譚仔雲南米線

营业中

休息中

病咗唔知食咩好，落咗譚仔叫個清清地嘅魚蛋米線，走咗腐皮同埋芽菜，雖然病咗食唔到辣，但係淡淡地都幾好食嘅，舖頭啲阿姐又好好人，唔知食咩食譚仔都OK啦，希望快啲病好啦

上網熱烈討論嘅譚仔下午茶餐牌，終於有機會可以一戰！去到睇完其實都唔係咁快明，因為佢上下兩part都仲有分唔同價錢😂但係阿姐已經極速咁企咗我隔離都等，所以我直接叫佢介紹阿姐叫我試吓個多士，因為係新出，佢覺得幾好食，係天真同冇時間選擇嘅情況下我相信咗佢玉桂焦糖多士 + 土匪雞翼2隻 + 麻辣豬耳 配 凍檸茶數量上覺得好豐富，但由於多士同雞翼得各2件，豬耳係迷你版，所以下午茶係岩岩好，唔會好飽。玉桂焦糖多士唔夠味，好似食緊一塊烘乾左既方包咁🥲比遮遮呃左。。定係今日落得唔夠料呢？叫下叫下都40幾蚊，其實同出邊下午茶差唔多價錢，但係譚仔嘅下午茶湯底就有限制，只限清湯如果一心諗住食米線，好似正正經經食返個普通叫法會開心啲。

譚仔係4月13日推出左期間限定新品「豬皮豬軟骨花椒重慶酸辣湯米線」，同埋兩款Chill爽特飲，佢地仲趁ViuTV劇集和解在後 熱播中，邀請到主角恆仔、Ivyso 試食😝🤟🏻：-1️⃣「豬皮豬軟骨花椒重慶酸辣湯米線🍜($51起)」(全新限定)豬軟骨夠軟淋，豬皮爽口，湯底惹味🥢 ~Rice noodles with stewed pork cartilages 👍🏻-2️⃣「菠蘿味無糖可口可樂®特飲🍍」(全新限定)好好飲，真係好濃菠蘿味~👍🏻Pineapple flavour zero cola-3️⃣「水蜜桃味愛玉冰特飲 (原價$17/ 加配價$13)」(全新限定)雪碧加左水蜜桃汁，仲有有咬口嘅愛玉，好解辣🤣~Peaches Sprite

今天我，再次幫襯譚仔雲南米線，早排食得太多次重慶酸辣，今日就返撲歸真，食返麻辣。譚仔雲南米線既麻辣都係一如以往KEEP得住水準，今次我就食既辣度高左，食2小辣，麻咀既感覺好過㽼。除左個米線之外，仲叫左個十三香，不得不讚呢個十三香，雖然之前都出過一次，但係以前都係得燒賣魚蛋既PRE SET十三香，而今次十三香強勢回歸仲可以揀唔同既配搭，蟹柳又有，魚肉春卷又有，揀返本身既魚蛋又得，好多選擇，同埋佢既辣汁係超級好食，用來點米線既餸(e.g.雞肉，腩肉)，一絕既配搭。最後加埋杯餐飲咁又一餐啦。

今日好想食米線所以去咗食譚仔一到lunchtime就大把人位又多外賣平時食譚仔我都淨係食炸醬米線我通常會叫兩份炸醬😝 係呢間舖頭嘅炸醬先會俾多少少其他舖頭叫兩份都唔知夠唔夠呢既一份今日想食濃味少少既湯味 所以叫左個胡辣湯米線都係正常最緊要炸醬好味同埋夠多🤤

