当造，所以有啲会比较酸。西米大大粒几有咬口。🔸桃胶芋泥小丸子 $42芋泥绵密细滑，冻食特别好味。仲有滋润嘅桃胶，啱晒秋冬食。🔸抹茶红豆小丸子 $42抹茶香醇唔苦涩，同红豆超级夹。🔸酥炸鸡软骨 $30炸得好香脆，而且盐酥粉洒得好平均，味道唔会太咸。
继续阅读
豆乳狂人 沙田前两日师奶仔同朋友去野餐，喺佢屋企楼下见到呢间几新颖嘅铺头，入去发觉佢啲嘢食好吸引😍几个人就即兴买咗啲小食去食🤣多芒小丸子朋友叫嘅呢个超好食😍上面嘅芒果大大粒！好鲜甜！好新鲜！入面仲有西米、小丸子、同埋好香嘅芒果汁😝好食！黄金脆脆豆乳茶呢个我叫嘅！上面嘅黄金脆脆系用咸蛋黄做成，入面材料好丰富！有珍珠、西米、奶盖、白玉😝最好系有得嗌走甜，好适合唔系太钟意甜嘢嘅我，叫完走甜成杯嘢饮唔系太甜，好饮😋炸鸡软骨呢个系超级超级好食！细细粒嘅鸡软骨，配上椒盐，简直一粒停唔到口！滋润之选入面有芋泥、桃胶、西米、芋圆、今完超级饱🤣🤣第一次食呢间嘢，但系估唔到有惊喜！希望佢迟啲开啲分店，更加可以方便买到！又有益嘅手摇饮品，绝对系珍珠奶茶之外嘅另一选择😋😋
继续阅读
🍡三色芋圆系列🍡自家制芋圆果然同现成嘅有差别😻大大粒，味道分明，唔会硬。眯埋眼唔靠颜色可以分得出边粒系芋圆/地瓜圆/紫薯圆👀📍超烟瘾之选(+珍珠+豆乳布丁+小丸子)贵为豆制品专门店，滑嘟嘟嘅布丁豆味十足👍🏻可惜比传统豆腐花样样配料都好好咬，烟瘾控实会好满足😍📍滋养之选(+芋泥+桃胶+西米)私心推介抹杯芋泥🤩芋头味好香，真材实料💜桃胶有咬口得黎卡路里低，啱晒忍唔到口又想keep fit嘅女仔👧🏻🥭多芒系列🥭买甜品氹人拣芒果味实安全🙃大小朋友都钟意🤞🏻西米+芒果+芒果汁+鲜奶油系基本配料，啖啖新鲜芒果🥭简单得黎唔会腻😚想fresh啲/口感丰富啲可以啲加埋小丸子&柚子🍊📍多芒西米📍多芒小丸子(+小丸子)📍多芒杨枝甘露(+小丸子+柚子)P.S.重新装修完好企理✨水准依旧👍🏻可惜定价无以前咁亲民😟
继续阅读
1）自从装修后，劲加价一大截不特只（新旧Menu 对比之下😱😱😱）新Menu：旧Menu:2）连想要普通豆腐花～～「无」😞3）甜品想加只系花奶，又话唔得（因为以前可自由选择）会有埋椰汁，因为店员话沟好咗。😓😓😓4）好多好味小食，好似炸豆腐、臭豆腐、花枝、鱼旦…「又无」😞😞其实装修后是想赶客吗？
继续阅读