影片
以上资料只供参考，请与餐厅确认详情
寻日放工去完鸭记冻冻地，2条友谂住打边炉。一路揾，见到呢间好一般装修的餐厅，竟然有羊腩煲，入去试吓。我哋叫左佪细煲。上菜时见到都好大煲吓。羊脾同羊腩比例约6:4, 令到煲羊腩煲不致于太油。D羊忟到刚刚好，淋得嚟唔散开（我自己屋企忟放保温煲成日过哂火，D肉淋到散开）。佪汁系南乳+腐乳。无落柱候酱，色较浅色，但味道唔错。配料有大花菇，冬荀，马蹄及支竹。大花菇好淋。冬荀系罐头货，但好入味，马蹄唔系罐头货，食到新鲜马蹄的甜味。支竹仲食到自家炸果阵㶶香味。二佰六十几蚊，有咁嘅水准，见到厨师系有心做，而唔系求其一煲嘢咁比客食。生菜系送的。如果系唐好就无得顶。个楼面呀姐仲久唔久埋嚟换吓碟，问吓佪羊腩煲好唔好食咁，有啲似以前屋村餐厅做街坊生意嘅feel。
继续阅读
当晚要揾食晚餐嘅地方，经过记得以前呢间系茶餐厅，见佢全新装修，晚餐价钱合理就入去一试。落单可以扫qr code或者叫伙记帮手都得。朋友点了厨房推介“大澳炒饭”，跟餐汤和餐饮。中汤系霸王花猪骨，味道怪怪的，不似霸王花煲出来嘅味道😝餐饮点咗冻奶茶少甜，完全唔似港式奶茶。大澳炒饭系好食，有虾有鱼肉粒，用虾酱炒饭好香唔会死咸。我点了铁板餐黑椒汁牛扒配薯菜，罗宋汤热斋啡。罗宋汤无肉只有菜，唔酸只系得个“辣”字，饮咗两啖放弃。牛扒要7成熟，做到我嘅要求，但牛扒向铁板嘅一面㶶咗D😮💨，黑椒汁上洒咗黑椒碎粒，完全唔夹兼无黑椒味，薯菜个“菜”只得一片番茄，薯条还可以，唔系热只系少少脆。热斋啡唔太苦涩。估计叫中式小菜类会好食好多。
继续阅读