👵🏻 吃濃汁豬軟骨寬麵換賤人新世紀扇譚仔雲南米線又有新攪作，現惠顧濃汁豬軟骨寬麵，即送「賤人新世紀」米扇一把。由8月1日起連續三星期，每星期都有不同款式的米扇登場。筆者內心是想要阿婆款的，但還是想試試到底寬麵是伏是友。🤩 各位讀者可按個人喜好吃麵換扇，看準時機去馬！🔸 8月1日起：譚仔姐姐款🔸 8月8日起：阿婆款🔸 8月15日起：大麻成款🌶 阿婆走得快，一定有古怪，率先試試店中新品濃汁豬軟骨寬麵，當筆者下單要中辣時，譚仔姐姐有提點此款麵是較辣的款式，怕辣可轉辣度低一點，但以平常吃慣中辣的筆者來說，還是想比較一下有什麼區別。🌶 中辣寬麵比預期中辣，花椒重慶酸辣湯滿碗是紅油，酸度足，辣得有後勁。寬麵是滑身的款式，不是彈牙的麵款，質感有點像上海雲吞皮，掛湯力高。麵中配3件豬軟骨，炆得頗腍，容易入口。2件豆卜吸了辣湯後，惹味好吃。🔸小總結：難得米線店引入麵食，味道比想像中好吃，而且性格比超強，優惠期間天送特定款式米扇，為夏日送爽，趕快一試吧！👅 味道：4.1/5💰CP值：4.8/5🕴🏻服務：4.8/5🔰餐廳環境：4.5/5🍽 餐廳：譚仔雲南米線🌐地址: 尖沙咀漆咸道67-71號安年大廈地下B舖

今日試新野 食新出嘅韓式泡菜雞卷米線（$45 )同十三香（$19)，米線可另加辣，今次無加辣，試試佢原汁原味韓式風味 上到嚟之後真係唔錯，個湯底唔辣而且充滿泡菜嘅味道，唔濃唔淡，如果鍾意辣嘅可以選擇再加辣。佢俾嘅海帶同雞卷都幾多，份量充足。十三香就係香港嘅咖哩魚蛋同燒賣，另加麵筋，好港式風味，估唔到會喺譚仔食到燒賣同魚蛋呢兩樣野。入面有啲指天椒喺度，但成份野係唔辣嘅，味道都唔錯，可以一試。

收工行過見到好肚餓，但係因為太熱嘅關係又唔想食米線。咁就諗住淨係食土匪雞翼啦。行埋去counter問姐姐可唔可以就咁叫土匪雞翼外賣。姐姐話冇問題咁二話不說就叫個大土匪拎走啦。其實我都係第一次淨叫土匪雞翼拎走。等咗都大約兩個字左右，不過我又覺得值得等嘅。拎到返屋企雞翼仲係熱嘅。急不及待即刻拆嚟食。雞翼外脆內多汁。外面脆得來非常之香口。而家開雞翼皮裏面有大量肉汁流出來。簡直就係人間美食。食咗五隻之後都好滿足啦。

話說之前譚仔推出期間限定嘅芫茜米線，就同同事食晏試試佢。1. 香茜皮蛋脆肉鯇魚湯米線（+芫茜山）身為芫茜愛好者嘅我特登加多3蚊要座芫茜山，加埋落碗麵，d芫茜多到見唔到其他食材。食呢碗麵一定要食左芫茜先，芫茜浸耐左會縮同冇咁爽口。另外，皮蛋同脆魚鯇都多份量，冇偷工減料，皮蛋好出色，咸度適中，食完唔會覺得有痰卡喺喉嚨；脆魚鯇煮得啱啱好，爽口實肉，有水準。2. 土匪雞翼同同事一齊些牙左份土匪雞翼，一如以往，辣得黎有些少胡椒味，炸得啱啱好，惹味香口。埋單每人55蚊，眾所周知，譚仔親民抵食，呢次香茜米線有出色發揮，芫茜愛好者必試之選！

自從開始低醣飲食之後真係去少好多譚仔一個星期先一日open day亦未必會揀譚仔不過而家唔同喇因為米線可轉菜底簡直係低醣飲食嘅佳音我今日叫咗牛肉豬肉豆卜生菜底又食到譚仔嘅味道又唔使食澱粉質再加埋個細土匪簡直係Perfect如果可以多啲肉類嘅選擇唔好咁多醃製嘅食物就更好

🇭🇰譚仔雲南米線·呢個撈米線我想試好耐架啦 但係見佢既評價好兩極 所以一路都的唔起心肝🤭難得個日同事都想試 所以就一齊去左😈😈·麻辣汁烤雞炸醬撈米線$43我覺得佢比我想像中好食既 就係幻想個個味咁 炸醬同酸菜個份量都好多 同埋因為佢有個麻辣汁 所以都幾惹味😌而且我自己覺得就算五小辣都唔算話好辣 同平時十小差唔多 不過佢個米線就真係偏淋身既🙊🙊之後佢個烤雞就正正常常啦 不過我覺得佢碗米線係偏細碗既 因為我自己一個都輕鬆食曬🤣🤣·📍漆咸道67-71號安年大廈地下B舖

譚仔出新嘢，我都認唔住去咗食。。。麻辣汁烤雞炸醬撈米線 $43 唔食得辣嘅我 我揀咗3小辣，厚切雞件比我想中嫰滑彈牙，加上酸菜令到更加開胃，秘製麻辣醬汁撈埋啲米線 , 成口都好有麻辣口感 海鹽柚子樂 跟餐 $12柚子配海鹽兩種都好出 ，食完嗰米線，飲呢杯就喺好似幫我救火一樣 ，HAHA。

———1️⃣ #泡椒酸菜魚湯米線配脆肉鯇 $42👀湯底好濃魚湯味 加埋酸酸辣辣嘅泡椒酸菜 好惹味🤤 怕食魚嘅朋友都唔洗驚因為全部都係魚片冇骨🤣3️⃣ #川風香辣黑柏葉 $28 #巴蜀爽脆生腸 $334️⃣ #菠蘿冰 加配價$11 #凍豆花黑糖薑母茶 加配價$11食完辣野 飲番杯特飲即刻解到辣🥳—————⚡️食物 4/5⚡️環境 3/5⚡️服務 3.5/5———譚仔雲南米線（海港城）尖沙咀海港城港威商場4樓4001號鋪#winfat#winfat尖沙咀

今日芫荽控出擊，一直都有留意,出左個（香茜皮蛋魚湯米線配脆肉鯇）同埋香茜青檸雪碧，今日終於是可以一試。（香茜皮蛋魚湯米線配脆肉鯇）加3蚊可以加芫荽山同埋加杯香茜青檸雪碧，（香茜皮蛋魚湯米線配脆肉鯇）外觀唔使點講，因為只會見到譚仔招牌碗加上成個面都係芫荽山，芫荽味香飄，飲啖湯，係飲曾相識，有啲似某牌子既火鍋湯底，湯味中冇茜味冇皮蛋味，加上芫荽同皮蛋都冇煮過既完整感，所以都合理，芫荽同皮蛋都冇咩特別，但魚片有經起，店員表示係脆肉鯇，但我覺得好唔簡單，因為口感出其地爽滑彈牙，有脆腩同熏蹄之間既口感，的確特別同大大加分，而香茜青檸雪碧，飲品中只有芫荽，唔見青檸，所以我認為係原裝青檸咪雪碧加打爛左既芫荽，味道唔排斥，可以再試。

今日 出尖沙咀行街 咁岩見到間譚仔做緊新湯底 就入去試下啦 呢間譚仔都算新 所以環境 衛生都算幾好出餐速度算快我嗌左 炸醬 酸菜魚湯底中辣可能因為酸菜魚湯底既關係 辣度比起平時既溫和左好多 中辣食落 同平時小辣差不多但係個酸菜 就好香 好好味 反而變左重點但有樣唔好既就係 餸只有脆肉鯇一種魚偏偏脆肉鯇同酸菜魚既湯底 就唔太夾建議食呢個湯既人 無必要就唔好揀脆肉鯇啦希望佢遲d會加番普通魚片咁湯底泡椒味重 真係唔錯 比起三哥既水煮鴨血 更出色 因為三哥既鴨血湯 唐芹味道太濃 甚至會搶哂水煮既味